COVID-19
ជាតិ
×![]()
ពលរដ្ឋខ្មែរធ្វើការនៅថៃជាង ៤ម៉ឺននាក់ បានត្រឡប់មកកាន់ប្រទេសកម្ពុជាវិញ មុនពេលកម្ពុជា-ថៃ បានសម្រេចបិទព្រំដែន។ នេះបើតាម សម្ដេចឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ នៅថ្ងៃទី២៦ ខែមីនានេះ។ 
ក្នុងពិធីជួបសំណេះសំណាលជាមួយមន្ត្រី ដែលកំពុងបំពេញភារកិច្ចនៅតាមបណ្ដាច្រកទ្វារព្រំដែនកម្ពុជា-ថៃ ស្ថិតក្នុងភូមិសាស្ត្រខេត្តឧត្តរមានជ័យ សម្ដេច ស ខេង បានស្នើសុំឱ្យអាជ្ញាធរមូលដ្ឋានរាយការណ៍អំពីចំនួនពលករចំណាកស្រុកដែលបានវិលត្រឡប់មកវិញ។ សម្ដេច ស ខេង បានបញ្ជាក់ថា អាជ្ញាធរមូលដ្ឋាន បានជូនដំណឹងថាមានកម្មករចំណាកស្រុកជាង ៤ម៉ឺននាក់បានមកដល់ស្រុកវិញ។
សម្ដេច ស ខេង បានអះអាងដូច្នេះថា៖«យើងធ្វើមិនបានល្អទេក្នុងការពិនិត្យសុខភាព»។ សម្ដេច បន្ថែមថា នៅឯប៉ុស្តិ៍ត្រួតពិនិត្យព្រំដែននៅខាងកម្ពុជា តាមផែនការមិនត្រឹមតែដើម្បីរាប់ចំនួនកម្មករដែលបានវិលត្រឡប់មកវិញនោះទេ ប៉ុន្តែថែមទាំងបញ្ជូនពួកគេទៅពិនិត្យសុខភាពរកកូវីដ១៩។
លោក ប៉ុក សំណាង ដែលធ្វើការផ្នែកតំឡើងម៉ាស៊ីនដេរនៅប្រទេសថៃ បាននិយាយថា គាត់បានឆ្លងកាត់ព្រំដែននៅច្រកទ្វារក្រុងប៉ោយប៉ែតខេត្តបន្ទាយមានជ័យ។ លោក សំណាង បានបញ្ជាក់ដូច្នេះថា៖ «ខ្ញុំបានមកដល់ប៉ោយប៉ែតនៅរសៀលថ្ងៃទី ២២ ខែមីនានេះ ដោយមិនមានការត្រួតពិនិត្យសុខភាពណាមួយឡើយ»។
លោក សំណាង បានទៅដល់ផ្ទះនៅឯខេត្តតាកែវនៅថ្ងៃទី ២៣ ខែមីនា ហើយបានទៅមន្ទីរសុខភាពឃុំរបស់គាត់នៅថ្ងៃ ដើម្បីទទួលបានការធ្វើតេស្ត កូវីដ១៩ ។ លោកគ្រូពេទ្យ បានប្រាប់លោកថា លោកមិនមានរោគសញ្ញាអ្វីទេ ប៉ុន្តែលោកគួរតែត្រឡប់មកវិញក្នុងរយៈពេល ៣ថ្ងៃដើម្បីទទួលបានលទ្ធផលតេស្តម្ដងទៀត។
សម្ដេច ស ខេង បានបន្ថែមថា ពលករខ្មែររាប់ពាន់នាក់បានវិលត្រឡប់មកពីប្រទេសថៃ ហើយអាជ្ញាធរមិនមានគ្រឿងបរិក្ខារ ដើម្បីដាច់ពួកគេឲ្យនៅដាច់ដោយឡែករយៈពេល ១៤ថ្ងៃ។ សម្ដេច បានស្នើរឲ្យអាជ្ញាធរបន្តយកចិត្តទុកដាក់ជាមួយពលរដ្ឋខ្មែរដែលបានត្រឡប់មកពីប្រទេសថៃវិញ និងជំរុញឲ្យមានការផ្សព្វផ្សាយអប់រំ ដល់ពួកគាត់ឱ្យបានដឹងពីការពារឆ្លងជំងឺរាតត្បាត កូវីដ១៩។
គិតត្រឹមថ្ងៃទី២៦ ខែមីនា ថៃមានអ្នកផ្ទុកកូវីដ-១៩ ជាង១ពាន់នាក់ ក្នុងនោះស្លាប់៤នាក់ និងជាសះស្បើយ៨៨នាក់។ ចំណែក កម្ពុជា មានអ្នកឆ្លងកូវីដ-១៩ ចំនួន៩៦នាក់ តែបានជាសះស្បើយវិញ១០នាក់៕
ក្នុងពិធីជួបសំណេះសំណាលជាមួយមន្ត្រី ដែលកំពុងបំពេញភារកិច្ចនៅតាមបណ្ដាច្រកទ្វារព្រំដែនកម្ពុជា-ថៃ ស្ថិតក្នុងភូមិសាស្ត្រខេត្តឧត្តរមានជ័យ សម្ដេច ស ខេង បានស្នើសុំឱ្យអាជ្ញាធរមូលដ្ឋានរាយការណ៍អំពីចំនួនពលករចំណាកស្រុកដែលបានវិលត្រឡប់មកវិញ។ សម្ដេច ស ខេង បានបញ្ជាក់ថា អាជ្ញាធរមូលដ្ឋាន បានជូនដំណឹងថាមានកម្មករចំណាកស្រុកជាង ៤ម៉ឺននាក់បានមកដល់ស្រុកវិញ។
សម្ដេច ស ខេង បានអះអាងដូច្នេះថា៖«យើងធ្វើមិនបានល្អទេក្នុងការពិនិត្យសុខភាព»។ សម្ដេច បន្ថែមថា នៅឯប៉ុស្តិ៍ត្រួតពិនិត្យព្រំដែននៅខាងកម្ពុជា តាមផែនការមិនត្រឹមតែដើម្បីរាប់ចំនួនកម្មករដែលបានវិលត្រឡប់មកវិញនោះទេ ប៉ុន្តែថែមទាំងបញ្ជូនពួកគេទៅពិនិត្យសុខភាពរកកូវីដ១៩។
លោក ប៉ុក សំណាង ដែលធ្វើការផ្នែកតំឡើងម៉ាស៊ីនដេរនៅប្រទេសថៃ បាននិយាយថា គាត់បានឆ្លងកាត់ព្រំដែននៅច្រកទ្វារក្រុងប៉ោយប៉ែតខេត្តបន្ទាយមានជ័យ។ លោក សំណាង បានបញ្ជាក់ដូច្នេះថា៖ «ខ្ញុំបានមកដល់ប៉ោយប៉ែតនៅរសៀលថ្ងៃទី ២២ ខែមីនានេះ ដោយមិនមានការត្រួតពិនិត្យសុខភាពណាមួយឡើយ»។
លោក សំណាង បានទៅដល់ផ្ទះនៅឯខេត្តតាកែវនៅថ្ងៃទី ២៣ ខែមីនា ហើយបានទៅមន្ទីរសុខភាពឃុំរបស់គាត់នៅថ្ងៃ ដើម្បីទទួលបានការធ្វើតេស្ត កូវីដ១៩ ។ លោកគ្រូពេទ្យ បានប្រាប់លោកថា លោកមិនមានរោគសញ្ញាអ្វីទេ ប៉ុន្តែលោកគួរតែត្រឡប់មកវិញក្នុងរយៈពេល ៣ថ្ងៃដើម្បីទទួលបានលទ្ធផលតេស្តម្ដងទៀត។
សម្ដេច ស ខេង បានបន្ថែមថា ពលករខ្មែររាប់ពាន់នាក់បានវិលត្រឡប់មកពីប្រទេសថៃ ហើយអាជ្ញាធរមិនមានគ្រឿងបរិក្ខារ ដើម្បីដាច់ពួកគេឲ្យនៅដាច់ដោយឡែករយៈពេល ១៤ថ្ងៃ។ សម្ដេច បានស្នើរឲ្យអាជ្ញាធរបន្តយកចិត្តទុកដាក់ជាមួយពលរដ្ឋខ្មែរដែលបានត្រឡប់មកពីប្រទេសថៃវិញ និងជំរុញឲ្យមានការផ្សព្វផ្សាយអប់រំ ដល់ពួកគាត់ឱ្យបានដឹងពីការពារឆ្លងជំងឺរាតត្បាត កូវីដ១៩។
គិតត្រឹមថ្ងៃទី២៦ ខែមីនា ថៃមានអ្នកផ្ទុកកូវីដ-១៩ ជាង១ពាន់នាក់ ក្នុងនោះស្លាប់៤នាក់ និងជាសះស្បើយ៨៨នាក់។ ចំណែក កម្ពុជា មានអ្នកឆ្លងកូវីដ-១៩ ចំនួន៩៦នាក់ តែបានជាសះស្បើយវិញ១០នាក់៕
© រក្សាសិទ្ធិដោយ thmeythmey.com
