COVID-19
អន្តរជាតិ
×![]()
ក្រសួងការពារជាតិរុស្ស៉ី នៅថ្ងៃទី ២៦ មីនា ប្រកាសថា រុស្ស៉ីបានទទួលម៉ាស់១លានសន្លឹក និងឧបករណ៍ធ្វើតេស្ត២សែនសម្រាប់ពីមហាសេដ្ឋីចិន ជេក ម៉ា ។ រុស្ស៊ី អរគុណមហាសេដ្ឋីចិនចំពោះទឹកចិត្តនេះ។ 
បើតាមមូលនិធិ ជេក ម៉ា និង Alibaba សម្ភារវេជ្ជសាស្ត្រទាំងអស់នោះ បានបញ្ជួនទៅរុស្ស៉ីកាលពីថ្ងៃទី២៥ ខែមីនា។ ចំណែកឯក្រសួងការពារជាតិរុស្ស៊ីវិញបានឲ្យដឹងថាសម្ភារវេជ្ជសាស្ត្រទាំងអស់នេះត្រូវបានបញ្ជូនតាមយន្តហោះ ពីចិន។
ក្នុងសេចក្តីថ្លែងការរបស់ខ្លួន ក្រសួងការពារជាតិ បានហៅ ជេក ម៉ា ជា « មិត្តពិតប្រាកដ»។ តាមរយៈជំនួបទូរសព្ទជាមួយ រដ្ឋមន្ត្រីការពារជាតិរុស្សី Sergei Shoigu លោក ជេក ម៉ា និយាយថា លោករំជួលចិត្តចំពោះជំនួយរបស់រុស្ស៊ីដែលបានជួយចិនកាលពីលើកមុនៗ។
បើតាមទីភ្នាក់ងារព័ត៍មាន Reuters លោក វ្ល៉ាឌីមៀ ពូទីន ប្រធានាធិបតីរុស្សី សង្ឃឹមថា នឹងកម្ចាត់ជំងឺ COVID-19 ក្នុងរយៈពេល២ ទៅ ៣ខែ បើសិនជាដាក់ចេញនូវវិធានការតឹងរឹងដូចជាការបិទជើងហោះហើរអន្តរជាតិ បិទហាងទាំងឡាយក្នុងរដ្ឋធានីមូស្គូ និងផ្អាកកម្មវិធីសាសនាទាំងឡាយ។
កាលពីថ្ងៃទី២៥ ខែមីនា រដ្ឋាភិបាលរុស្ស៊ីកាលបានដាក់ស្នើ សេចក្តីព្រៀងច្បាប់ដើម្បីឲ្យសភាពិនិត្យ ដើម្បីផ្តល់អំណាចឲ្យរដ្ឋាភិបាលដាក់ប្រទេសទាំងស្រុង ឫផ្នែកណាមួយក្នុងអាសន្ន។ ក្នុងន័យត្រៀមទប់ទល់នឹងជំងឺ ក្រសួងការពារជាតិរុស្ស៊ី កំពុងសាងសង់ មជ្ឈមណ្ឌលជំងឺឆ្លងចំនួន ១៦ ដែលក្នុងនោះចំនួន៨ នឹងត្រូវរួចរាល់នៅថ្ងៃទី៣០ ខែមេសា និង ៨ទៀតនៅថ្ងៃទី១៦ ខែឧសភា។
ថ្ងៃទី ២៦ ខែមីនា រុស្ស៊ីរកឃើញករណីឆ្លងចំនួន ១៨២ដែលជាករណីឆ្លងដ៏ច្រើនបំផុតក្នុងមួយថ្ងៃ បណ្តាលឲ្យករណីឆ្លងសរុបកើនឡើងដល់៨៤០នាក់៕
© រក្សាសិទ្ធិដោយ thmeythmey.com
