COVID-19
អន្តរជាតិ
ចិនធ្លាក់ទៅជាប្រទេសទី៤ដែលមានករណីឆ្លងច្រើនជាងគេ ក្រោយអេស្ប៉ាញឡើងជាង៥ពាន់ករណី
× ចិនដែលជាប្រទេសដំបូងនៃប្រភព COVID-19 នៅពេលនេះ ធ្លាក់ទៅលំដាប់ថ្នាក់ទី៤វិញក្នុងចំណោមប្រទេសដែលមានករណីឆ្លងច្រើនជាងគេ ក្រោយអេស្ប៉ាញ កើនឡើងដល់ទៅជាង៥០០០ករណី បើគិតត្រឹមវេលាម៉ោង៦ល្ងាចថ្ងៃទី៣០ ខែមីនា នេះ។
តាមការផ្សាយរបស់ Worldometers អេស្ប៉ាញកើនដល់ជាង៨៥ ០០០ករណី បន្ទាប់ពីមានជាង៥០០០ករណីបន្ថែម រីឯអ្នកស្លាប់កើន៥៣៧នាក់ទៀត ដែលនាំឲ្យចំនួនសរុបឡើងដល់ជាង៧៣០០ករណី។
សម្រាប់ករណីឆ្លង សហរដ្ឋអាមេរិក មានចំនួនច្រើនជាងគេ ពោលគឺជិត ១៤៣ ០០០ករណី ក្នុងនោះជិត២៥០០នាក់បានស្លាប់។ អ៊ីតាលីស្ថិតនៅលេខ២ ដែលមានជិត៩៨ ០០០ករណី ដោយជាង១ម៉ឺននាក់ស្លាប់។ អេស្ប៉ាញ មានជាង៨៥០០០ករណី (ស្លាប់ជាង៧៣០០នាក់), ចិនមានជាង៨១០០០ករណី (ស្លាប់ជាង៣៣០០នាក់)។
អាល្លឺម៉ង់, អ៊ីរ៉ង់, បារាំង, ចក្រភពអង់គ្លេស, ស្វីស, បែលហ្ស៊ិក និងហូឡង់ សុទ្ធតែមានករណីឆ្លងចន្លោះពីជាង១ម៉ឺន ទៅជាង៦ម៉ឺនករណី ខណៈកូរ៉េខាងត្បូង អូទ្រីស តួកគី និងអូទ្រីស ឡើងជិត១ម៉ឺនករណីរៀងៗខ្លួន ខណៈអ្នកស្លាប់កើនជាបន្តបន្ទាប់។
ប៉ុន្តែជាមួយគ្នានេះ ករណីជាសះស្បើយក៏មានចំនួនកាន់តែច្រើនផងដែរ ដោយ ចិនមានជាង៧៥០០០នាក់, អេស្ប៉ាញជាង១៦០០០នាក់, អ៊ីរ៉ង់ជិត១៤០០០នាក់, អ៊ីតាលីជាង១៣០០០នាក់, អាល្លឺម៉ង់ជិត១ម៉ឺននាក់៕
© រក្សាសិទ្ធិដោយ thmeythmey.com