«សហគមន៍បុរីអូរស្វាយ» កំណប់ទេសចរណ៍ដ៏អស្ចារ្យតាមដងទន្លេមេគង្គក្នុងខេត្តស្ទឹងត្រែង

ជាតិ

«សហគមន៍បុរីអូរស្វាយ» កំណប់ទេសចរណ៍ដ៏អស្ចារ្យតាមដងទន្លេមេគង្គក្នុងខេត្តស្ទឹងត្រែង

31, Mar 2020 , 8:39 pm

រូបភាព

ដោយ: សែម វណ្ណា (Sem Vanna)

ស្ទឹងត្រែង៖ «សហគមន៍អេកូទេសចរណ៍បុរីអូរស្វាយ» ស្ថិតនៅតាមដងទន្លេមេគង្គក្នុងស្រុកបុរីអូរស្វាយ ខេត្តស្ទឹងត្រែង ត្រូវបានគេស្គាល់ថា ជា«តំបន់ទេសភាពព្រៃលិចទឹកមេគង្គ» មានធនធានធម្មជាតិ និងជីវៈចម្រុះដ៏អស្ចារ្យ រួមមាន ដីល្បាប់, ឆ្នេរខ្សាច់, ព្រៃឈើ និងប្រភេទសត្វជិតផុតពូជ។ ជាពិសេស គឺតំបន់ព្រៃលិចទឹកដែលជាជម្រករបស់ត្រីទឹកសាប, ប្រភេទសត្វល្មូន បក្សី ដូចជា ត្រដក់, ត្រយងចង្កំកស, រំពេរទន្លេ, ត្មាត និងប្រភេទសត្វជិតផុតពូជជាច្រើនទៀត។

ដើម្បីធ្វើដំណើរទៅដល់សហគមន៍បុរីអូរស្វាយ ភ្ញៀវទេសចរត្រូវជិះទូករយៈពេលជិត១ម៉ោង ដែលអាចគយគន់សម្រស់ព្រៃលិចទឹក និងមើលសត្វស្លាបហើរពីដើមឈើមួយទៅដើមឈើមួយ។ ក្រោយពេលមកដល់កោះ ភ្ញៀវទេសចរ អាចងូតទឹក, ស្ទួចត្រីលេងកម្សាន្ត ព្រមទាំងអាចចម្អិនអាហារបានដោយខ្លួនឯងផងដែរ។ បន្ថែមពីនេះ ទិដ្ឋភាពទឹកហូរតិចៗតាមដងទន្លេ អមមកជាមួយខ្យល់បក់ដ៏ត្រជាក់ បានបង្កើតជាបរិយាកាសដ៏ពិសេសសម្រាប់ភ្ញៀវទេចរ រួមជាមួយនឹងការបោះតង់នៅលើកោះ ដ៏សែនមនោរម្យ៕

សូមអញ្ជើញទស្សនាទិដ្ឋភាពនៃសហគមន៍អេកូទេសចរណ៍បុរីអូរស្វាយ ដែលស្ថិតក្នុងឃុំ អូរស្វាយ ស្រុកបុរីអូរស្វាយ ខេត្តស្ទឹងត្រែង ដែលផ្តល់ដោយអង្គការ NTFP-EP ដូចតទៅ៖