COVID-19
សង្គមអន្តរជាតិ
អន្តរជាតិ
ថ្ងៃកុហក April Fools’s Day! ប៉ុន្តែមិនត្រូវយករឿង COVID-19 ទៅលេងសើចនោះឡើយ
×![]()
ដោយ: ធីតា
នៅតំបន់អឺរ៉ុប ថ្ងៃទី១ ខែមេសា បានក្លាយជាប្រពៃណីនៃការនិយាយកុហក ដែលគេឲ្យឈ្មោះថា « April Fools' Day» ជាភាសាអង់គ្លេស ឬ «Poisson d’avril» ជាភាសាបារាំង។ សារព័ត៌មាន វិទ្យុ ទូរទស្សន៍ ក៏ដូចជាបណ្តាញអ៊ីនធ័រណិតនៅលោកខាងលិចមួយចំនួនក៏បានយកថ្ងៃនេះ ដើម្បីផ្តល់ព័ត៌មានកុហក និងលេងសើចផងដែរ។
ប្រភពជាច្រើនបានបង្ហាញថា «ទិវាកុហក១មេសា» បានចាប់ផ្តើមឡើងនៅក្នុងប្រទេសបារាំងនាអំឡុងឆ្នាំ១៥៦៤ ប៉ុន្តែវាមិនមែនជាពេលវេលាឈប់សម្រាកផ្លូវការរបស់ប្រជាជាតិណាមួយឡើយ។ នៅសតវត្សរ៍ទី១៩ «April Fools' Day» មានការពេញនិយមយ៉ាងខ្លាំងនៅតំបន់អឺរ៉ុប កាណាដា អូស្ត្រាលី ប្រេស៊ីល និងសហរដ្ឋអាមេរិក។
នៅអង់គ្លេស April Fools’ Day ត្រូវបានចាត់ទុកថាជាថ្ងៃឆ្កួត «April fool» ខណៈពលរដ្ឋស្កុតឡេននិយមហៅថា «Huntigowk Day»។ នៅអៀរឡង់ គេចូលចិត្តកុហកបោកប្រាស់តាមរយៈការផ្ញើរសំបុត្រ។ នៅប៉ូឡូញ គេបានហាមប្រាមទង្វើណាដែលជះឥទ្ធិពលអវិជ្ជមានធ្ងន់ធ្ងរ។
នៅន័រវែស ដាណឺម៉ាក និងស៊ុយអែត កាសែតមួយចំនួនបានផ្សាយព័ត៌មានកុហកមួយនៅទំព័រខាងមុខ ប៉ុន្តែមិនមែនលើមាតិកាធំនោះឡើយ។ នៅបារាំង អ៊ីតាលី បែលហ្ស៊ិក ស្វ៊ីស កាណាដា នាថ្ងៃទី១ ខែមេសានេះ គេនិយមលួចបិទក្រដាសរូបត្រីនៅពីក្រោយខ្នងបុគ្គលណាម្នាក់ដើម្បី បង្កភាពសប្បាយរីករាយ។ ទិវានេះ ក៏មានការពេញនិយមផងដែរនៅអាល្លឺម៉ង់ អេស្ប៉ាញ ហូឡង់ ហ្វាំងឡង់ ជប៉ុន រុស្ស៊ី រ៉ូម៉ានី និងព័រទុយហ្គាល់ ជាដើម។
ប៉ុន្តែទោះជាយ៉ាងណាក៏ដោយ ខណៈពិភពលោកកំពុងរងគ្រោះដោយសារតែការរាតត្បាត COVID-19 ពលរដ្ឋគ្រប់រូបមិនគួរភ្ជាប់ករណីនេះ យកទៅកុហកសម្រាប់ការលេងសើចសប្បាយរបស់ខ្លួននោះឡើយ។ បណ្តាប្រទេសជាច្រើន ជាពិសេសរុស្ស៊ី ជាដើម នោះ បានសម្រេចដាក់ពិន័យយ៉ាងតឹងរ៉ឹងចំពោះការថតវីដេអូបោកបញ្ឆោត (Prank) នានា ដែលភ្ជាប់ករណី COVID-19។
ទាក់ទងនឹងទិវាកុហក April Fools' Day លោកស្រី Lorraine Twohill ប្រធានផ្នែកទីផ្សាររបស់ក្រុមហ៊ុន Google បានបញ្ជាក់ពីការលុបចោលនូវការផ្សព្វផ្សាយផ្សេងៗទាក់ទងនឹង April Fools’ Day ដើម្បីបង្ហាញនូវការគោរពចំពោះអ្នកដែលប្រយុទ្ធប្រឆាំងនឹង COVID-19។
Business Insider បានដកស្រង់សំដីលោកស្រី Twohill ថា ក្រុមហ៊ុន Google បានបង្ហាញការគោរពយ៉ាងខ្លាំងចំពោះមនុស្សទាំងអស់ ហើយសន្យាបើកទូលាយឡើងវិញ ទាក់ទងនឹងរឿងរ៉ាវកំប្លែង និងចាប់អារម្មណ៍នានាស្តីពីថ្ងៃកុហក នៅឆ្នាំក្រោយ៕
ប្រភពជាច្រើនបានបង្ហាញថា «ទិវាកុហក១មេសា» បានចាប់ផ្តើមឡើងនៅក្នុងប្រទេសបារាំងនាអំឡុងឆ្នាំ១៥៦៤ ប៉ុន្តែវាមិនមែនជាពេលវេលាឈប់សម្រាកផ្លូវការរបស់ប្រជាជាតិណាមួយឡើយ។ នៅសតវត្សរ៍ទី១៩ «April Fools' Day» មានការពេញនិយមយ៉ាងខ្លាំងនៅតំបន់អឺរ៉ុប កាណាដា អូស្ត្រាលី ប្រេស៊ីល និងសហរដ្ឋអាមេរិក។
នៅអង់គ្លេស April Fools’ Day ត្រូវបានចាត់ទុកថាជាថ្ងៃឆ្កួត «April fool» ខណៈពលរដ្ឋស្កុតឡេននិយមហៅថា «Huntigowk Day»។ នៅអៀរឡង់ គេចូលចិត្តកុហកបោកប្រាស់តាមរយៈការផ្ញើរសំបុត្រ។ នៅប៉ូឡូញ គេបានហាមប្រាមទង្វើណាដែលជះឥទ្ធិពលអវិជ្ជមានធ្ងន់ធ្ងរ។
នៅន័រវែស ដាណឺម៉ាក និងស៊ុយអែត កាសែតមួយចំនួនបានផ្សាយព័ត៌មានកុហកមួយនៅទំព័រខាងមុខ ប៉ុន្តែមិនមែនលើមាតិកាធំនោះឡើយ។ នៅបារាំង អ៊ីតាលី បែលហ្ស៊ិក ស្វ៊ីស កាណាដា នាថ្ងៃទី១ ខែមេសានេះ គេនិយមលួចបិទក្រដាសរូបត្រីនៅពីក្រោយខ្នងបុគ្គលណាម្នាក់ដើម្បី បង្កភាពសប្បាយរីករាយ។ ទិវានេះ ក៏មានការពេញនិយមផងដែរនៅអាល្លឺម៉ង់ អេស្ប៉ាញ ហូឡង់ ហ្វាំងឡង់ ជប៉ុន រុស្ស៊ី រ៉ូម៉ានី និងព័រទុយហ្គាល់ ជាដើម។
ប៉ុន្តែទោះជាយ៉ាងណាក៏ដោយ ខណៈពិភពលោកកំពុងរងគ្រោះដោយសារតែការរាតត្បាត COVID-19 ពលរដ្ឋគ្រប់រូបមិនគួរភ្ជាប់ករណីនេះ យកទៅកុហកសម្រាប់ការលេងសើចសប្បាយរបស់ខ្លួននោះឡើយ។ បណ្តាប្រទេសជាច្រើន ជាពិសេសរុស្ស៊ី ជាដើម នោះ បានសម្រេចដាក់ពិន័យយ៉ាងតឹងរ៉ឹងចំពោះការថតវីដេអូបោកបញ្ឆោត (Prank) នានា ដែលភ្ជាប់ករណី COVID-19។
ទាក់ទងនឹងទិវាកុហក April Fools' Day លោកស្រី Lorraine Twohill ប្រធានផ្នែកទីផ្សាររបស់ក្រុមហ៊ុន Google បានបញ្ជាក់ពីការលុបចោលនូវការផ្សព្វផ្សាយផ្សេងៗទាក់ទងនឹង April Fools’ Day ដើម្បីបង្ហាញនូវការគោរពចំពោះអ្នកដែលប្រយុទ្ធប្រឆាំងនឹង COVID-19។
Business Insider បានដកស្រង់សំដីលោកស្រី Twohill ថា ក្រុមហ៊ុន Google បានបង្ហាញការគោរពយ៉ាងខ្លាំងចំពោះមនុស្សទាំងអស់ ហើយសន្យាបើកទូលាយឡើងវិញ ទាក់ទងនឹងរឿងរ៉ាវកំប្លែង និងចាប់អារម្មណ៍នានាស្តីពីថ្ងៃកុហក នៅឆ្នាំក្រោយ៕
© រក្សាសិទ្ធិដោយ thmeythmey.com
