ជាតិ
Covid-19៖ គ្មានករណីវិជ្ជមានថ្មី ខណៈមានអ្នកជាសះស្បើយ២នាក់ទៀតនៅកែប
× ភ្នំពេញ៖ ក្រសួងសុខាភិបាល នៅថ្ងៃទី១ ខែមេសានេះ បានបញ្ជាក់ថា គ្មានករណីថ្មីនៃជំងឺ កូវីដ-១៩ ត្រូវបានរកឃើញឡើយ ខណៈអ្នកជាសះស្បើយមានចំនួន២នាក់ នៅខេត្តកែប។ សរុបអ្នកឆ្លងកូវីដ-១៩ នៅកម្ពុជា មានចំនួន ១០៩ រីឯអ្នកជាសះស្បើយ មានចំនួន ២៥នាក់។
មិនមានករណីវិជ្ជមានជំងឺកូវីដ-១៩ ត្រូវបានឃើញឡើយ នៅថ្ងៃទី៣១ ខែមីនា ដែលធ្វើឲ្យចំនួនអ្នកមានវិជ្ជមានកូវីដ-១៩ កម្ពុជាសរុប មាន១០៩ដដែល។ នេះបើតាមសេចក្តីជូនព័ត៌មានរបស់ក្រសួងសុខាភិបាលចេញផ្សាយនៅថ្ងៃទី១ មេសា ដែលបន្តបញ្ជាក់ថា គិតចាប់តាំងពីខែមករា ដល់ថ្ងៃទី៣១ មីនា ចំនួនសំណាក់ដែលបានធ្វើវិភាគរកកូវីដ-១៩ មានចំនួន ៥,៧៦៨ករណី។
គ្មានករណីថ្មី ប៉ុន្តែកម្ពុជាបានព្យាបាលអ្នកជំងឺ២នាក់ទៀតនៅខេត្តកែប ឲ្យជាសះស្បើយ ដែលជាបុរសខ្មែរអាយុ៣០ឆ្នាំម្នាក់ និងបុរសម្នាក់ទៀត អាយុ៦២ឆ្នាំ។ អ្នកជាសះស្បើយទាំង២នាក់នេះ ជាអ្នកដែលបានឆ្លងកូវីដ-១៩ ក្រោយពីត្រឡប់មកពីចូលរួមពិធីសាសនា នៅប្រទេសម៉ាឡេស៊ី។ សរុបអ្នកជាសះស្បើយ មានចំនួន ២៥នាក់ហើយ៕
© រក្សាសិទ្ធិដោយ thmeythmey.com