អ្នកសារព័ត៌មានល្បីឈ្មោះប្រចាំទូរទស្សន៍ CNN ឆ្លង COVID-19

COVID-19

អន្តរជាតិ

អ្នកសារព័ត៌មានល្បីឈ្មោះប្រចាំទូរទស្សន៍ CNN ឆ្លង COVID-19

01, Apr 2020 , 1:59 pm

រូបភាព

លោក Chris Cuomo អ្នកសារព័ត៌មានរបស់ទូរទស្សន៍CNN, រូបភាព៖ CNN

ដោយ: ធៀន ភារិន្ទ

អ្នកសារព័ត៌មានដ៏ល្បីម្នាក់របស់ទូរទស្សន៍ CNN ត្រូវបានគេរកឃើញថាមានផ្ទុកជំងឺរលាកសួត ដែលបង្កដោយកូរ៉ូណាវីរុស (COVID-19) នាថ្ងៃទី៣១ ខែមីនា។

តាមរយៈការសរសេរលើបណ្តាញសង្គម Twitter របស់ខ្លួន លោក Chris Cuomo អ្នកសារព័ត៌មានរបស់ទូរទស្សន៍ CNN បានបញ្ជាក់ថា លោកទើបតែដឹងថា ខ្លួនមានផ្ទុកCOVID-19 ហើយជំងឺនេះ បានបង្កបញ្ហា និងភាគស្មុគស្មាញឲ្យលោកជាច្រើន។

ទន្ទឹមគ្នានេះ លោក Cuomo ដែលជាបងប្រុសជាអភិបាលរដ្ឋញូវយ៉កដែរនោះ ក៏ទទូចឲ្យមនុស្ស ដែលលោកមានទំនាក់ទំនងកន្លងមកទៅធ្វើតេស្តរកកូរ៉ូណាវីរុសផងដែរ។ ចំណែកភរិយា និងកូន អ្នកសារព័ត៌មានរូបនេះ ក៏មានការបារម្ភផងដែរ ព្រោះអាចឆ្លងកូរ៉ូណាវីរុសពីលោក។

យ៉ាងណាក៏ដោយ ពេលនេះ លោក Cuomo មានស្ថានភាពល្អប្រសើរទេ ហើយចាប់ពីនេះទៅ លោកនឹងចាប់ផ្តើមធ្វើការនៅផ្ទះវិញ។ នេះបើតាមការចុះផ្សាយរបស់ទូរទស្សន៍ CNN។

សូមបញ្ជាក់ថា គិតត្រឹមថ្ងៃទី៣១ ខែមីនា អាមេរិកមានករណីសរុបជិត ១៩ម៉ឺនករណី អ្នកស្លាប់ ៣៨៩០ករណី និងអ្នកជាសះស្បើយចំនួន ៧២៥១ករណី៕