ជាតិ
សុខភាព
ក្រសួងហាមលក់ឱសថ ឧបករណ៍បរិក្ខារពេទ្យ និងសារធាតុសម្លាប់មេរោគគ្មានលេខបញ្ជិកា ឬលេខប្រវេទន៍
×![]()
ដោយ: ថ្មីៗ
ក្រសួងសុខាភិបាល បានហាមប្រាមការលក់ឱសថ ឧបករណ៍បរិក្ខារពេទ្យ និងសារធាតុសម្លាប់មេរោគនានា គ្មានលេខបញ្ជកា ឬលេខប្រវេទន៍ ពីក្រសួងសុខាភិបាល។ បំរាមនេះ ធ្វើឡើងបន្ទាប់ពីក្រសួងសង្កេតឃើញថា មានឱសថ ឧបករណ៍បរិក្ខាពេទ្យ និងសាធាតុសម្លាប់មេរោគ ត្រូវបានផ្សព្វផ្សាយលក់យ៉ាងអនាធិបតេយ្យ នៅតាមបណ្តាញសង្គម។ 
ការហាមប្រាមនេះ ក៏ធ្វើឡើងបន្ទាប់ពីក្រសួង បានរកឃើញជាបន្តបន្ទាប់ អាល់កុលក្លែងក្លាយ និងសារធាតុសម្លាប់មេរោគដែលមិនមានគុណភាពត្រឹមត្រូវតាមបទដ្ឋានបច្ចេកទេស ដែលត្រូវបានដាក់លក់នៅលើទីផ្សារ។
សេចក្តីជូនព័ត៌មានរបស់ក្រសួងសុខាភិបាល ចេញផ្សាយនៅល្ងាចថ្ងៃទី៣១ មីនា ក្រសួងបានបញ្ជាក់ថា ក្រៅពីតម្រូវឲ្យមានលេខបញ្ជិកាហើយ ការលក់ឱសថ ឧបករណ៍បរិក្ខារពេទ្យ និងសារធាតុសម្លាប់មេរោគទាំងអស់ ត្រូវលក់តែនៅតាមឱសថស្ថាន និងឱសថស្ថានរងស្របច្បាប់ប៉ុណ្ណោះ ពោលគឺមិនអនុញ្ញាតឲ្យលក់តាមប្រព័ន្ធអនឡាញឡើយ។
ទន្ទឹមនឹងនេះ ការលក់គ្រឿងសំអាងគ្រប់ប្រភេទ ត្រូវមានលេខប្រវេទន៍ ពីក្រសួងសុខាភិបាល ហើយខ្លឹមសារផ្សព្វផ្សាយឱសថ ឧបរកណ៍បរិក្ខាពេទ្យ ប្រតិករ និងគ្រឿងសំអាងគ្រប់ប្រភេទ ត្រូវមានការអនុញ្ញាតពីក្រសួងខុសាភិបាល ដើម្បីឲ្យមានលក្ខណៈត្រឹមត្រូវតាមវេជ្ជសាស្ត្រ ឱសថសាស្ត្រ និងទន្តសាស្ត្រ៕
Tag:
សុខាភិបាល
ឱសថ
អាល់កុលក្លែងក្លាយ
© រក្សាសិទ្ធិដោយ thmeythmey.com
