ដំណើរការធ្វើបរិវិសកម្មសញ្ញាបណ្ណសាជីវកម្ម អ អិម អេ ខេមបូឌា នឹងរៀបចំឡើងពីថ្ងៃទី៦-៨មេសា

អត្ថបទពាណិជ្ជកម្ម

ដំណើរការធ្វើបរិវិសកម្មសញ្ញាបណ្ណសាជីវកម្ម អ អិម អេ ខេមបូឌា នឹងរៀបចំឡើងពីថ្ងៃទី៦-៨មេសា

03, Apr 2020 , 3:37 pm

រូបភាព

ដោយ: ថ្មីៗ

ក្រុមហ៊ុន អ អិម អេ (ខេមបូឌា) ម.ក មានកិត្តិយសសូមជម្រាបជូនដំណឹងដល់សាធារណៈជន មេត្តាជ្រាបថា ក្រុមហ៊ុនយើងខ្ញុំបានទទួលការអនុញ្ញាត និងចុះបញ្ជីជាស្ថាពរពីគណៈកម្មការមូលបត្រកម្ពុជា (គ.ម.ក.) លើឯកសារផ្តល់ព័ត៌មានសម្រាប់ការបោះផ្សាយលក់សញ្ញាបណ្ណសាជីវកម្មជាសាធារណៈតាមរយៈសេចក្តីសម្រេចលេខ០៦៨/២០គ.ម.ក/ស.ស.រ ចុះថ្ងៃទី០២ ខែមេសា ឆ្នាំ២០២០។ ។អាស្រ័យហេតុនេះ ក្រុមហ៊ុន អ អិម អេ (ខេមបូឌា) ម.ក ដោយមានជំនួយពី ក្រុមហ៊ុន អេសប៊ីអាយ រ៉ូយ៉ាល់ ស៊ីឃ្យួរឹធី ជាទីប្រឹក្សាហិរញ្ញវត្ថុ និងក្រុមហ៊ុនធានាទិញមូលបត្រ សូមអញ្ជើញ វិនិយោគិន ដែលមានបំណងសុំធ្វើបរិវិសកម្ម អញ្ជើញដាក់ពាក្យស្នើសុំចូលរួមធ្វើបរិវិសកម្មនៃសំណើលក់សញ្ញាបណ្ណសាជីវកម្ម។

១. សង្ខេបអំពីសញ្ញាបណ្ណសាជីវកម្មដែលបោះផ្សាយលក់

• ថ្លៃលក់ក្នុងមួយឯកតាសញ្ញាបណ្ណសាជីវកម្ម៖ ១០០.០០០ រៀល (~២៥ ដុល្លារអាមេរិក)

• អត្រាគូប៉ុងសញ្ញាបណ្ណសាជីវកម្ម៖៥,៥% ក្នុងមួយឆ្នាំ ជាមួយនឹងឥណប្រតិទានរយៈពេល ៥ ឆ្នាំ (គូប៉ុងនឹងត្រូវបង់ប្រចាំឆ្នាំ) ជាមួយការទូទាត់ជាប្រាក់ដុល្លារ

• សញ្ញាបណ្ណមានការធានា៖ សញ្ញាបណ្ណត្រូវបានធានាដោយស្ថាប័ន Credit Guarantee and Investment Facility ដែលជាមូលនិធិបរធនមួយនៃធនាគារអភិវឌ្ឍន៍អាស៊ី។

• កាលបរិច្ឆេទបោះផ្សាយសញ្ញាបណ្ណសាជីវកម្ម៖ ថ្ងៃទី០៩ ខែមេសា ឆ្នាំ២០២០

• ប្រភេទសញ្ញាបណ្ណសាជីវកម្ម៖ សញ្ញាបណ្ណគ្មានវត្ថុធានា មិនមែនជាកាតព្វកិច្ចកម្រិតទាប (unsubordinated) និងមានបុគ្គលធានា ក្នុងទម្រង់ចុះបញ្ជី

• ទំហំទឹកប្រាក់បោះផ្សាយសរុប៖ ៨០ ពាន់លានរៀល (ឬសមមូលជាប្រាក់ដុល្លាររហូតដល់ ២០ លានដុល្លារអាមេរិក ដោយយកចំនួនណាដែលតូចជាង)

• ចំនួនសញ្ញាបណ្ណសាជីវកម្មសរុបដែលបោះផ្សាយលក់៖ ៨០០.០០០ សញ្ញាបណ្ណ

• ទំហំវិនិយោគអប្បបរមា៖ ២០ ពាន់លានរៀល (~៥ លានដុល្លារអាមេរិក) និងបន្ថែម ៤ពាន់លានរៀល (~ ១ លានដុល្លារអាមេរិក) ទៅលើទំហំទឹកប្រាក់វិនិយោគបន្ទាប់ ផ្តល់ជូនសម្រាប់តែវិនិយោគិនគុណវុឌ្ឍិ ។

២. ការធ្វើបរិវិសកម្ម

ក. ការបែងចែកសញ្ញាបណ្ណសាជីវកម្ម៖

ខ.កាលបរិច្ឆេទធ្វើបរិវិសកម្ម៖ ថ្ងៃទី០៦ ដល់ ថ្ងៃទី០៨ ខែមេសា ឆ្នាំ២០២០ (ថ្ងៃធ្វើការនៅប្រទេសកម្ពុជា)

-ពេលព្រឹក៖ ចាប់ពីម៉ោង ០៨:០០ ដល់ម៉ោង ១២:០០

-ពេលថ្ងៃ៖ ចាប់ពីម៉ោង ១៣:០០ ដល់ម៉ោង ១៧:០០

គ.ឯកសារផ្តល់ព័ត៌មាន និងពាក្យស្នើសុំធ្វើបរិវិសកម្ម អាចទាញយកបានតាមរយៈ៖

ឃ.ទីកន្លែងធ្វើបរិវិសកម្ម (សម្រាប់ទទួលបាន ឯកសារផ្តល់ព័ត៌មាន និងពាក្យស្នើសុំធ្វើបរិវិសកម្ម)៖

ង.នីតិវិធី៖

១) វិនិយោគិន ត្រូវមានលេខអត្តសញ្ញាណវិនិយោគិនពី គ.ម.ក។

២) វិនិយោគិនត្រូវមានលេខគណនីជួញដូរមូលបត្រកម្មសិទិ្ធ (Securities Trading Account) នៅក្រុមហ៊ុនមូលបត្រណាមួយ ដែលបានទទួលអាជ្ញាប័ណ្ណពី គ.ម.ក។

៣) វិនិយោគិន ត្រូវបំពេញពាក្យស្នើសុំចូលរួមធ្វើបរិវិសកម្ម (Subscription Form) នៅទីតាំងដូចបានបញ្ជាក់ខាងលើ។

៤)វិនិយោគិន ត្រូវដាក់ពាក្យស្នើសុំចូលរួមធ្វើបរិវិសកម្ម ទៅកាន់ទីតាំងដូចបានបញ្ជាក់ខាងលើ និងដាក់ប្រាក់ចំនួន ១០0% នៃថ្លៃទិញសញ្ញាបណ្ណសាជីវកម្មសរុប។

៣. ការប្រកាសអំពីលទ្ធផល នៃការធ្វើបរិវិសកម្ម

ក្រុមហ៊ុន អ អិម អេ ខេមបូឌា ជាមួយនឹង ក្រុមហ៊ុន អេសប៊ីអាយ រ៉ូយ៉ាល់ ស៊ីឃ្យួរឹធី នឹងប្រកាសលទ្ធផល នៃការធ្វើបរិវិសកម្ម ទៅកាន់វិនិយោគិន ក្រោយពីការធ្វើបរិវិសកម្មចប់។

សម្រាប់ព័ត៌មានបន្ថែមអំពីការធ្វើបរិវិសកម្ម សូមទំនាក់ទំនង៖