COVID-19
អន្តរជាតិ
មហាសន្និបាត UN អំពាវនាវឲ្យមានកិច្ចសហប្រតិបត្តិការជាសកលលើ COVID-19 អង្គមហាសន្និបាត អង្គការសហប្រជាជាតិ-AFP
× អង្គមហាសន្និបាតរបស់អង្គការសហប្រជាជាតិ (UN) នៅថ្ងៃទី២ ខែមេសាបានអនុម័តសេចក្តីសម្រេច អំពាវនាវរក«កិច្ចសហប្រតិបត្តិការអន្តរជាតិ» និង«ពហុនិយម» ដើម្បីប្រឆាំងនឹងជំងឺ COVID-19។ តាំងតែពីមានការរាតត្បាតជំងឺ COVID-19ជាសកលមក សេចក្តីសម្រេចខាងលើលិខិតផ្លូវការដំបូងរបស់អង្គការសហប្រជាជាតិ។
សេចក្តីសម្រេចរបស់អង្គមហាសន្និបាត បានបញ្ជាក់ពីការចាំបាច់ក្នុងការគោរពសិទ្ធមនុស្សឲ្យបានពេញលេញ និង មិនឲ្យមានគ្រប់ទ្រង់នៃការរើសអើង ការរើសអើងពូជសាសន៍ និងការស្អប់ខ្ពើមជនបរទេស ក្នុងការឆ្លើយតបទៅកាន់ជំងឺរាតត្បាតជាសកល។
ប្រទេសស្វីស ឥណ្ឌូណេស៊ី សិង្ហបុរី ន័រវេស លិចតិនស្តាញ និង ហ្កាណា បានដាក់ស្នើសេចក្តីសម្រេចខាងលើ និងទទួលបានការអនុម័តគាំទ្រពីរដ្ឋសមាជិកចំនួន ១៨៨ ក្នុងចំណោម១៩៣។
ចំណែកឯរុស្ស៉ីវិញបានព្យាយាមជំទាស់ទៅនឹងសេចក្តីសម្រេចខាងលើ ដោយស្នើដាក់អត្ថបទរបស់ខ្លួនវិញ តែបរាជ័យដោយទទួលបានការគាំទ្រពីប្រទេសចំនួន៤ ប៉ុណ្ណោះ។ ក្នុងអត្ថបទរបស់ខ្លួន រុស្ស៊ីបានបានលើកផងដែរពីកិច្ចសហប្រតិបត្តិការ តែបានបង្កប់ន័យទាមទារឲ្យមានការលើកលែងទណ្ឌកម្មអន្តរជាតិដែលទទួលបានការគាំទ្រពី សាធារណរដ្ឋអាហ្វ្រិកកណ្តាល គុយបា នីការ៉ាហ្គា និងវ៉េណេស៊ុយអេឡា។
សេចក្តីសម្រេចចិត្តនេះ សង្កត់ធ្ងន់ទៅលើតួនាទីរបស់អង្គការសហប្រជាជាតិក្នុងបញ្ហាសុខាភិបាលសកល និងវិបត្តសេដ្ឋកិច្ច។
គួរបញ្ជាក់ផងដែរថា សេចក្តីសម្រេចអនុម័តដោយអង្គមហាសន្និបាតមានតម្លៃត្រឹមតែជាការគាំទ្រនយោបាយប៉ុណ្ណោះ និងអាស្រ័យទៅលើប្រទេសដែលគាំទ្រ ខុសពីសេចក្តីសម្រចអនុម័តដោយក្រុមប្រឹក្សាសន្តិសុខដែលមានលក្ខណៈចាប់បង្ខំ។
ទូទាំងពិភពលោក ករណីឆ្លង COVID-19 មានចំនួនលើសមួយលានករណី និងស្លាប់ជា៥៣០០០នាក់។ ប្រទេស និងតំបន់ស្ទើរទាំងអស់ដែលជាសមាជិក UN បានរាយការណ៍ពីករណីឆ្លង៕
© រក្សាសិទ្ធិដោយ thmeythmey.com