COVID-19
ពីនេះ ពីនោះ
COVID-19៖ កាន់តែស្ងប់ កាន់តែប្រយ័ត្ន កាន់តែរឹតបន្តឹង…កម្ពុជានឹងឆ្លងផុតគ្រាប្រឈម!
×![]()
ដោយ: ថ្មីៗ
សំណាង និងសុធីរ មិនទាន់ចាកឆ្ងាយចេញពីប្រធាទបទមេរោគកូវីដ១៩ឡើយ ព្រោះវាជាប្រធានបទក្តៅនៅឡើយ ទាំងនៅលើពិភពលោក និងនៅក្នុងប្រទេសកម្ពុជា។ 
សំណាង៖ អា សុធីរ! អស់រយៈពេលជាច្រើនថ្ងៃហើយដែលកម្ពុជាប្រកាសករណីឆ្លងមេរោគកូវីដស្ថិតនៅទ្រឹង ហើយចំនួនអ្នកជាសះស្បើយឡើងវិញ មានចំនួនកាន់តែច្រើន។ ដំណឹងនេះល្អណាស់ អា សុធីរ?
សុធីរ៖ ដំណឹងល្អមែន តែត្រូវប្រយ័ត្នទ្វេដងទើបប្រសើរ អា សំណាង។ អញប្រាប់អ្ហែងថា កូវីដ១៩ គឺជាសត្រូវបំបាំងកាយ មើលមិនឃើញ ដូច្នេះ មិនស្រួលគ្រប់គ្រង ឬកំចាត់វាទេវើយ។
សំណាង៖ ប្រយ័ត្នម៉េចទៅ?
សុធីរ៖ ធ្វើតាមការណែនាំរបស់ក្រសួងសុខាភិបាលទៅ។ ដូចជាសម្អាតដៃ ស្ថិតនៅឆ្ងាយពីគ្នា។ កុំជួបជុំគ្នាក្នុងចំនួនមនុស្សច្រើនគ្នាពេក បើមិនចាំបាច់។ ដេកផ្ទះ ឈ្នះឯង។ល។
សំណាង៖ តែចូលឆ្នាំអ្ហា ឲ្យដេកផ្ទះម៉េចទៅ?
សុធីរ៖ បើមិនដេកផ្ទះ ហើយម្នាក់ៗ បែរជានាំដើរទាំងហ្វូងៗ ជួបជុំគ្នាផឹកស៊ី រាំច្រៀង លេងបៀរពេលនោះ បច្ច័យអាក្រក់អាចបង្កឲ្យឆ្លងកូវីដ១៩។ ចង់ជួយជាតិ ចូរចូលរួមបង្ការមេរោគកូវីដ១៩ទាំងអស់គ្នា។
សំណាង៖ តាមគំនិតអ្ហែង (សុធីរ) ពលរដ្ឋមិនគួរបង្កើតជាក្រុមដើរកម្សាន្តទេ មិនថាអ៊ីចឹង?
សុធីរ៖ បើចៀសបាន ហើយគួរតែធ្វើឲ្យបាន គឺជាអ្វីដែលល្អបំផុតក្នុងការប្រយុទ្ធប្រឆាំងនឹងមេរោគកូវីដ១៩។ ប្រសិនបើក្នុងរង្វង់ចូលឆ្នាំខ្មែរ ករណីថ្មីមិនត្រូវបានឆ្លងច្រើនទេ ពេលនោះ កម្ពុជាប្រហែលជាឆ្លងផុតគ្រាលំបាក គ្រាអាសន្ននៃការរាតត្បាតនៃមេរោគកូវីដ១៩ហើយ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
