ក្រុមហ៊ុន vivo ប្រចាំក្រកម្ពុជា បានចេញរបាយការណ៍ផលិតផលថ្មីរបស់ខ្លួន គឺម៉ូឌែល Y50 ដែលជាម៉ូឌែលថ្មីចុងក្រោយគេ ក្នុងត្រកូល Y មានតម្លៃត្រឹមតែ ២៤៩ ដុល្លារ តម្លៃនៅកម្ពុជា។ សូមបញ្ជាក់ថា ម៉ូឌែល Y50 នេះ ជាម៉ូឌែលថ្មីចុងក្រោយ ដែលក្រុមហ៊ុន vivo រំពឹងថា នឹងទទួលបានគាំទ្រកាន់តែខ្លាំង លើសម៉ូឌែលមុនៗទៀត ដោយសារតែបច្ចេកវិទ្យាជាន់ខ្ពស់ និងមានតម្លៃសមរម្យសម្រាប់ទីផ្សារកម្ពុជា។
1.Ultra O Screen
អេក្រង់ Ultra O ដែលមានទំហំដល់ទៅ 6.53 អ៊ីង ដោយសារយើងបានខិតខំប្រឹងប្រែងបង្រួមកាមេរ៉ាឲ្យមានទំហំតូច។ សមាមាត្ររបស់ខ្លួន ធៀបនឹងអេក្រង់គឺ 90.77 % ហើយសមាមាត្រ រវាងបណ្ដោយ និងទទឹង គឺរហូតដល់ទៅ 19.5 : 9 និងមានកម្រិត Resolution Full HD ដល់ទៅ 2340 x 1080។ ដើម្បីធ្វើឲ្យកាន់តែឥតខ្ចោះ យើងបានកែច្នៃកម្មវិធី App ធ្វើយ៉ាងណា ឲ្យសាកសមនឹងទំហំអេក្រង់ដ៏ទូលាយរបស់យើង។ ទាំងនេះ ដើម្បីធានាបានថា រូបភាពដែលបានបង្ហាញមក នឹងធ្វើឲ្យលោកអ្នកបំភ្លេចមិនបាន។
2.ពណ៌ 3D និងមានរចនាបថស្រស់ស្អាត
ខ្លួនរបស់ Y50 មានរាងដ៏គួរឲ្យទាក់ទាញ និងកែលម្អដើម្បីសម្រស់ឋិតថេរ គ្រប់ចំណុចលម្អិតទាំងអស់។ ខ្សែកោងនៅគែម និងជ្រុងនានានៃទូរស័ព្ទ ហូរដូចជាខ្សែទឹកបណ្ដោយតាមរាងនៃទូរស័ព្ទ ហើយរត់តាមផ្ទេកពណ៌ឥន្ធនូមូលៗ ដែលប្រែប្រួលទៅតាមពន្លឺ ដែលចាំងមកប៉ះផ្ទៃទូរស័ព្ទ។ ទាំងនេះហើយ បានលម្អទូរស័ព្ទទាំង ២ ពណ៌ គឺពណ៌តារារាត្រី និងពណ៌ខៀវសមុទ្រ ឲ្យមានសោភ័ណភាពកាន់តែអស្ចារ្យ។
3. 8 GB RAM+128 GB ROM កម្មវិធីដើរកាន់តែលឿន ថ្មកាន់បានកាន់តែច្រើនថ្ងៃថែមទៀត
បើក និងប្រើកម្មវិធីច្រើនក្នុងពេលតែមួយ លែងជាកង្វល់ទៀតហើយ នៅពេលលោកអ្នកចាប់ប្រើ Y50 តាំងពីវិនាទីដំបូងតទៅមុខ។ សមត្ថភាពនេះ អាចទៅរួច ដោយយើងបានប្រើប្រាស់ឈីបលឿនបំផុត ដែលមនុស្សជាតិអាចផលិតបាន គឺឈីប Snapdragon 665 processor ដែលមាន RAM 8 GB ដែលនេះមានន័យថា បើលោកអ្នកប្រើប្រាស់ Y50 លោកអ្នកលែងមានបញ្ហាទូរស័ព្ទ ដើរយឺតទៀតហើយ ។ បន្ថែមពីលើនេះ លោកអ្នកនឹងមានបរិមាណបន្ទុក ដល់ទៅ 128 GB សម្រាប់ផ្ទុករូបភាព វីដេអូ និងព័ត៌មានសំខាន់ៗរាប់មិនអស់។ ការលុបឯកសារ ឬរូបចាស់ៗចោលលែងជាកង្វល់ទៀតហើយ ។ Y50 ដោះស្រាយបញ្ហាឲ្យលោកអ្នកជានិច្ច ធ្វើឲ្យជីវិតកាន់តែងាយស្រួល និងរីករាយ។
4.ទំហំថ្មដល់ទៅ 5000 mAh
បើកតន្ត្រី ពីព្រឹកទល់ព្រលប់ ទស្សនាកម្មវិធីទូរទស្សន៍ល្បីៗតភាគគ្នា បន្តបន្ទាប់ ឬក៏លេងហ្គេមជក់រហូតដល់យប់ ជារឿងធម្មតាទៅហើយ ប្រសិនបើលោកអ្នកជ្រើសរើសយក Y50 ។ ថ្មយក្សរហូត 5000 មិល្លីអំពែម៉ោង មានថាមពលគ្រប់គ្រាន់ នឹងអូសកម្មវិធីធំៗពេញ១ថ្ងៃតែម្តង ដោយពុំបាច់ប្រើថាមពលជំនួយ ឬសាកថ្មឡើយ។ ដើរលេងកម្សាន្តទៅតំបន់ដាច់ស្រយាល ក៏ជារឿងអតីតកាលដែរ ដោយសារថ្មរបស់ Y50 អាចកាន់ថ្មបានច្រើនថ្ងៃហួសពីការស្មាន។ ដើរលេងដោយសប្បាយចិត្ត និងស្ងប់ចិត្ត មានតែ Y50 មួយប៉ុណ្ណោះ។
5.កាមេរ៉ាកាន់តែឆ្លាត ថតរូបកាន់តែស្អាត
បើកឱកាសថ្មីៗ ឲ្យភាពច្នៃប្រឌិតរបស់លោកអ្នក ដោយសារ Y50 មានមុខងារពិសេសៗជាច្រើន ដែលលោកអ្នកមិនរំពឹងថា អាចទៅរួច៖
● កាមេរ៉ាចម្បងដល់ទៅ 13 MP ដើម្បីចាប់យករូបភាពលម្អិតឥតទាស់។
● កាមេរ៉ាមុំធំមហិមា ដល់ទៅ 120 ដឺក្រេ (Super Wide-Angle Camera 120-degree) ទំហំ 8 MP ធានាថា លោកអ្នកថតយករូបទេសភាពនៅខាងក្រៅ បានល្អឥតខ្ចោះ។
● បើលោកអ្នកចង់ថតរូបជិតៗ ដែលមានចម្ងាយត្រឹម 4 សង់ទីម៉ែត្រ លែងជាកង្វល់ទៀតហើយ ព្រោះកាមេរ៉ា 2 MP Macro របស់ Y50 នឹងជូនលោកអ្នកទៅកាន់ពិភពតូចល្អិត ហើយចាប់យករូបភាពនៅក្នុងពិភពនោះ ជាមួយគ្នា យ៉ាងច្បាស់ និងល្អិតល្អន់ជាទីបំផុត។
● លោកអ្នកអាចថតយកផ្ទៃខាងក្រោយព្រាលៗ (Bokeh) ស្រស់ស្អាតបាន ព្រោះយើងបានបំពាក់នូវកាមេរ៉ាមួយ សម្រាប់មុខងារនេះ ដែលមានទំហំ 2 MP ធានាថា លោកអ្នកនឹងបំភ្លេចកាមេរ៉ាអាជីពចោល នៅពេលបានសាកល្បងប្រើមុខងារពិសេសនេះដែលផ្ដល់ជូនដោយ Y50។
6.រូបភាពពេលរាត្រីកាន់តែភ្លឺ កាន់តែច្បាស់ កាន់តែមិនគួរឲ្យជឿ!
ប្រសិនបើលោកអ្នកសាកល្បងថតរូប នាពេលរាត្រី ជាមួយ Y50 លោកអ្នកសឹងតែមិនជឿនឹងភ្នែកខ្លួនឯងផ្ទាល់ថា កាមេរ៉ាទូរស័ព្ទ អាចថតយករូបភាពនាពេលយប់ បានល្អដល់កម្រិតនេះឡើយ។ មិនមែនជាការចៃដន្យទេ ព្រោះ Y50 ត្រូវបានបង្កើតឡើង ដោយប្រើ សមីការដ៏ឈ្លាសវៃ ជួយកែលម្អពន្លឺ និងរូបភាព ជៀសវាងនូវ Noise និងរូបភាពភ្លឺដុំៗ មិនស្មើគ្នា។ មុខងារពិសេស លោកអ្នកអាចប្រើប្រាស់បានទាំងកាមេរ៉ាងក្រោយ និងមុខ។
7.Ultra Stable Video វីដេអូមានលំនឹង
មាន Y50 ក្នុងដៃ លោកអ្នកលែងបារម្ភខ្លាចញ័រដៃ ឬរលាក់ ពេលថតវីដេអូទៀតហើយ។ ការងារយើងមួយសំខាន់ជាងគេ សម្រាប់យើង គឺត្រូវធ្វើយ៉ាងណា ឲ្យវីដេអូដែលលោកអ្នកថត ទោះពេលកំពុងរត់ក្តី ពេលទស្សនា គឺពុំមានឃើញញ័រ ឬរលាក់ឡើយ។ នេះដោយសារយើង ខិតខំរិះរកបច្ចេកវិទ្យាលំនឹងថ្មី ដើម្បីឲ្យវីដេអូដែលលោកអ្នកថត ចេញ ដូចខ្សែភាពយន្តខ្នាតធំ។
8.Multi-Turbo 3.0
Multi-Turbo 3.0 ត្រូវបានអភិវឌ្ឍឲ្យកាន់តែពិសេសថែមទៀត សម្រាប់តែ Y50 ដោយក្នុងនោះ យើងបានប្រើប្រាស់បច្ចេកវិទ្យាផ្តាច់មុខ VPG (vivo Process Guardian) ដែលបច្ចេកវិទ្យានេះ ប្រើប្រាស់ Center Turbo ដើម្បីរៀបចំទិន្នន័យប្រព័ន្ធទូរស័ព្ទ ឲ្យមានប្រសិទ្ធភាព ធានាបាននូវល្បឿនមិនរអាក់រអួល សម្រាប់លោកអ្នកប្រើប្រាស់។ ចំណែកឯ AI Turbo វិញ សម្រាប់សម្រេចចិត្តថា តើកម្មវិធីណាដែលចាំបាច់ ឬមិនចាំបាច់ មុននឹងបិទចោល ដើម្បីធានាបាននូវភាពរលូននៃប្រព័ន្ធទូរស័ព្ទ។ ចំពោះភាពវិសាមញ្ញ ឬបញ្ហាដែលបង្កឡើង ដោយកម្មវិធីមិនមែនរបស់ក្រុមហ៊ុនផ្ទាល់ AI Turbo អាចទាយទុកដឹងមុន និងបង្ការមិនកើតមានឡើង ដែលខុសពីទូរស័ព្ទក្រុមហ៊ុនផ្សេង ពឹងលើការរាយការណ៍ ក្រោយពីមានការ HACK ចូលរបស់កម្មវិធីក្រុមហ៊ុនដទៃ។ ការជួសជុលដោយ AI Turbo ចំពោះការខូចខាតដែលបង្កឡើង កម្មវិធីភាគីទី បី អាចសម្រេចបានដូចដើមដល់ទៅ 75% និងពេលខ្លះអាចជួសជុលដល់ទៅ 80% ដូចដើមវិញក៏មាន ដែលនេះ មិនទាន់មានក្រុមហ៊ុនណាផ្សេង អាចធ្វើបាននៅឡើយទេ។
AI Turbo បង្កើនល្បឿនដោយសារការរំពឹងទុកមុន និងចេះរៀបចំទិន្នន័យ ឲ្យមានសណ្តាប់ធ្នាប់។ វាប្រើប្រាស់ទិន្នន័យ ដោយមានយុទ្ធសាស្ត្រ ចេះកត់សម្គាល់ នូវទម្លាប់ប្រើប្រាស់កម្មវិធីរបស់លោកអ្នក ដើម្បីដឹងថា តើកម្មវិធីណា ដែលលោកអ្នកត្រូវការចាំបាច់ប្រើញឹកញាប់ ហើយធ្វើឲ្យកម្មវិធីទាំងនោះ ដើរលឿនជាងមុនដល់ទៅ 20% ដោយផ្ទុកទុកមុន។
9.Funtouch OS 10
ប្រព័ន្ធប្រតិបត្តិការ (Operating System/ OS) ពិសេសថ្មីសន្លាង ឈ្មោះថា Funtouch OS 10 ដែលនឹងនាំជូនលោកអ្នក នូវពន្លឺជុំវិញ (បរិពន្លឺ) និងរូបភាពជីវចល ស្រស់ស្អាតចម្រុះ នៅពេលលោកអ្នកដាក់ភ្ជាប់ខ្សែ USB និងពេលបិទអេក្រង់។ យើងខិតខំស្វះស្វែងរកអ្វីដែលយើងគិតថា នឹងធ្វើឲ្យទូរស័ព្ទ Y50 មិនត្រឹមតែជាឧបករណ៍ប្រើប្រាស់ចាំបាច់តែមួយប៉ុណ្ណោះទេ តែជាផ្នែកមួយនៃជីវិតកម្សាន្តអារម្មណ៍ផងដែរ។
ឧទាហរណ៍ជាក់ស្ដែង យើងមាន Jovi Smart Scene ដែលនឹងធ្វើខ្លួន បីដូចជាវេជ្ជបណ្ឌិតប្រចាំគ្រួសារមួយរូប ជួយផ្ដល់យោបល់ថា តើលោកអ្នកគួរពិសាទឹកមួយថ្ងៃ ប៉ុន្មានលីត្រ និងជួយចាំតឿនលោកអ្នក កុំឲ្យភ្លេចពិសាទឹក តាមម៉ោងកំណត់។ ចំពោះអ្នកលេងកីឡាវិញ យើងមានកម្មវិធី សម្រាប់ជួយលោកអ្នកហាត់ប្រាណ ត្រឹមត្រូវតាមកម្ពស់ និងទម្ងន់ខ្លួនបច្ចុប្បន្ន តាមដានរាល់ជំហានហាត់ប្រាណរបស់លោកអ្នក និងជូនយោបល់កែលម្អលំហាត់ប្រាណប្រចាំថ្ងៃ៕
(អត្ថបទពាណិជ្ជកម្ម)