COVID-19
ជាតិ
បារាំង៩នាក់ដែលជាសះស្បើយពីកូវីដ-១៩នៅព្រះសីហនុ បានចាកចេញពីកម្ពុជាហើយ រូបភាពជនជាតិបារាំងដែលបានជាសះស្បើយពីជំងឺកូវីដ-១៩ ដែលបានវិលត្រឡប់ទៅកាន់ប្រទេសរបស់ពួកគេវិញ រូបភាពពីសារព័ត៌មានកម្ពុជាថ្មី
× ភ្នំពេញ៖ ជនជាតិបារាំងចំនួន៩នាក់ ដែលបានជាព្យាបាលជាសះស្បើយជំងឺកូវីដ-១៩ បានចាកចេញពីកម្ពុជា ឆ្ពោះទៅគេហដ្ឋានរៀងៗខ្លួនហើយ ជាមួយគ្រួសាររបស់ពួកគេ។ នេះបើតាមលោកស្រី លឹម សាមាន ប្រធានមន្ទីរសុខាភិបាលប្រចាំខេត្តព្រះសីហនុ ដែលបានប្រាប់សារព័ត៌មានថ្មីៗតាមទូរសព្ទ។
លោកស្រី លឹម សាមាន បញ្ជាក់ដូច្នេះ៖«ពួកគាត់បានទៅវិញអស់ហើយ ដោយពួកគាត់ទៅតាំងពីថ្ងៃទី១៤ មកម្ល៉េះ អ្នកដែលជាសះស្បើយ និងអ្នកដែលពាក់ព័ន្ធដែលបញ្ជាក់ថា ពួកគាត់អត់មានជំងឺហ្នឹង ដោយយើងបានឲ្យពួកគាត់ នៅដាច់ដោយឡែកចំនួន១៤ថ្ងៃហ្នឹង»។
គិតត្រឹមថ្ងៃទី៧ មេសា កម្ពុជារកឃើញអ្នកជំងឺកូវីដ-១៩ សរុប១១៥នាក់ ក្នុងនោះអ្នកជាសះស្បើយចំនួន៥៨នាក់។ ដោយឡែក អ្នកឆ្លងនៅខេត្តព្រះសីហនុមានចំនួន៤០នាក់ ក្នុងនោះមានជនជាតិបារាំងចំនួន៣៦នាក់ ខ្មែរ៣នាក់ និងចិន១នាក់។
ក្នុងចំណោមនោះ មានអ្នកជាសះស្បើយចំនួន១៧នាក់ហើយ។ បើតាមប្រធានមន្ទីរសុខាភិបាលខេត្តព្រះសីហនុ នៅមានជនជាតិ២៧នាក់ទៀត ដែលកំពុងសម្រាកព្យាបាលនៅមន្ទីរពេទ្យ ហើយកម្ពុជាក៏នឹងបញ្ជូនពួកគេទៅកាន់ប្រទេសកំណើតវិញដែរ ក្រោយព្យបាលជាសះស្បើយ៕
Tag:
ជនជាតិបារាំង
កូវីដ-១៩
© រក្សាសិទ្ធិដោយ thmeythmey.com