អត្ថបទពាណិជ្ជកម្ម
Orange Esports នាំមោទកភាពជូនជាតិជាមួយជ័យជម្នះក្នុងការប្រកួត PUBG កាលពីសប្តាហ៍មុន
× Orange Esports PUBG Mobile ដែលជាក្រុមកីឡាអេឡិចត្រូនិកដ៏លេចធ្លោជាងគេបំផុតមួយ នៅក្នុងប្រទេសកម្ពុជា នឹងឡើងបន្តទៅកាន់កម្មវិធី Southeast Asia World Finals បន្ទាប់ពីទទួលបានជ័យជម្នះ នៅក្នុងកម្មវិធីប្រកួត PMCO Spring Split 2020 Wild Card Finals នាថ្ងៃអាទិត្យ ទី៥ ខែមេសា កន្លងទៅនេះ។
ក្រុមហ៊ុន សែលកាត បានចូលរួមសហការជាមួយក្រុម Orange Esports ក្នុងនាមជាក្រុមហ៊ុនបណ្តាញទូរស័ព្ទដៃគូផ្លូវការ នៅក្នុងប្រទេសកម្ពុជា តាមរយៈកិច្ចសហការយូរអង្វែង។ កិច្ចសហការនេះ ត្រូវបានប្រកាសកាលពីថ្ងៃទី៣១ ខែធ្នូ ឆ្នាំ២០១៩ ដោយលោក Ian Watson នាយកប្រតិបត្តិក្រុមហ៊ុនសែលកាត និងលោក Ian Tan Wei Lun នាយកគ្រប់គ្រងរបស់ក្រុម Orange Esports។
ការប្រកួតនេះ ត្រូវបានផ្សាយបន្តផ្ទាល់ជូនទស្សនាជាភាសាខ្មែរ ដោយឥតគិតថ្លៃ នៅលើទំព័រហ្វេសប៊ុករបស់ Cellcard Play។
តាមរយៈការរៀបចំផ្នែកធនធានផលិតកម្មរបស់សែលកាត លោក Ice Frogz និង Pro MENG ដែលជាអ្នកអត្ថាធិប្បាយជនជាតិខ្មែរ ដ៏មានប្រជាប្រិយភាព ត្រូវបានអញ្ជើញឱ្យចូលរួមអត្ថាធិប្បាយ សកម្មភាពនៃការប្រកួត ដើម្បីជួយបង្កឱ្យបរិយាកាសនៅក្នុងកម្មវិធី កាន់តែជក់ចិត្តខ្លាំងឡើង។
កិច្ចសហការ ក្នុងនាមជាដៃគូរបស់សែលកាត ជាមួយក្រុម Orange Esports និងការគាំទ្រដល់សហគមន៍ PUBG Mobile នៅកម្ពុជា គឺជាផ្នែកមួយនៃកិច្ចខិតខំប្រឹងប្រែង របស់ក្រុមហ៊ុនសែលកាត ក្នុងការជួយគាំទ្រដល់វិស័យហ្គេម និងសហគមន៍កីឡាអេឡិចត្រូនិក ក្នុងស្រុក ក៏ដូចជាពង្រឹងនូវជំហររបស់ក្រុមហ៊ុន ក្នុងនាមជាប្រតិបត្តិករបណ្តាញទូរស័ព្ទលឿនជាងគេបំផុត នៅក្នុងប្រទេសកម្ពុជា។
ក្រុមហ៊ុនសែលកាត ត្រូវបានទទួលស្គាល់ជាជ័យលាភីពានរង្វាន់ Ookla Speedtest Award Winner ប្រចាំប្រទេសកម្ពុជា ក្នុងរយៈពេល ៣ឆ្នាំជាប់ៗគ្នា ដូច្នេះអ្នកគាំទ្រវិស័យហ្គេម ពិតជានឹងអាចរីករាយ ជាមួយបទពិសោធន៍នៃការលេងហ្គេមកម្សាន្តដ៏រលូនបំផុត។
កម្មវិធីប្រកួត Southeast Asia World Finals ត្រូវបានគេរំពឹងទុកថា នឹងប្រារព្ធឡើងនៅថ្ងៃទី២ និងទី៣ ខែឧសភា ឆ្នាំ២០២០៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com