COVID-19
ជាតិ
×![]()
ដោយ: ថ្មីៗ
ភ្នំពេញ៖ បណ្ដាផ្លូវចេញ-ចូលរាជធានីភ្នំពេញ ត្រូវបានរឹតបន្តឹង ក្រោយពីរដ្ឋាភិបាលចេញបទបញ្ជាស្តីពីការដាក់កំហិតលើការធ្វើដំណើរក្នុងប្រទេស ចាប់ពីម៉ោង១២យប់ថ្ងៃទី៩ ខែមេសា ដល់យប់ថ្ងៃទី១៦ ខែមេសា។
នៅតាមបណ្ដាផ្លូវទាំងនោះ គេសង្កេតឃើញមានកងកម្លាំងប្រដាប់អាវុធ ដាក់រនាំងហាមឃាត់ពលរដ្ឋចេញ-ចូល។ រាល់ពលរដ្ឋដែលមានបំណងចេញ-ចូលរាជធានីភ្នំពេញ ត្រូវស្ថិតក្រោមការត្រួតពិនិត្យពីសមត្ថកិច្ច។
រដ្ឋាភិបាល បានហាមឃាត់ការធ្វើដំណើរនៅក្នុងប្រទេស រួមមានការធ្វើដំណើរឆ្លងកាត់ចេញ-ចូលរាជធានីភ្នំពេញ (ដោយមិនប៉ះពាល់ដល់ការធ្វើដំណើរផ្ទៃក្នុងរាជធានីភ្នំពេញនោះទេ) រួមទាំងការធ្វើដំណើរពីស្រុកមួយទៅស្រុកមួយ និងពីខេត្តមួយទៅខត្តមួយទៀត។
ការហាមឃាត់នេះ ត្រូវបានលើកលែងចំពោះ ការដឹកជញ្ជូនទំនិញគ្រប់ប្រភេទ រថយន្ត និងមធ្យោបាយធ្វើដំណើររបស់មន្ត្រីរាជការ ទាំងថ្នាក់ជាតិ និងក្រោមជាតិ ក្នុងគោលដៅបំពេញការងារប្រចាំថ្ងៃ។
ករណីលើកលែងផ្សេងទៀតដូចជា មធ្យោបាយធ្វើដំណើរកម្លាំងប្រដាប់អាវុធគ្រប់ប្រភេទ រថយន្តសង្គ្រោះបន្ទាន់របស់មន្ទីរពេទ្យ រថយន្តពន្លត់អគ្គិភ័យ រថយន្តបម្រើសេវាដឹកជញ្ជូនសំរាម និងកាកសំណល់ ការដឹកជញ្ជូនកម្មករទៅកាន់កន្លែងការងារតាមរោងចក្រ-សហគ្រាស ដែលត្រូវមានបណ្ណអនុញ្ញាត និងការធ្វើដំណើររបស់ពលរដ្ឋទៅមន្ទីរពេទ្យ ឬមណ្ឌលសុខភាពដែលជិតបំផុត ហើយមិនឲ្យលើសពី៤នាក់៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
