ដើម្បីឈ្នះកូវីដ-១៩ កម្មករ-កម្មការិនី មិនទៅផ្ទះ ហើយបន្តធ្វើការពេលចូលឆ្នាំ

COVID-19

ជាតិ

ដើម្បីឈ្នះកូវីដ-១៩ កម្មករ-កម្មការិនី មិនទៅផ្ទះ ហើយបន្តធ្វើការពេលចូលឆ្នាំ

11, Apr 2020 , 4:06 pm

រូបភាព

ដោយ: អ៊ុត រស្មី (Uth Raksmey)

ភ្នំពេញ៖ កម្មករ-កម្មការិនី តាមបណ្ដារោងចក្រនានា បានតាំងចិត្តធ្វើការនៅថ្ងៃចូលឆ្នាំ ដោយមិនទៅស្រុកកំណើត ដើម្បីបញ្ជៀសការឆ្លងជំងឺកូវីដ-១៩។ នេះបើតាមឃ្លីបវីដេអូ ដែលលោក ហេង សួរ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ ចែកចាយជាបន្តបន្ទាប់សម្រាប់ក្រុមអ្នកសារព័ត៌មាន។

ជាមួយគ្នានេះ ក្រសួងការងារ និងបណ្តុះបណ្តាលវិជ្ជាជីវៈ ក៏បានចេញវិធានការ ចំពោះកម្មករនិយោជិតណា ឈប់សម្រាក «ដោយឯកឯង» ក្នុងអំឡុងចូលឆ្នាំខ្មែរ នឹងត្រូវដាក់ឲ្យនៅដាច់ដោយឡែករយៈពេល១៤ថ្ងៃ មុនចូលបំពេញការងារវិញ ហើយនឹងមិនទទួលបានប្រាក់ឈ្នួលក្នុងរយៈពេល១៤ថ្ងៃនេះឡើយ។

ដើម្បីជ្រាបច្បាស់សូមអញ្ជើញលោក-អ្នកនាងទស្សនាវីដេអូខ្លី ដូចតទៅ៖

មិនមែនតែវិស័យឯកជនឡើយ គ្រប់ស្ថាប័នរដ្ឋ ក៏ត្រូវតម្រូវឲ្យនៅធ្វើការធម្មតាដែរ ក្នុងអំឡុងចូលឆ្នាំនេះ។

សូមជម្រាបថា រដ្ឋាភិបាល បានសម្រេចលុបពិធីបុណ្យចូលឆ្នាំខ្មែរ នៅឆ្នាំនេះ ដោយសារតែបារម្ភខ្លាចរាលដាលនៃជំងឺកូវីដ-១៩។ រដ្ឋាភិបាល នឹងសងថ្ងៃឈប់សម្រាក៥ថ្ងៃ ដល់ស្ថាប័នរដ្ឋនិងឯកជនវិញ នៅពេលសមស្រប៕