COVID-19
អន្តរជាតិ
អាមេរិកមានអ្នកឆ្លង COVID-19 ជាង៥៣ម៉ឺនករណី ហើយស្លាប់ជាង២ម៉ឺននាក់ដែលច្រើនជាងគេបំផុត ទិដ្ឋភាពដឹកជញ្ជូនសាកសពនៅក្រុងញូវយ៉ក ដែលកំពុងរងគ្រោះខ្លាំងជាងគេដោយសារ COVID-19។ រូបថត AFP
× គិតត្រឹមថ្ងៃទី១២ ខែមេសា អាមេរិកមានអ្នកស្លាប់ដោយសារជំងឺរលាកសួត ដែលបង្កដោយកូរ៉ូណាវីរុសច្រើនជាងគេបង្អស់នៅលើពិភពលោក។ ការណ៍នេះ បានធ្វើឲ្យអាមេរិកក្លាយជាប្រទេសមាន COVID-19 និងអ្នកស្លាប់ដោយសារជំងឺរលាកសួតប្រភេទថ្មីនេះច្រើនជាងគេ។ អត្រាឆ្លង និងស្លាប់កើនឡើងយ៉ាងគំហុកបែបនេះ ដោយសារមួយថ្ងៃៗអាមេរិកមានអ្នកឆ្លងជាច្រើនម៉ឺនករណី និងស្លាប់ជាច្រើនករណី។
បើតាមវែបសាយ Worldometer អាមេរិកមាន COVID-19 សរុប និងអ្នកស្លាប់ដោយសារជំងឺឆ្លងនេះ ច្រើនជាងគេបង្អស់ ពោលគឺកើនលើសអ៊ីតាលីទៅទៀត។ មកដល់ថ្ងៃទី១២ ខែមេសា នេះ អាមេរិកបានរកឃើញអ្នកផ្ទុក COVID-19 ថ្មីជាង៣ម៉ឺនករណី និងអ្នកស្លាប់ជាង ១៨០០ករណី។ យ៉ាងណាក្តី តួលេខនេះ គឺធ្លាក់ចុះបន្តិចបើធៀបនឹងថ្ងៃទី១០ ខែមេសា ដែលមានចំនួនអ្នកឆ្លង ៣៣៧៥២ករណី និងអ្នកស្លាប់ ២០៣៥ករណី។
តួលេខសរុប COVID-19 របស់អាមេរិក មានចំនួន ៥៣២៨៧៩រណី អ្នកស្លាប់ ២០៥៧៧ករណី និងអ្នកជាសះស្បើយមាន ៣០៤៥៣ករណី។
ចំណែកអ៊ីតាលី ដែលពីមុនមានអ្នកស្លាប់ច្រើនជាងគេ បានធ្លាក់មកលំដាប់ទីពីរវិញ ដោយមានករណីស្លាប់សរុបចំនួន ១៩៤៦៨ករណី។ ចំណែកករណីCOVID-19 សរុបរបស់អ៊ីតាលីមានជាង ១៥ម៉ឺនករណី។
សូមបញ្ជាក់ថា បើទោះបីជាអាមេរិកមានវិធានការទប់ស្កាត់COVID-19 ដូចជាបិទរដ្ឋ បិទសាលារៀន កន្លែងកម្សាន្ត ការរឹតត្បិតការធ្វើដំណើរ ក៏ចំនួនអ្នកឆ្លងនៅអាមេរិកនៅតែបន្តកើនឡើយគំហុក៕
© រក្សាសិទ្ធិដោយ thmeythmey.com