COVID-19
ជាតិ
COVID-19៖ អាស៊ាន និងអាស៊ានបូកបី នឹងមានកិច្ចប្រជុំពិសេសតាម Video Conference
× ភ្នំពេញ៖ សម្ដេចនាយករដ្ឋមន្ត្រី ហ៊ុន សែន នឹងចូលរួមកិច្ចប្រជុំកំពូលអាស៊ានពិសេស និងកិច្ចប្រជុំកំពូលអាស៊ានបូកបី ដោយតបការអញ្ជើញរបស់លោក ង្វៀន សួនហ្វុក នាយករដ្ឋមន្ត្រីវៀតណាម និងជាប្រធានអាស៊ាន ស្តីពីកូវីដ-១៩ តាមរយៈប្រព័ន្ធវីដេអូ(Video Conference) នៅថ្ងៃទី ១៤ ខែមេសា នៅវិមានសន្តិភាព។
កិច្ចប្រជុំកំពូលអាស៊ានទាំងពីរនេះ នឹងមានការឯកភាពចូលរួមពីថ្នាក់ដឹកនាំរបស់អាស៊ាន និងប្រទេសបូកបីផ្សេងទៀត។ ដោយឡែកមន្ត្រីដែលចូលរួមអមសម្តេច ហ៊ុន សែន រួមមាន លោក ប្រាក់ សុខុន រដ្ឋមន្ត្រីការបរទេស លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច លោក ប៉ាន សូរស័ក្កិ រដ្ឋមន្ត្រីក្រសួងសុខាភិបាល លោក ហង់ ជួន ណារ៉ុន រដ្ឋមន្ត្រីក្រសួងអប់រំ និងលោក ម៉ម ប៊ុនហេង រដ្ឋមន្ត្រីក្រសួងសុខាភិបាល។
តាមរយៈសេចក្ដីប្រកាសព័ត៌មានរបស់ក្រសួងការបរទេស នៅក្នុងកិច្ចប្រជុំកំពូលអាស៊ានពិសេស និងកិច្ចប្រជុំអាស៊ានបូកបីពិសេសនេះ សម្ដេច ហ៊ុន សែន នឹងថ្លែងសុន្ទរកថាចំនួន២ ស្ដីពីផលប៉ះពាល់នៃកូវីដ-១៩ ទៅលើការអភិវឌ្ឍសេដ្ឋកិច្ចនិងសង្គម និងកំណើនសេដ្ឋកិច្ចពិភពលោក ព្រមទាំងផលប៉ះពាល់យ៉ាងធ្ងន់ធ្ងរនៃកូវីដ-១៩ ទៅលើសន្តិសុខ សេដ្ឋកិច្ច ពាណិជ្ជកម្ម និងកិច្ចការសង្គម៕
Tag:
សម្ដេចហ៊ុន សែន
កិច្ចប្រជុំអាស៊ាន
កូវីដ-១៩
© រក្សាសិទ្ធិដោយ thmeythmey.com