រថយន្ត Mazda3 ស៊េរីថ្មី ឈ្នះពានរង្វាន់ការរចនារថយន្តល្អផ្ដាច់គេ លំដាប់ថ្នាក់ពិភពលោកប្រចាំឆ្នាំ ២០២០

អត្ថបទពាណិជ្ជកម្ម

រថយន្ត Mazda3 ស៊េរីថ្មី ឈ្នះពានរង្វាន់ការរចនារថយន្តល្អផ្ដាច់គេ លំដាប់ថ្នាក់ពិភពលោកប្រចាំឆ្នាំ ២០២០

13, Apr 2020 , 5:57 pm

រូបភាព

ដោយ: ថ្មីៗ

រថយន្ត Mazda3 ស៊េរីថ្មីទំនើបចុងក្រោយ បានឈ្នះពានរង្វាន់ការរចនារថយន្តល្អផ្ដាច់គេលំដាប់ថ្នាក់ពិភពលោកប្រចាំឆ្នាំ២០២០ ដែលជាពានរង្វាន់ដ៏វិសេសវិសាលមួយរបស់កម្មវិធីពានរង្វាន់រថយន្តពិភពលោក (WCA)។ ដំណឹងដ៏រំភើបនេះ ត្រូវបានប្រកាសនៅថ្ងៃទី៩មេសា ឆ្នាំ២០២០ ម៉ោង៩ព្រឹក សារព័ត៌មានពីទីក្រុងហ៊ីរ៉ូស៊ីម៉ា ប្រទេសជប៉ុន។ រថយន្ត Mazda3 ស៊េរីថ្មីនេះ គឺជារថយន្តទីពីរហើយ ដែលបានឈ្នះពានរង្វាន់ នៃការរចនារថយន្តល្អផ្ដាច់គេលំដាប់ថ្នាក់ពិភពលោក ប្រចាំឆ្នាំ បន្ទាប់ពីរថយន្ត Mazda MX-5 (ដែលនៅប្រទេសជប៉ុនគេនិយមហៅថា Roadster) ដែលឈ្នះពានរង្វាន់នេះកាលពីឆ្នាំ2016។

កម្មវិធីពានរង្វាន់រថយន្តពិភពលោក (WCA) នេះត្រូវបានបង្កើតឡើងកាលពីឆ្នាំ ២០០៤ ដោយក្រុមការងារសារព័ត៌មានរថយន្តអន្តរជាតិមួយក្រុម ហើយគណៈកម្មការវិនិច្ឆ័យសម្រាប់ឆ្នាំនេះ មានសមាសភាពជាអ្នកសារពត៌មានចំនួន ៨៦ រូប មកពីបណ្ដាប្រទេសចំនួន ២៥ ផ្សេងៗគ្នា។ លទ្ធផលចុងក្រោយនៃកម្មវិធីនេះ ត្រូវបានប្រកាសនៅក្នុងកម្មវិធីពានរង្វាន់រថយន្តពិភពលោក (WCA) នៅទីក្រុងតូរ៉ុនតូ នាថ្ងៃទី៨ ខែមេសា ម៉ោងក្នុងតំបន់។

រថយន្ត MAZDA3

ដើម្បីសម្រេចឱ្យបានតាមគោលគំនិត នៃការរចនាម៉ូតរថយន្តរបស់ក្រុមហ៊ុន Mazda ពោលគឺ “រថយន្តជាសិល្បៈ” ទើបបានជារថយន្ត Mazda3 ស៊េរីថ្មីនេះ ត្រូវបានរចនាឡើង ទៅតាមរចនាបថ KODO ដែលមានការទទួលស្គាល់យ៉ាងទូលំទូលាយ នៅជុំវិញពិភពលោក។ ដោយមានចំណាប់អារម្មណ៍ខ្លាំង ទៅលើស្នាដៃសោភ័ណវិទ្យា របស់ប្រទេសជប៉ុន ក្រុមហ៊ុន Mazda បានអនុវត្តនូវវិធីសាស្ត្រ “តិចតែមានគ្រប់បែបយ៉ាង” នៅពេលរចនារថយន្ត Mazda3 ស៊េរីថ្មីនេះឡើង ហើយបានដកចេញ នូវផ្នែកមិនចាំបាច់មួយចំនួន ពីទម្រង់រថយន្តផងដែរ។ លទ្ធផលដែលទទួលបានពីការអនុវត្តវិធីសាស្ត្រនេះ គឺជារចនាបថដ៏វិសេសវិសាលមួយ ដែលពោរពេញទៅដោយពន្លឺភ្លឺចិញ្ចាច បូករួមជាមួយនឹងស្រមោលនៃពណ៌រថយន្ត រត់ប្រដេញគ្នាពេញមួយតួរថយន្តដ៏រលើបរលោង ធ្វើឱ្យរថយន្តនេះបង្ហាញចេញនូវលក្ខណៈធម្មជាតិ និងភាពរស់រវើកដ៏អស្ចារ្យរបស់ខ្លួន។ លើសពីនេះទៅទៀត បើទោះបីជាឈ្មោះម៉ូដែលរថយន្តនេះដូចគ្នាក៏ពិតមែន ប៉ុន្តែរថយន្តប្រភេទ hatchback និង sedan មានលក្ខណៈពិសេសប្លែករៀងៗខ្លួន ដោយការរចនាម៉ូតរបស់រថយន្តប្រភេទ hatchback គឺមានលក្ខណៈគួរឱ្យទាក់ទាញ ហើយម៉ូដែលប្រភេទ sedan គឺមានលក្ខណៈទំនើបស៊ីវិល័យ។

ក្រុមហ៊ុន Mazda ប្រារព្ធខួបមួយរយឆ្នាំ នៃការចាប់បដិសន្ធិនៅឆ្នាំនេះ ដោយក្នុងអំឡុងពេលមួយសតវត្សរ៍កន្លងមកនេះ ក្រុមហ៊ុនតែងតែខិតខំប្រឹងប្រែងផលិតនូវរថយន្តដ៏ល្អប្រណីត ដែលផ្ដល់នូវបទពិសោធន៍បើកបរដ៏រីករាយក្នុងគោលបំណងធ្វើឱ្យជីវិតរស់នៅរបស់អតិថិជនគ្រប់រូបកាន់តែមានភាពស៊ីវិល័យពីមួយជំនាន់ទៅមួយជំនាន់។ នៅក្នុងសតវត្សរ៍ជាបន្តបន្ទាប់នេះ ក្រុមហ៊ុននឹងនៅតែបន្តប្ដេជ្ញាចិត្តខិតខំប្រឹងប្រែងបង្កើតនូវផលិតផលប្រកបដោយភាពច្នៃប្រឌិតខ្ពស់ ការរចនាទាន់សម័យ បច្ចេកវិទ្យាទំនើប និងបទពិសោធន៍ស៊ីវិល័យ បន្តទៀត ដើម្បីផ្ដល់ជូននូវលក្ខណៈពិសេសថ្មីៗដែលអតិថិជនជាអ្នកនិយមស្រឡាញ់រថយន្ត ប្រាកដជាចង់ថែរក្សាទុកជាកេរ្ដិ៍ដំណែល និងបន្តប្រើប្រាស់រថយន្តរបស់យើងឱ្យបានយូរអង្វែង តាមដែលអាចធ្វើទៅបានជាក់ជាមិនខាន។

សម្រាប់ព័ត៌មានបន្ថែម សូមទំនាក់ទំនង៖

• ផ្ទះលេខ ៣៧៩ មហាវិថីសហព័ន្ធរុស្សី សង្កាត់កាកាប ខណ្ឌពោធិ៍សែនជ័យ ភ្នំពេញ

• ផ្ទះលេខ ៧៥៧ មហាវិថីព្រះមុនីវង្ស បឹងត្របែក ខណ្ឌចំការមន ភ្នំពេញ

• លេខទូរសព្ទ