ជាតិ
Covid-19៖ កម្ពុជាមានអ្នកជាសះស្បើយ១៤នាក់ទៀត ហើយគ្មានករណីថ្មីទេ រូបភាព៖ Xinhua
× ក្រសួងសុខាភិបាលកម្ពុជា បានប្រកាសនៅថ្ងៃទី១៤ មេសានេះថា មានអ្នកសះស្បើយ១៤នាក់បន្ថែមទៀត ដែលធ្វើតួលេខសះស្បើយសរុបកើនដល់៩១នាក់។ នៅថ្ងៃនេះ ក្រសួងអះអាងថាគ្មានករណីថ្មីនៃកូវីដ-១៩ ត្រូវបានរកឃើញនោះទេ។ សរុបអ្នកឆ្លងនៅកម្ពុជាមានចំនួន១២២នាក់។
បើតាមក្រសួងសុខាភិបាល អ្នកសះស្បើយទាំង១៤នាក់ មានជនជាតិបារាំង១០នាក់ ដែលជាអ្នកទេសចរនៅខេត្តព្រះសីហនុ, ជនជាតិឥណ្ឌូណេស៊ី២នាក់ នៅខេត្តព្រះសីហនុ និងជនជាតិខ្មែរ២នាក់ ដែលម្នាក់មានអាយុ៣៣ឆ្នាំជាមគ្គទេសក៍ឲ្យអ្នកទេសចរបារាំងនៅខេត្តព្រះសីហនុ និងម្នាក់ទៀតអាយុ៣៩ឆ្នាំ ពលរដ្ឋរស់នៅសង្កាត់ទួលទំពូង១ ខណ្ឌចំការមន រាជធានីភ្នំពេញ។
សរុបអ្នកសះស្បើយទាំង៩១នាក់ រួមមានជនជាតិខ្មែរ ៣៨នាក់ ,ជនជាតិបារាំង៣៥នាក់, ចិន១នាក់, ម៉ាឡេស៊ី១០នាក់, អង់គ្លេស៤នាក់, បែលហ្សិក១នាក់ និងជនជាតិឥណ្ឌូណេស៊ី២នាក់៕ © រក្សាសិទ្ធិដោយ thmeythmey.com