អត្ថបទពាណិជ្ជកម្ម
លទ្ធផលការធ្វើបរិវិសកម្មសញ្ញាបណ្ណសាជីវកម្ម អ អិម អេ ខេមបូឌា ដែលទទួលបានការធានាទាំងស្រុងដោយ ស្ថាប័ន Credit Guarantee & Investment Facility
× ក្រុមហ៊ុន អ អិម អេ (ខេមបូឌា) ម.ក និងក្រុមហ៊ុន អេសប៊ីអាយ រ៉ូយ៉ាល់ ស៊ីឃ្យួរឹធី មានកិត្តិយស ជម្រាបជូនដំណឹងដល់វិនិយោគិន ដែលបានដាក់ពាក្យធ្វើបរិវិសកម្ម សម្រាប់ការបោះផ្សាយលក់សញ្ញាបណ្ណ សាជីវកម្មជាសាធារណៈរបស់ ក្រុមហ៊ុន អ អិម អេ (ខេមបូឌា) ម.ក ចាប់ពីថ្ងៃទី៦ ដល់ថ្ងៃទី៨ ខែមេសា ឆ្នាំ២០២០ ឲ្យបានជ្រាបថាការធ្វើបរិវិសកម្មលើសញ្ញាបណ្ណសាជីវកម្ម អ អិម អេ ខេមបូឌា បានប្រពឹត្តទៅប្រកបដោយជោគជ័យ ដោយមានសញ្ញាបណ្ណសាជីវកម្មសរុបចំនួន ៨០០.០០០ សញ្ញាបណ្ណ ត្រូវបានបញ្ជាទិញ និងបែកចែកជូនវិនិ-យោគិនចំនួន ៣ ស្ថាប័ន។ លទ្ធផលនៃការធ្វើបរិវិសកម្មនេះ បានទទួលការអនុញ្ញាតរួចមកហើយ ពីគណៈកម្មការមូលបត្រកម្ពុជា (គ.ម.ក)។
ក្នុងនាមជាគណៈគ្រប់គ្រងរបស់ ក្រុមហ៊ុន អ អិម អេ (ខេមបូឌា) ម.ក និង ក្រុមហ៊ុន អេសប៊ី-អាយ ស៊ីឃ្យួរឹធី យើងខ្ញុំសូមថ្លែងអំណរគុណយ៉ាងជ្រាលជ្រៅ ដល់ការគាំទ្រនៅគ្រប់ដំណាក់កាលពី ក្រសួងសេដ្ឋកិច្ច និងហិរញ្ញវត្ថុ គណៈកម្មការមូលបត្រកម្ពុជា ក្រុមហ៊ុនផ្សារមូលបត្រកម្ពុជា និងទីប្រឹក្សាសញ្ញាបណ្ណសាជីវកម្ម អ អិម អេ ខេមបូឌា ទាំងអស់ ដើម្បីសម្រេចបានលទ្ធផលជោគជ័យដូចថ្ងៃនេះ ហើយសង្ឃឹមយ៉ាងមុតមាំ នូវការគាំទ្របន្ថែមទៀតនៅពេលអនាគត។ ថ្ងៃចុះបញ្ជីផ្លូវការ របស់សញ្ញាបណ្ណសាជីវកម្មនេះ ត្រូវបានរំពឹងទុកនៅថ្ងៃទី៣០ ខែមេសា ឆ្នាំ២០២០ ខាងមុខនេះ។ សញ្ញាបណ្ណសាជីវកម្មរបស់ ក្រុមហ៊ុន អ អិម អេ (ខេមបូឌា) ម.ក នឹងក្លាយជាសញ្ញាបណ្ណសាជីវកម្ម ដែលមានការធានាដោយ ស្ថាប័ន CGIF ដំបូងបំផុតរបស់ក្រុមហ៊ុនឯកជន ដែលបានបោះផ្សាយលក់នៅទីផ្សារមូលបត្រក្នុងព្រះរាជាណាចក្រកម្ពុជា។
សូមមេត្តាពិនិត្យមើលបញ្ជីវិនិយោគិនទទួលបានជោគជ័យ នៅក្នុងការធ្វើបរិវិសកម្មដូចមាននៅក្នុងតារាងខាងក្រោម។ សម្រាប់ព័ត៌មានបន្ថែមសូមទំនាក់ទំនងមកកាន់ លោកស្រី ឆាយ លីហួរ តាមរយៈទូរស័ព្ទលេខ ០៧៧ ៣៣៣ ៦៣១ និង០២៣ ៩៩៩ ៥៩៥។
វិនិយោគិនក៏អាចពិនិត្យមើលលទ្ធផលបរិវិសកម្មលើគេហទំព័រ៖
· ក្រុមហ៊ុន អេសប៊ីអាយ ស៊ីឃ្យួរឹធី (www.sbiroyal.com) និង
· ក្រុមហ៊ុន អ អិម អេ (ខេមបូឌា) ម.ក (www.cambodia.rmagroup.net)។
បញ្ជីវិនិយោគិនទទួលបានជោគជ័យនៅក្នុងការធ្វើបរិវិសកម្ម“សញ្ញាបណ្ណសាជីវកម្ម អ អិម អេ ខេមបូឌា របស់ក្រុមហ៊ុន អ អិម អេ (ខេមបូឌា) ម.ក
លេខបរិវិសកម្ម
Subscription No.
ចំនួនសញ្ញាបណ្ណទទួលបាន
Allotted Bonds
SBI-0001
២00.000
SBI-0002
៤00.000
SBI-0003
២00.000
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com