ជាតិ
សង្គមជាតិ
ក្នុងខែមេសានេះ មានមនុស្ស២នាក់ស្លាប់ និងផ្ទះជាង១ពាន់ខ្នងខូចខាត ដោយសារគ្រោះធម្មជាតិ រូបពីក្រសួងធនធានទឹក និងឧតុនិយម
×
ភ្នំពេញ៖ រយៈពេល១៤ថ្ងៃ ក្នុងខែមេសាឆ្នាំ២០២០នេះ មានមនុស្ស២នាក់បានស្លាប់ និងផ្ទះពលរដ្ឋជាង១០០០ខ្នងបានរងការខូចខាត ដោយសារគ្រោះធម្មជាតិ។ លោក ឃុន សុខា អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានប្រាប់សារព័ត៌មានថ្មីៗតាមទូរស័ព្ទនៅថ្ងៃទី១៤ មេសានេះ។
បើតាម លោក ឃុន សុខា ក្នុងចំណោមផ្ទះពលរដ្ឋដែលរងការខូចខាត ភាគច្រើនរងផលប៉ះពាល់តិចតួច រួមមានផ្ទះពលរដ្ឋនៅខេត្តបាត់ដំបងជាង៨៣០ខ្នង, ខេត្តបន្ទាយមានជ័យចំនួន៥៣ខ្នង, ខេត្តតាកែវចំនួន៥០ខ្នង, ខេត្តស្វាយរៀងចំនួន៣២ខ្នង, កំពង់ស្ពឺជាង១០០ខ្នង និងខេត្តកំពង់ឆ្នាំង១០ខ្នង។
លោក ឃុន សុខា មិនទាន់មានតួលេខជាក់លាក់ពីករណីរងគ្រោះដោយសារធម្មជាតិចាប់តាំងពីដើមឆ្នាំ២០២០នោះមកទេ។ តែយ៉ាងណា អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានអំពាវនាវឱ្យពលរដ្ឋ បង្កើនការប្រុងប្រយ័ត្នខ្ពស់ចំពោះបាតុភូតផ្គរ រន្ទះ និងខ្យល់កន្ត្រាក់ និងមិនត្រូវធ្វើដំណើរនៅអំឡុងពេលមេឃភ្លៀងឡើយ៕
Tag:
គ្រោះធម្មជាតិ
ខ្យល់កន្ត្រាក់
© រក្សាសិទ្ធិដោយ thmeythmey.com