COVID-19
ពីនេះ ពីនោះ
កូវីដ-១៩៖ ឪពុកម្តាយសិស្ស និងម្ចាស់សាលាឯកជនខ្លះដំឡើងសសៃកដាក់គ្នា!
×![]()
ដោយ: ថ្មីៗ
នៅថ្ងៃនេះ(១៧ខែមេសាឆ្នាំ២០២០)អាណាព្យាបាលសិស្សសាលាឯកជនខ្លះ និងម្ចាស់សាលាចាប់ផ្តើមដំឡើងសសៃកដាក់គ្នាទៅវិញទៅមក ព្រោះតែរឿងថ្លៃសាលាថាត្រូវបង់ក្នុងកម្រិតណា?
រឿងរ៉ាវចេញពីកូវីដ១៩នេះ ចេះតែកើតឡើងគ្រប់ទីកន្លែង ដូច្នេះ សុធីរ និងសំណាង ក៏មិនទៅណាឆ្ងាយពីប្រធានបទហ្នឹងដែរ។ ក្នុងបរិបទកូវីដ១៩នេះ បើសាលាបិទទ្វារ តើអាណាព្យាបាលគួរបង់ថ្លៃសាលារៀនឯកជនឬទេ? បើបង់ តើគេគួរបង់ក្នុងកម្រិតណា? ចុះបើសាលាបើកបង្រៀនអនឡាញ តើអាណាព្យាបាលត្រូវបង់ឬទេ?
រឿងរ៉ាវចេញពីកូវីដ១៩នេះ ចេះតែកើតឡើងគ្រប់ទីកន្លែង ដូច្នេះ សុធីរ និងសំណាង ក៏មិនទៅណាឆ្ងាយពីប្រធានបទហ្នឹងដែរ។ ក្នុងបរិបទកូវីដ១៩នេះ បើសាលាបិទទ្វារ តើអាណាព្យាបាលគួរបង់ថ្លៃសាលារៀនឯកជនឬទេ? បើបង់ តើគេគួរបង់ក្នុងកម្រិតណា? ចុះបើសាលាបើកបង្រៀនអនឡាញ តើអាណាព្យាបាលត្រូវបង់ឬទេ?
សុធីរ៖ អា សំណាង! តើអាណាព្យាបាលគួរបង់ថ្លៃសាលារៀនឬទេ បើគេអត់បង្រៀនផងហ្នឹង?
សំណាង៖ បើគេអត់បង្រៀន ម៉េចបានត្រូវបង់ថ្លៃសាលា អញសួរទៅអ្ហែងវិញ?
សុធីរ៖ អើមែនអ្វី។ ចុះបើគេបង្រៀនតាមអនឡាញ ឬ Distance Learning ស្អីគេនោះ?
សំណាង៖ អើ! បើគេបន្តបង្រៀនតាមអនឡាញ អាណាព្យាបាលគួរជួយបង់លុយខ្លះទើបត្រឹមត្រូវ ព្រោះ គ្រូបង្រៀនបន្តធ្វើការដែរ ទោះបីមិនពេញលេញក៏ដោយក្តី។
សុធីរ៖ បង់ខ្លះហ្នឹង បង់ប៉ុន្មានទៅ អា សំណាង?
សំណាង៖ បើអាច គួរបង់ក្នុងកម្រិតណាមួយទៅ ព្រោះសាលាក៏មិនបានចំណាយថ្លៃទឹក ភ្លើង និងសេវារដ្ឋបាលផ្សេងៗឡើយ។
សុធីរ៖ តែម្ចាស់សាលារៀនក៏នៅបន្តបង់ថ្លៃអាគារជួលគេដែរតើ?
សំណាង៖ អើវាអ៊ីចឹងហើយ។ តែបើតាមអញលឺ គឺថា សាលាក៏កំពុងតវ៉ាបញ្ចុះថ្លៃជួលទីតាំងអាជីវកម្មដែរ។ ហើយបើថ្លៃទីតាំងត្រូវបានបញ្ចុះ ហេតុអីមិនអាចបញ្ចុះថ្លៃសិក្សាបាន?
សុធីរ៖ តើអ្វីទៅដែលជាមធ្យោបាយល្អបំផុតសម្រាប់ម្ចាស់សាលា និងអាណាព្យាបាលអា សំណាង?
សំណាង៖ ដំណោះស្រាយដែលល្អបំផុត គឺ សាលាត្រូវបញ្ចុះតម្លៃក្នុងកម្រិតមួយសមរម្យ អាចថា ២០ ៣០ ឬ៤០% អាស្រ័យលើការចរចាគ្នា។ គ្រូបង្រៀនត្រូវបន្ថយប្រាក់ចំណូលរបស់ខ្លួន។ អាណាព្យាបាលត្រូវបង់ខាតខ្លះ ហើយម្ចាស់អគារក៏ត្រូវបញ្ចុះតម្លៃថ្លៃឈ្មួលដែរ។ ធ្វើយ៉ាងដូច្នេះទៅ អ្វីៗវាទៅរួចហើយ។ កាលៈទេសៈប្រឈមដ៏លំបាកនេះ មិនមែនជាពេលវេលាដែលត្រូវឈ្លោះគ្នាទេ តែជាពេលវេលាដែលត្រូវជួយគ្នាទៅវិញទៅមក ឬជាពេលវេលាដែលត្រូវអត់ឱនឲ្យគ្នាទៅវិញទៅមក៕
© រក្សាសិទ្ធិដោយ thmeythmey.com
