COVID-19
ជាតិ
សង្គមជាតិ
នាយករដ្ឋមន្ត្រី ហៅការរួមគ្នាបរិច្ចាគថវិកា ថាជា «ចលនាជាតិដ៏ខ្លាំងក្លា»
រូបពីទំព័រហ្វេសប៊ុករបស់សម្តេចនាយករដ្ឋមន្រ្តី
×![]()
ដោយ: ថ្មីៗ
សម្តេចនាយករដ្ឋមន្ត្រី ហ៊ុន សែន បានបន្តផ្តល់ព័ត៌មានពីចំនួនថវិកា ដែលទទួលបានពីសប្បុរសជននិងមន្ត្រីរាជការ សម្រាប់ប្រយុទ្ធប្រឆាំងនឹងជំងឺកូវីដ-១៩។ 
សម្តេចនាយករដ្ឋមន្ត្រី បង្ហាញតួលេខថា គិតត្រឹមថ្ងៃទី១៧ ខែមេសា ថវិកា ដែលទទួលបានពីសប្បុរសជន គឺកើនឡើងដល់ជាង១៣លានដុល្លារហើយ ដោយមិនរាប់បញ្ចូលជំនួយផ្នែកបរិក្ខារផ្សេងៗ ដូចជា ម៉ាស់ អាល់កុល សាប៊ូ និង សម្ភារពេទ្យ ជាដើម ដែលអាចមានតម្លៃដល់ទៅរាប់លានដុល្លារ។ ចំណែក មន្ត្រីរាជការគ្រប់ស្ថាប័ន មានជាង១៤ម៉ឺននាក់ហើយ ដែលស្ម័គ្រចិត្តបរិច្ចាគប្រាក់បៀវត្សទាំងស្រុង ឬ មួយផ្នែក។ ប៉ុន្តែ សម្តេចនាយករដ្ឋមន្ត្រី ពុំបានបញ្ចេញតួលេខថវិកា ដែលទទួលបានពីមន្ត្រីរាជការនោះទេ។
តាមរយៈសារលើទំព័រហ្វេសប៊ុកនាព្រឹកថ្ងៃទី១៧ ខែមេសានេះ ប្រមុខរដ្ឋាភិបាល សរសេរដូច្នេះថា៖« នេះជាចលនាជាតិដ៏ខ្លាំងក្លាមួយរបស់ប្រជាជនកម្ពុជាយើង ក្នុងការប្រយុទ្ធជាមួយជំងឺដ៏កាចសាហាវនេះ ដែលទូលព្រះបង្គំខ្ញុំព្រះករុណាខ្ញុំ សូមថ្លែងអំណរព្រះគុណថ្វាយព្រះមហាក្សត្រ ថ្វាយសម្តេចម៉ែ ប្រគេនព្រះសង្ឃគ្រប់ព្រះអង្គ ជូនជនរួមជាតិ មន្ត្រីរាជការគ្រប់ថ្នាក់ និងកងកម្លាំងប្រដាប់អាវុធគ្រប់ប្រភេទដែលបានចូលរួមក្នុងចលនាជាតិដ៏ធំមួយនេះ»។
ប្រមុខរដ្ឋាភិបាល បញ្ជាក់កន្លងមកថា ថវិកា ដែលទទួលបានពីសប្បុរសជននិងមន្ត្រីរាជការ នឹងទុកចំណាយលើការទិញសម្ភារពេទ្យ និងសម្ភារផ្សេងទៀត សម្រាប់ការពារជំងឺកូវីដ១៩ ដូចជាម៉ាស់ និងអាល់កុលលាងដៃជាដើម។ ប្រមុខរដ្ឋាភិបាល ប្រកាសថា ទិញម៉ាស់ដល់ទៅជាង៥លាន រួមទាំងសម្ភារពេទ្យនានា ពីក្រៅប្រទេសនិងក្នុងស្រុក យកមកស្តុបទុក ដោយបង្ហាញជំហររឹងប៉ឹងថា នឹងមិនឲ្យពេទ្យកម្ពុជា ខ្វះខាតសម្ភារឬបរិក្ខារ សម្រាប់ប្រើប្រាស់ក្នុងការប្រយុទ្ធប្រឆាំងនឹងជំងឺកូវីដ-១៩ឡើយ៕
សម្តេចនាយករដ្ឋមន្ត្រី បង្ហាញតួលេខថា គិតត្រឹមថ្ងៃទី១៧ ខែមេសា ថវិកា ដែលទទួលបានពីសប្បុរសជន គឺកើនឡើងដល់ជាង១៣លានដុល្លារហើយ ដោយមិនរាប់បញ្ចូលជំនួយផ្នែកបរិក្ខារផ្សេងៗ ដូចជា ម៉ាស់ អាល់កុល សាប៊ូ និង សម្ភារពេទ្យ ជាដើម ដែលអាចមានតម្លៃដល់ទៅរាប់លានដុល្លារ។ ចំណែក មន្ត្រីរាជការគ្រប់ស្ថាប័ន មានជាង១៤ម៉ឺននាក់ហើយ ដែលស្ម័គ្រចិត្តបរិច្ចាគប្រាក់បៀវត្សទាំងស្រុង ឬ មួយផ្នែក។ ប៉ុន្តែ សម្តេចនាយករដ្ឋមន្ត្រី ពុំបានបញ្ចេញតួលេខថវិកា ដែលទទួលបានពីមន្ត្រីរាជការនោះទេ។
តាមរយៈសារលើទំព័រហ្វេសប៊ុកនាព្រឹកថ្ងៃទី១៧ ខែមេសានេះ ប្រមុខរដ្ឋាភិបាល សរសេរដូច្នេះថា៖« នេះជាចលនាជាតិដ៏ខ្លាំងក្លាមួយរបស់ប្រជាជនកម្ពុជាយើង ក្នុងការប្រយុទ្ធជាមួយជំងឺដ៏កាចសាហាវនេះ ដែលទូលព្រះបង្គំខ្ញុំព្រះករុណាខ្ញុំ សូមថ្លែងអំណរព្រះគុណថ្វាយព្រះមហាក្សត្រ ថ្វាយសម្តេចម៉ែ ប្រគេនព្រះសង្ឃគ្រប់ព្រះអង្គ ជូនជនរួមជាតិ មន្ត្រីរាជការគ្រប់ថ្នាក់ និងកងកម្លាំងប្រដាប់អាវុធគ្រប់ប្រភេទដែលបានចូលរួមក្នុងចលនាជាតិដ៏ធំមួយនេះ»។
ប្រមុខរដ្ឋាភិបាល បញ្ជាក់កន្លងមកថា ថវិកា ដែលទទួលបានពីសប្បុរសជននិងមន្ត្រីរាជការ នឹងទុកចំណាយលើការទិញសម្ភារពេទ្យ និងសម្ភារផ្សេងទៀត សម្រាប់ការពារជំងឺកូវីដ១៩ ដូចជាម៉ាស់ និងអាល់កុលលាងដៃជាដើម។ ប្រមុខរដ្ឋាភិបាល ប្រកាសថា ទិញម៉ាស់ដល់ទៅជាង៥លាន រួមទាំងសម្ភារពេទ្យនានា ពីក្រៅប្រទេសនិងក្នុងស្រុក យកមកស្តុបទុក ដោយបង្ហាញជំហររឹងប៉ឹងថា នឹងមិនឲ្យពេទ្យកម្ពុជា ខ្វះខាតសម្ភារឬបរិក្ខារ សម្រាប់ប្រើប្រាស់ក្នុងការប្រយុទ្ធប្រឆាំងនឹងជំងឺកូវីដ-១៩ឡើយ៕
Tag:
ហ៊ុន សែន
COVID-19
បរិច្ចាគថវិកា
© រក្សាសិទ្ធិដោយ thmeythmey.com
