COVID-19
ជាតិ
កញ្ញា កឹម កែវសុជាតិ គូរគំនូរលក់យកប្រាក់ចំណេញ៨០%ឲ្យទៅក្រុមការងារប្រឆាំងនឹងកូវីដ-១៩ កញ្ញា កឹម កែវសុជាតិ ជាវិចិត្រករគំនូរសហសម័យ
× ភ្នំពេញ៖ កញ្ញា កឹម កែវសុជាតិ វិចិត្រករគំនូរសហសម័យ នឹងបរិច្ចាគប្រាក់៨០ភាគរយ ដែលបានពីការលក់គំនូររបស់ខ្លួន ទៅដល់គណៈកម្មការជាតិប្រយុទ្ធប្រឆាំងនឹងជំងឺកូវីដ-១៩។ វិចិត្រករវ័យ ២៥ឆ្នាំរូបនេះ ជឿជាក់ថា សកម្មភាពរបស់ខ្លួន មិនត្រឹមតែបានរួមចំណែកជួយដល់រាជរដ្ឋាភិបាល ក្នុងការទប់ស្កាត់ការឆ្លងរាលដាលជំងឺកូវីដ-១៩នោះទេ ប៉ុន្តែក៏បានចូលរួមផ្សព្វផ្សាយ ទម្រង់សិល្បៈគំនូរខ្មែរបែបសហសម័យទៅដល់ពលរដ្ឋផងដែរ។
កញ្ញា កឹម កែវសុជាតិ វិចិត្រករគំនូរសហសម័យ នឹងយកប្រាក់ដែលចំណេញ៨០ភាគរយ ពីការលក់រូបគំនូររបស់ខ្លួន បរិច្ចាគទៅដល់គណៈកម្មការជាតិប្រយុទ្ធប្រឆាំងនឹងជំងឺកូវីដ-១៩។ មានវ័យ២៥ឆ្នាំ វិចិត្រកររូបនេះពន្យល់ប្រាប់សារព័ត៌មានថ្មីៗដូច្នេះ៖«ដោយខ្ញុំបានឃើញពីទុក្ខលំបាក ដែលខ្ញុំមិនអាចឈរឱបដៃមើលបាន ជាមួយនឹងបញ្ហាដ៏ធំមួយហ្នឹងបានទេ។ ខ្ញុំនឹងបរិច្ចាគលុយ៨០ភាគរយ ជូនទៅរាជរដ្ឋាភិបាល»។ ខ្ញុំក៏នឹងនៅតែគូរបន្តទៀត រហូតដល់ស្ថានការណ៍ជំងឺបានល្អប្រសើរវិញ។ ខ្ញុំយល់ច្បាស់ ថាបងប្អូនខ្មែរយើងនឹងសហការគ្នា សម្រាប់ជួយសង្រោះ្គ ប្រទេសក្នុងគ្រាមានអាសន្ន»។
កញ្ញា កឹម កែវសុជាតិ ជាវិចិត្រករគំនូរសហសម័យ
បើតាមវិចិត្រករមកពីខេត្តកំពតរូបនេះ តាំងពីខែមករាមក នាងគូរបានគំនូរចំនួន១៥ផ្ទាំងហើយ។ នាង ជឿជាក់ថា សកម្មភាពរបស់ខ្លួន មិនត្រឹមតែបានរួមចំណែកជួយដល់រាជរដ្ឋាភិបាល ក្នុងការទប់ស្កាត់ការឆ្លងរាលដាលជំងឺកូវីដ-១៩នោះទេ ប៉ុន្តែក៏បានចូលរួមផ្សព្វផ្សាយ ទម្រង់សិល្បៈគំនូរខ្មែរបែបសហសម័យទៅដល់ពលរដ្ឋផងដែរ។
វិចិត្រករ កឹម កែវសុជាតិ ពន្យល់ដូច្នេះ៖«ខ្ញុំចង់ឲ្យខ្មែរយើង ជួយគាំទ្រស្នាដៃសិល្បៈរបស់សិល្បករខ្មែរ និងជួយដល់ប្រទេសយើងទាំងមូល ដែលជួបបញ្ហាហ្នឹង។ ខ្ញុំសូមអំពាវនាវដល់ អ្នកមានទ្រព្យធនមួយចំនួន ឲ្យគាត់ជួយគាំទ្រនូវស្នាដៃសិល្បៈគំនូរខ្មែរ។ ស្នាដៃនីមួយៗមិនថ្លៃទេ បើប្រៀបធៀបទៅនឹងទំហំទឹកចិត្តបេះដូង សម្រាប់សប្បុរសធម៌ធំធេងមួយនេះ គឺសម្រាប់មហាគ្រួសារនៃប្រទេសជាតិយើងទាំងមូល»។
ផ្ទាំងគំនូរដែលជាស្នាដៃរបស់វិចិត្រករផ្នែកគំនូរសហសម័យ កញ្ញា កឹម កែវសុជាតិ
គួរកត់សម្គាល់ថា នេះជាសកម្មភាពចូលរួមចំណែកមួយ របស់វិចិត្រករវ័យក្មេងរូបនេះ។ កន្លងៗមក មន្ត្រីរាជការ ប្រជាពលរដ្ឋទូទៅបានបរិច្ចាគធនធាន សម្ភារនានាដល់គណៈកម្មការប្រយុទ្ធប្រឆាំងនឹងជំងឺកូវីដ-១៩នេះ ក៏ដូចជាការបរិច្ចាគក្រោមរូបភាពផ្តល់ស្បៀងអាហារដល់ប្រជាពលរដ្ឋដែលខ្វះខាតដោយផ្ទាល់ ក៏ត្រូវបានធ្វើឡើងផងដែរ៕
ក្រៅពីមាន កញ្ញា កែវសុជាតិ សុខចិត្តបរិច្ចាគលុយផ្ទាល់ខ្លួន ក្នុងគ្រាជួយដល់ការបង្ការជំងឺកូវីដ-១៩ មន្ត្រីគ្រប់ជាន់ថ្នាក់ និងពលរដ្ឋដែលមានទ្រព្យធនជាច្រើនរូបទៀតក៏បាននាំគ្នាកាត់ប្រាក់ខែរបស់ខ្លួនទៅឲ្យរាជរដ្ឋាភិបាលក្នុងការប្រឆាំងនឹងជំងឺកូវីដ-១៩ ហើយក៏មានពលរដ្ឋមួយចំនួនបានរៃអង្គាសថវិកា និងចំណាយថវិការបស់ខ្លួន សម្រាប់ទិញស្បៀងអាហារ ម៉ាស់ និងទឹកលាងដៃសម្រាប់ចែកជូនដល់ពលរដ្ឋដែលខ្វះខាតផងដែរ៕
ផ្ទាំងគំនូរដែលជាស្នាដៃរបស់វិចិត្រករផ្នែកគំនូរសហសម័យ កញ្ញា កឹម កែវសុជាតិ
ផ្ទាំងគំនូរដែលជាស្នាដៃរបស់វិចិត្រករផ្នែកគំនូរសហសម័យ កញ្ញា កឹម កែវសុជាតិ
Tag:
វិចិត្រករ
កឹម កែវសុជាតិ
កូវីដ-១៩
© រក្សាសិទ្ធិដោយ thmeythmey.com