COVID-19
អន្តរជាតិ
តួកគី ក្លាយជាប្រទេសមានករណី COVID-19 ច្រើនបន្ទាប់ពីអាមេរិក និងអឺរ៉ុប
អ្នកជំនាញ កំពុងបាញ់ថ្នាំសម្រាប់មេរោគ និងវីរុស។ រូបភាព៖ Reuters
×![]()
ដោយ: ធៀន ភារិន្ទ
គិតត្រឹមថ្ងៃទី១៩ ខែមេសា តួកគី ក្លាយជាប្រទេសមានករណី COVID-19 ច្រើនជាងគេនៅក្រៅទ្វីបអឺរ៉ុប និងអាមេរិក ក្រោយរកឃើញករណីឆ្លងថ្មីកាន់តែច្រើន។
បើតាមតួលេខរបស់វេបសាយWorldometer តួកគី មានករណី COVID-19 សរុបចំនួន ៨៦៣០៦ករណី។ ក្នុងនោះអ្នកស្លាប់ មានចំនួន ២០១៧ ករណី និងអ្នកជាសះស្បើយមានចំនួន ១១៩៧៩ករណី។ តួលេខដ៏ច្រើននេះ នាំឲ្យតួកគីក្លាយជាប្រទេសមានករណី COVID-19 ច្រើន បន្ទាប់ពីអាមេរិក និងបណ្តាប្រទេសអឺរ៉ុបមួយចំនួនដូចជា អេស្ប៉ាញ អ៊ីតាលី បារាំង អាល្លឺម៉ង់ និងអង់គ្លេស។
មួយរយៈចុងក្រោយនេះ តួកគី បានរកឃើញ COVID-19 ច្រើនលើសពី ៣ពាន់ករណីក្នុងមួយថ្ងៃ ពោលគឺចាប់តាំងពីថ្ងៃទី៤ ខែមេសាមកម្លេះ ហើយតួលេខឆ្លងប្រចាំថ្ងៃដែកតួកគីរកឃើញខ្ពស់ជាងគេ មានចំនួនជាង ៥ពាន់ករណី នៅថ្ងៃទី១១ ខែមេសា។
កន្លងមក តួកគី បានចាត់វិធានការមួយចំនួន ដើម្បីទប់ស្កាត់ជំងឺរលាកសួតប្រភេទថ្មីនេះក្នុងនោះដូចជា ការរឹតត្បិតការធ្វើដំណើរក្នុងម៉ោងកំណត់ ហាមឃាត់ប្រជាជនឆ្លងកាត់ពីទីក្រុងមួយទៅទីក្រុងមួយទៀត ហាមមិនឲ្យរថយន្តចូលទីក្រុង បិទជើងហោះហើរអន្តរជាតិ បិទសាលារៀន បិទព្រះវិហារមួយរយៈ និងវិធានការផ្សេងទៀតជាដើម៕
Tag:
តួកគី
COVID-19
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
