COVID-19
អន្តរជាតិ
COVID-19៖ ឥណ្ឌូណេស៊ីហាមការធ្វើដំណើរក្នុងពិធីបុណ្យរ៉ាម៉ាដន ដើម្បីគ្រប់គ្រងការឆ្លងជំងឺ
×![]()
ឥណ្ឌូណេស៊ីនឹងហាមឃាត់មិនឲ្យប្រជាជនចាកចេញពីទីក្រុងដូចទម្លាប់រាល់ឆ្នាំ នៅពេលចប់ពិធីបុណ្យតមអាហាររ៉ាម៉ាដន នាខែឧសភានេះ ខណៈប្រទេសអាស៊ីអាគ្នេយ៍មួយនេះ កំពុងទប់ស្កាត់ការរីករាលដាលនៃជំងឺឆ្លង COVID-19 ។ លោក ចូកូ វីដូដូ ប្រធានាធិបតីឥណ្ឌូណេស៊ី និយាយបែបននេះនៅថ្ងៃទី២១ ខែមេសា។ 
«ខ្ញុំសម្រេចចិត្តហាមមិនឲ្យការធ្វើដំណើរ។ដូច្នេះការរៀបចំចាំបាច់ត្រូវធ្វើឲ្យរួចរាល់»។ លោក ចូកូ វីដូដូ បញ្ជាក់ដូចនេះក្នុងកិច្ចប្រជុំគណៈរដ្ឋមន្ត្រី ដោយយោងតាមការស្ទង់មតិរបស់ក្រសួងដឹងជញ្ជូនដែលបង្ហាញថា ប្រជាជន២៤ភាគរយក្នុងចំណោមប្រជាជន ២៦០លាននាក់ ជម្នះចង់ត្រឡប់ទៅស្រុកក្រោយចប់ពិធីបុណ្យរ៉ាម៉ាដន។
កាលពីឆ្នាំមុន ប្រជាជនឥណ្ឌូណេស៊ី ១៩,៥លាននាក់បានត្រឡប់ទៅស្រុកកំណើតក្នុងពិធីបុណ្យសាសនាដ៏ធំមួយនេះ។ នេះបើតាមការផ្សាយរបស់ ទីភ្នាក់ងារព័ត៍មាន Reuters។
ឥណ្ឌូណេស៊ីមានដែលជាប្រទេសមានប្រជាជនច្រើនបំផុតលំដាប់ទី៤ មានអ្នកស្លាប់ចំនួន៦១៦ ករណីដែលជាចំនួនច្រើនបំផុតបន្ទាប់ពីចិន នៅក្នុងតំបន់អាស៊ីខាងកើត និងឆ្លងចំនួន៧,១៣៥ករណីដែលជាចំនួនច្រើនបំផុតបន្ទាប់ពីសិង្ហបុរី។
យ៉ាងណាមិញ តាំងតែពីដើមមក លោកប្រធានាធិបតី វីដូដូ ធ្លាប់បានជម្នះមិនចង់បិទប្រទេស ដោយព្យាយាមបញ្ចុះបញ្ចូលប្រជាជនឲ្យនៅមួយកន្លែងវិញ។ អ្នកជំនាញសុខាភិបាលបានព្រមានថា ការអនុញ្ញាតឲ្យប្រជាជនរាប់លាននាក់ត្រឡប់ទៅភូមិកំណើតក្រោយបុណ្យរ៉ាម៉ាដាន អាចនឹងពន្លឿនការឆ្លងជំងឺ COVID-19 មិនខាន។
អ្នកស្រាវជ្រាវរបស់មហាវិទ្យាល័យសុខភាពសាធារណៈ នៃសាកលវិទ្យាល័យហ្សាការតាបានព្រមានដែរថា បើសិនជាគេអនុញ្ញាតឲ្យមនុស្សចាកចេញត្រឡប់ទៅផ្ទះ ចំនួនអ្នកឆ្លង COVID-19 នៅក្នុងខែកក្កដា អាចមានដល់១លានករណីនៅក្នុងកោះជ្វា ដែលរួមបញ្ចូលទីក្រុងហ្សាការតាផងដែរ ហើយក្នុងករណីដែលមិនមានការចេញធ្វើដំណើរទេ ចំនួនអ្នកឆ្ល អាចកាត់បន្ថយដល់ទៅ៧សែន៥ម៉ឺនករណីឯណោះ៕
© រក្សាសិទ្ធិដោយ thmeythmey.com
