ជាតិ
លោកស្រី ឡោក ខេង៖ មិនត្រូវយកតួនាទីមកសប្បាយរីករាយនឹងមុខមាត់ ខ្លាំងជាងកាតព្វកិច្ចទេ
លោកស្រី ឡោក ខេង តំណាងរាស្រ្តមណ្ឌលរាជធានីភ្នំពេញនិងជាប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្ដុះបណ្ដាលវិជ្ជាជីវៈ និងកិច្ចការនារី នាអាណ្តិទី៦
×![]()
ភ្នំពេញ៖ តួនាទី គឺជាកាតព្វកិច្ចសំខាន់ ដែលត្រូវយកមកប្រើប្រាស់ឱ្យបានត្រឹមត្រូវ និងមានប្រសិទ្ធភាព ដើម្បីបម្រើផលប្រយោជន៍ដល់ជាតិ។ នេះជាការលើកឡើងរបស់លោកស្រី ឡោក ខេង តំណាងរាស្ត្រមណ្ឌលរាជធានីភ្នំពេញ នៅក្នុងកិច្ចសម្ភាសជាមួយសារព័ត៌មានថ្មីៗ។
ជាមនុស្សឱ្យតម្លៃលើការងារ លោកស្រី ឡោក ខេង បានបញ្ជាក់ថា ការទទួលបានតួនាទីហើយ ត្រូវយកមកប្រើប្រាស់ឱ្យចំគោលដៅ ដើម្បីផ្ដល់ប្រយោជន៍ដល់ប្រជាជន និងសង្គមជាតិ ស្របតាមការទុកចិត្តរបស់ថ្នាក់ដឹកនាំ ។ ជាពិសេសមិនត្រូវងប់ងល់នឹងតួនាទី ឬអំណាចឡើយ។
សូមស្ដាប់ប្រសាសន៍លោកស្រី ឡោក ខេង តំណាងរាស្ត្រមណ្ឌលរាជធានីភ្នំពេញ៖
ជាតំណាងរាស្ត្រ និងជាប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្ដុះបណ្ដាលវិជ្ជាជីវៈ និងកិច្ចការនារី អ្នកនយោបាយស្ត្រីរូបនេះ បាននិយាយដូច្នេះថា៖«ខ្ញុំតែងតែគិតថាតួនាទី គឺជាកាតព្វកិច្ច មិនមែនតួនាទីជាការសប្បាយរីករាយ នឹងមុខមាត់ កិត្តិយសខ្លាំងជាងកាតព្វកិច្ចទេ ហើយការទទួលខុសត្រូវកាន់តែខ្ពស់ថែមទៀត»។
លោកស្រី ឡោក ខេង ដែលកំពុងដឹកនាំក្រុមការងារនៃគណៈកម្មការជំនាញទី៨ រដ្ឋសភា នាអាណត្តិទី៦ នេះ បានដាក់ទិសដៅដោះស្រាយបញ្ហាសុខាភិបាល ដោយផ្ដោតទៅលើជំងឺមិនឆ្លងដូចជាជំងឺទឹកនោមផ្អែម មហារីក និងលើសឈាមជាដើម រួមទាំងកិច្ចការលើកកម្ពស់ស្ត្រីវ័យក្មេងឱ្យក្លាយជាមេដឹកនាំនៅថ្ងៃអនាគតផងដែរ៕
Tag:
ឡោក ខេង
នយោបាយ
© រក្សាសិទ្ធិដោយ thmeythmey.com
