ជាតិ
សង្គមជាតិ
កម្ពុជា នឹងមិនផ្តល់ទិដ្ឋាការបន្តស្នាក់នៅ ដល់បរទេសណា ដែលគ្មានឈ្មោះក្នុងប្រព័ន្ធគ្រប់គ្រង នគរបាលអន្តោប្រវេសន៍ខេត្តសៀមរាប ចុះផ្សព្វផ្សាយការប្រើប្រាស់ប្រព័ន្ធ FPCS តាមទីលំនៅដ្ឋាននានា កាលពីថ្ងៃទី២៨ ខែមេសា ឆ្នាំ២០២០
× ចាប់ពីថ្ងៃទី១ ខែកក្កដា ឆ្នាំ២០២០ទៅ ជនបរទេស ដែលគ្មានឈ្មោះក្នុងប្រព័ន្ធគ្រប់គ្រងវត្តមានជនបរទេសក្នុងប្រទេសកម្ពុជា (FPCS) នឹងមិនទទួលបានទិដ្ឋាការបន្តរយៈពេល ស្នាក់នៅក្នុងប្រទេសកម្ពុជាឡើយ។ នេះបើតាមសេចក្តីជូនដំណឹងរបស់ អគ្គនាយកដ្ឋានអន្តោប្រវេសន៍ ជម្រាបទៅកាន់អគ្គស្នងការរងនគរបាលជាតិ និងគ្រប់ស្នងការរាជធានី-ខេត្ត។
តាមរយៈសេចក្តីជូនដំណឹង នៅថ្ងៃទី២៧ ខែមេសា ឆ្នាំ២០២០ អគ្គនាយកអន្តោប្រវេសន៍ ស្នើឲ្យស្នងការរាជធានី-ខេត្តទាំងអស់ បន្តផ្សព្វផ្សាយគោលការណ៍នេះ ទៅកាន់ម្ចាស់ ឬអ្នកកាន់កាប់លំនៅដ្ឋានគ្រប់ប្រភេទ ឲ្យរាយការណ៍ពីវត្តមានជនបរទេស ដែលស្នាក់នៅក្នុងលំនៅដ្ឋានរបស់ខ្លួន ទៅក្នុងប្រព័ន្ធគ្រប់គ្រងវត្តមានជនបរទេសក្នុងប្រទេសកម្ពុជា ដើម្បីពួកគេ ទទួលបានការអនុវត្តឲ្យបន្តរយៈពេលស្នាក់នៅ។
លោក អះអាងថា ការចេញគោលការណ៍នេះ គឺដើម្បីជំរុញការអនុវត្តឲ្យមានប្រសិទ្ធភាព លើសេចក្តីណែនាំរបស់ក្រសួងមហាផ្ទៃ ស្តីពីការគ្រប់គ្រងវត្តមានជនបរទេសក្នុងប្រទេសកម្ពុជា៕
© រក្សាសិទ្ធិដោយ thmeythmey.com