COVID-19
ជាតិ
Covid-19៖កម្ពុជារកមិនឃើញករណីថ្មី១៧ថ្ងៃជាប់គ្នា
× ភ្នំពេញ៖ គិតត្រឹមថ្ងៃទី២៩ ខែមេសានេះ កម្ពុជាមិនមានរកឃើញករណីថ្មីនៃកូវីដ-១៩ រយៈពេល១៧ថ្ងៃជាប់គ្នា ហើយក៏មិនទាន់មានអ្នកសះស្បើយបន្ថែមទៀតដែរ។ អ្នកសះស្បើយសរុប ១១៩នាក់ ក្នុងចំណោមអ្នកផ្ទុកកូវីដ-១៩សរុប ១២២នាក់ ពោលគឺអ្នកជំងឺនៅសល់៣នាក់ទៀត។
ក្រសួងសុខាភិបាលបានប្រកាសនៅថ្ងៃទី២៩ ខែមេសានេះ ថា គ្មានករណីថ្មីនៃជំងឺកូវីដ-១៩ ត្រូវបានរកឃើញនោះទេ ហើយក៏មិនទាន់មានអ្នកសះស្បើយបន្ថែមទៀតដែរ។ គិតត្រឹមថ្ងៃទី២៩ ខែមេសានេះ កកម្ពុជាមិនមានរកឃើញករណីថ្មីនៃកូវីដ-១៩ រយៈពេល១៩ថ្ងៃជាប់គ្នាហើយ។ យ៉ាងណាក៏ដោយ មន្ត្រីជាន់ខ្ពស់សុខាភិបាល រួមទាំងអ្នកជំនាញអង្គការសុខភាពពិភពលោក នៅតែព្រមានពីភាពស្រួចស្រាល់នៃជំងឺនេះនៅកម្ពុជា ហើយទទួចឲ្យពលរដ្ឋអនុវត្តវិធានអនាម័យឲ្យបានខ្ជាប់ខ្ជួន និងការរក្សាគម្លាតសុវត្ថិភាពឲ្យត្រឹមត្រូវតាមការណែនាំ។
អ្នកជំងឺដែលបានជាសះស្បើយមានសរុប១១៩នាក់ ក្នុងចំណោមអ្នកផ្ទុក១២២នាក់ ពោលនៅសល់អ្នកជំងឺតែ៣នាក់ទៀតប៉ុណ្ណោះ។ អ្នកសះស្បើយទាំង១១៩នាក់ រួមមាន ស្រី៣៧នាក់ និងប្រុស៨២នាក់ ក្នុងនោះជនជាតិចិនចំនួន៣នាក់,អង់គ្លេស ៥នាក់,អាមេរិកាំង២នាក់,បែលហ្សិក១នាក់,បារាំង៤០នាក់,ម៉ាឡេស៊ី១៣នាក់,កាណាដា២នាក់,វៀតណាម៣នាក់,ឥណ្ឌូណេស៊ី២នាក់ និងជនជាតិខ្មែរ ៤៨នាក់៕
© រក្សាសិទ្ធិដោយ thmeythmey.com