COVID-19
អន្តរជាតិ
បន្ទាប់ពីសះស្បើយ COVID-19 នាយករដ្ឋមន្ត្រីអង់គ្លេស ទទួលចំណងដៃកូនប្រុសម្នាក់ពីគូដណ្តឹង
លោកបូរីស ចនសុន នាយករដ្ឋមន្រ្តីអង់គ្លេស (ខាងស្តាំ) និងគូដណ្តឹង។ រូបភាព៖ Getty Image
×![]()
ដោយ: ធៀន ភារិន្ទ
នាយករដ្ឋមន្ត្រីអង់គ្លេស បូរីស ចនសុន នាថ្ងៃទី២៩ ខែមេសា បានប្រកាសថា គូដណ្តឹងរបស់លោកបានផ្តល់កំណើតដល់កូនប្រុសម្នាក់ ដែលមានសុខភាពយ៉ាងល្អ។ ដំណឹងល្អនេះ កើតឡើងបន្ទាប់ពីលោកនាយករដ្ឋមន្ត្រីទើបតែជាសះស្បើយពីជំងឺរលាកសួត ដែលបង្កដោយកូរ៉ូណាវីរុស (COVID-19)។
តាមការអះអាងរបស់អ្នកនាំពាក្យនាយករដ្ឋមន្ត្រីអង់គ្លេស បានបញ្ជាក់ថា លោកនាយករដ្ឋមន្ត្រី និងគូដណ្តឹង បានផ្តល់កំណើតឲ្យទារកម្នាក់ ដែលមានសុខភាពយ៉ាងល្អ។ ក្មេងប្រុសនេះ បានប្រសូតចេញពីផ្ទៃម្តាយ នាមន្ទីរពេទ្យទីក្រុងឡុងដ៍ នៅវេលាព្រឹកថ្ងៃទី២៩ ខែមេសា។ ចំណែកម្តាយទារកវិញ ពេលនេះ ក៏មានសុខភាពល្អដែរ។
នេះ គឺជារឿងដ៏ល្អមួយសម្រាប់លោកនាយករដ្ឋមន្ត្រីអង់គ្លេស បន្ទាប់ពីជាសះស្បើយ COVID-19។ ទាក់ទងនឹងរឿងនេះ លោកនាយករដ្ឋមន្ត្រីបានទទួលការអបអរសាទរពីមនុស្សជាច្រើន ជាពិសេសមេដឹកនាំគណបក្សពលករដែលជាបក្សប្រឆាំង លោក Keir Starmer ដោយលើកឡើងថាគឺជា«ព័ត៌មានដ៏អស្ចារ្យ» ៕
Tag:
អង់គ្លេស
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
