COVID-19
ជាតិ
កម្ពុជា គ្មានករណីថ្មីនៃCovid-19 ចំនួន១៨ថ្ងៃជាប់គ្នា
× ភ្នំពេញ៖ កម្ពុជាមិនមានរកឃើញករណីថ្មីនៃកូវីដ-១៩ រយៈពេល១៨ថ្ងៃជាប់គ្នា ខណៈមានអ្នកជំងឺតែ៣នាក់ទៀតប៉ុណ្ណោះ គិតត្រឹមថ្ងៃទី៣០ ខែមេសានេះ។ អ្នកសះស្បើយសរុប ១១៩នាក់ ក្នុងចំណោមអ្នកផ្ទុកកូវីដ-១៩សរុប ១២២នាក់ ពោលគឺអ្នកជំងឺនៅសល់៣នាក់ទៀត។
ក្រសួងសុខាភិបាលនៅថ្ងៃទី៣០ខែមេសានេះ បានប្រកាសថាគ្មានករណីថ្មីនៃជំងឺកូវីដ-១៩ ត្រូវបានរកឃើញនោះទេ ហើយក៏មិនទាន់មានអ្នកសះស្បើយបន្ថែមដែរ។ គិតត្រឹមថ្ងៃទី៣០មេសានេះ កម្ពុជាគ្មានករណីថ្មីនៃកូវីដ-១៩ រយៈពេល១៨ថ្ងៃជាប់គ្នាហើយ។
អ្នកជំងឺដែលបានជាសះស្បើយមានសរុប១១៩នាក់ ក្នុងចំណោមអ្នកផ្ទុក១២២នាក់ ពោលគឺសល់អ្នកជំងឺតែ៣នាក់ទៀតប៉ុណ្ណោះ។ អ្នកសះស្បើយទាំង១១៩នាក់ រួមមានស្រី៣៧នាក់ និងប្រុស៨២នាក់ ក្នុងនោះជនជាតិចិនចំនួន៣នាក់,អង់គ្លេស ៥នាក់,អាមេរិកាំង២នាក់,បែលហ្សិក១នាក់,បារាំង៤០នាក់,ម៉ាឡេស៊ី១៣នាក់,កាណាដា២នាក់,វៀតណាម៣នាក់,ឥណ្ឌូណេស៊ី២នាក់ និងជនជាតិខ្មែរ ៤៨នាក់៕
© រក្សាសិទ្ធិដោយ thmeythmey.com