COVID-19
កីឡាអន្តរជាតិ
អន្តរជាតិ
FIFA នឹងឲ្យសហព័ន្ធកីឡាបាល់ទាត់កម្ពុជា ៥សែនដុល្លារ ដោះស្រាយវិបត្តិ COVID-19
×![]()
ដោយ: ទេព ពិទូរ្យ
FIFA ប្រកាសថា ខ្លួននឹងចែកចាយថវិកាប្រមាណ ១៥០ លានដុល្លារអាមេរិកទៅកាន់សមាជិកសហព័ន្ធកីឡាបាល់ទាត់ ដើម្បីដោះស្រាយបញ្ហាហិរញ្ញវត្ថុដែលបង្កដោយជំងឺ COVID-19។ ក្នុងចំណោមប្រាក់ទាំងនេះ សហព័ន្ធកីឡាបាល់ទាត់កម្ពុជា (FFC) ក៏នឹងទទួលបានមួយចំណែកផងដែរពី FIFA។
លោក Gianni Infantino ប្រធានសហព័ន្ធកីឡាបាល់ទាត់ (FIFA) កាលពីសប្តាហ៍មុនបានអះអាងថា FIFA មានកាតព្វកិច្ចក្នុងការចែករំលែក និងគាំទ្រដល់សមាជិកដែលកំពុងប្រឈមមុខនឹងវិបត្តិ អំឡុងពេលជំងឺឆ្លងកំពុងរាតត្បាត។ ដូច្នេះដើម្បីស្រោចស្រង់វិស័យកីឡាបាល់ទាត់នៅលើពិភពលោក FIFA នឹងផ្តល់ជំនួយជាទឹកប្រាក់ដល់សហព័ន្ធជាសមាជិកទាំងអស់។
«FIFA នឹងបញ្ចេញមូលនិធិប្រតិបត្តិការដំណាក់កាលដំបូងទៅកាន់សហព័ន្ធជាសមាជិកនៅជុំវិញពិភពលោកសម្រាប់ឆ្នាំ ២០១៩ និង ២០២០ ដែលជាការផ្តល់ជំនួយសង្គ្រោះដល់ពួកគេ ដើម្បីដោះស្រាយវិបត្តិ COVID-19»។ នេះជាសំណេរក្នុងសេចក្តីថ្លែងការណ៍មួយរបស់ FIFA ដែលមានបង្ហោះលើវេបសាយផ្លូវការកាលពីថ្ងៃទី២២ ខែមេសា។
ស្ថាប័នគ្រប់គ្រងកីឡាបាល់ទាត់ពិភពលោកមួយនេះបង្ហាញថាមូលនិធិប្រតិបត្តិការសម្រាប់ឆ្នាំ ២០១៩ និង ២០២០ នឹងត្រូវបង់ទៅឲ្យស្ថាប័នកីឡាបាល់ទាត់ជាតិដែលស្ថិតក្រោមការគ្រប់គ្រងរបស់ខ្លួនចំនួន២១១ នៅទូទាំងពិភពលោក។ សមាជិកនីមួយៗនឹងទទួលបាន ៥០០០០០ ដុល្លារអាមេរិកឆាប់ៗនេះសម្រាប់ដំណាក់កាលដំបូង ហើយដំណាក់កាលទីពីរនឹងផ្តល់ឲ្យបន្ថែមទៀងនៅខែកក្កដា។
សហព័ន្ធកីឡាបាល់ទាត់កម្ពុជា (FFC) ដែលជាសមាជិករបស់ FIFA ដែរនោះ ក៏នឹងទទួលបានជំនួយ៥សែនដុល្លារនេះផងដែរ ដើម្បីយកមកដោះស្រាយបញ្ហាផ្សេងៗក្នុងសហព័ន្ធអំឡុងពេលវិបត្តិ COVID-19 នេះ៕
Tag:
FIFA
FFC
COVID-19
© រក្សាសិទ្ធិដោយ thmeythmey.com
