COVID-19
អន្តរជាតិ
សិស្សនៅខេត្ត Hangzhou ចិន ត្រូវបានតម្រូវឲ្យពាក់មួកគម្លាតសុវត្ថិភាព
× ខណៈដែលចិនអះអាងពីការគ្រប់ស្ថានភាពរាលដាល COVID-19 បានជោគជ័យ សាលាជាច្រើននៅទូទាំងប្រទេសបានដំណើរការឡើងវិញ។ នៅខេត្ត Hangzhou សិស្សក្មេងៗនៅតាមសាលាបឋមសិក្សា ត្រូវបានតម្រូវឲ្យពាក់មួកពិសេសក្នុងថ្នាក់រៀនដើម្បីរក្សាគម្លាតសុវត្ថិភាព ពីម្នាក់ទៅម្នាក់។
យោងតាមការផ្សាយរបស់ South China Morning Post មួកគម្លាតសុវត្ថិភាពទាំងនោះ ត្រូវរចនាប្លែកៗ ដោយសិស្ស និងអាណាព្យាបាលរបស់ពួកគេផ្ទាល់ ដោយអ្នកខ្លះច្នៃពីក្រដាសកាតុង ប៉េងប៉ោង និងសម្ភារផ្សេងទៀត ក្នុងគម្លាតជាង១ម៉ែត្រពីគ្នា។
«តាមពិតទៅ មួកនេះ គឺរចនាតាមមន្ត្រីក្នុងរាជវង្សសុខ ចន្លោះពីឆ្នាំ៩៦០ ដល់ឆ្នាំ១២៧៩ ដោយអធិរាជ Taizu តម្រូវឲ្យមន្ត្រីពាក់ ដើម្បីជៀសវាងការខ្សឹបខ្សៀវដាក់គ្នាទៅវិញទៅមកនៅក្នុងអង្គជំនុំ ឬសវនាការផ្សេងៗ»។ នេះបើតាមការបកស្រាយរបស់លោក Tsui Likhang ប្រវត្តិវិទូរនៅសាកលវិទ្យាល័យ City University of Hong Kong៕
© រក្សាសិទ្ធិដោយ thmeythmey.com