អេមីរ៉ាតអារ៉ាប់រួមអនុញ្ញាតឲ្យមនុស្សលើស៣នាក់ជិះក្នុងរថយន្ត បើពួកគេជាគ្រួសារតែមួយ

រថយន្ត

អន្តរជាតិ

04, May 2020 , 8:59 pm

រូបភាព

អ្នកនាំពាក្យប៉ូលិសក្រុងអាប៊ូដាប៊ី បានអះអាងថាប្រាប់សារព័ត៌មាន Gulf News ថា រដ្ឋាភិបាលសម្រេចបានលក្ខខណ្ឌអនុគ្រោះពិសេសសម្រាប់សមាជិកគ្រួសារតែមួយ (First-degree relatives) អាចជិះក្នុងរថយន្តជាមួយចំនួនចាប់ពី៣នាក់ឡើង។

សមាជិកក្នុងគ្រួសារតែមួយដែលមានឪពុក ម្តាយ និងកូនៗ នឹងមិនមានបញ្ហានោះឡើយ នៅពេលពួកគេជិះរថយន្តតែមួយក្នុងចំនួនចាប់ពី៣នាក់ឡើងទៅ។ នេះជាការបញ្ជាក់របស់លោក Saif Ziri Al Shamsi អ្នកនាំពាក្យប៉ូលិសក្រុងអាប៊ូដាប៊ី។

លោកបានអះអាងយ៉ាងដូច្នេះ ប្រាប់ Gulf News ក្រោយពីក្រសួងមហាផ្ទៃ និងអាជ្ញាធរជាតិគ្រប់គ្រងគ្រោះអាសន្ន និងមហន្តរាយ កាលពីថ្ងៃទី២៣ ខែមីនា បានចេញមម្រាមជុំវិញការជិះរថយន្តឈ្នួល តាក់ស៊ី ឬរថយន្តឯកជនដែលមានចំនួនលើស៣នាក់។ វិធានការនេះ ជាផ្នែកមួយនៃយុទ្ធនាការទប់ស្កាត់ការរាលដាល COVID-19។

លោក Saif Ziri Al Shamsi បានអះអាងថា៖ «យើងអនុវត្តវិធានការនេះ ទូទាំងប្រទេស ហើយករណីនីមួយៗអាចប្រែប្រួលទៅតាមទិដ្ឋភាពជាក់ស្តែង។

អាជ្ញាធរអេមីរ៉ាតអារ៉ាប់រួម បានអំពាវនាវដល់ពលរដ្ឋខ្លួន ក៏ដូចជាជនបរទេស និងទេសចរ ឲ្យគោរពតាមការណែនាំរបស់រដ្ឋាភិបាល ជាពិសេសក្រសួងសុខាភិបាល ដើម្បីទប់ស្កាត់ការរាលដាល COVID-19។ ក្នុងករណីរថយន្តមួយមានអ្នកជិះលើសពី៣នាក់ ហើយមិនស្ថិតក្នុងគ្រួសារតែមួយ ម្ចាស់រថយន្តនឹងរងពិន័យជាទឹកប្រាក់ជាង២៧០ដុល្លារអាមេរិក៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

7 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

2 ថ្ងៃ

អត្ថបទពេញនិយមបន្ថែម