Team Lakay ជាមួយសមាជិកសភាចែកអាហារដល់ជនក្រីក្រ អំឡុង COVID-19

ONE Championship

កីឡាជាតិ

ជាតិ

Team Lakay ជាមួយសមាជិកសភាចែកអាហារដល់ជនក្រីក្រ អំឡុង COVID-19

05, May 2020 , 1:29 am

រូបភាព

អត្ថបទ៖ ស៊ីធី

ក្រុមការងារមកពីក្លិបប្រដាល់ Team Lakay មិនត្រឹមតែជាវីរបុរសនៅលើសង្វៀនប៉ុណ្ណោះទេ ប៉ុន្តែថែមទាំងដើរតួជាវីរបុរសនៅក្រៅទីលានអំឡុងពេលមេរោគ COVID-19 កំពុងរាតត្បាតពិភពលោក។ ក្លិបមកពីក្រុង Baguio នៃប្រទេសហ្វីលីពីនបានចាប់ដៃគូជាមួយ ACT-CIS Partylist ជួយមនុស្សចាស់ៗក្រីក្រ និងអ្នកមិនសូវធូរធារនៅតំបន់ Benguet ជាទីដែល COVID-19 កំពុងតែវាយលុកនៅតំបន់នោះ។

គ្រូបង្វឹក Mark Sangiao ម្ចាស់ខ្សែក្រវាត់ ONE Strawweight World Champion កីឡាករ Joshua “The Passion” Pacio, អតីតម្ចាស់ខ្សែក្រវាត់ ONE World Champions កីឡាករ Eduard “Landslide” Folayang, Kevin “The Silencer” Belingon, និង Geje “Gravity” Eustaquio សុទ្ធតែស្ថិតក្នុងក្រុមក្នុងការចុះជួយនៅសហគមន៍នេះកាលថ្ងៃទី១៧ មេសា កន្លងទៅ។ គម្រោងចុះជួយជនក្រីក្រ និងអ្នកខ្វះខាតនេះមានឈ្មោះថា Mobile Tulong (Mobile Assistance) ឬ ហៅថាគម្រោងចុះជួយចល័ត។

វីដេអូ

View this post on Instagram

As covid 19 sweeps across the world our main roles are to uplift, build, pray and championing each other. At the end of the day all we have is each other too. We are so grateful to be instruments of help to our susceptible senior citizens through the support/aid of Benguet caretaker @congericgoyap #TogetherWeAreStronger #TeamLakay #WhereChampionsofLife #WehealasONE #martialarts “I know who I have believed and am persuaded that he will guard what I have entrusted to him till the end” (2 Timothy 1:12),

A post shared by Eduard Landslide Folayang (@the.landslide) on Apr 17, 2020 at 4:13am PDT

ក្រុមខាងលើបានវេចខ្ចប់បន្លែ ផ្លែឈើ និង អង្ករ ដើម្បីចែកទៅតាមតម្រូវការដល់មិត្តរួមជាតិ ដែលកំពុងជួបវិបត្តិកូវីដ-១៩។ Sangiao បានថ្លែងថា៖«វាជាជោគជ័យមួយ។ យើងអាចចែកគ្រឿងឧបភោគបរិភោគដែលជាតម្រូវការចាំបាច់នៅតំបន់ Benguet ជាមួយសមាជិកសភា Eric Go Yap របស់បក្ស ACT-CIS Partylist។ យើងគិតថាសមាជិកខ្លះនៃសហគមន៍របស់យើងជួបការលំបាកនិងតស៊ូជីវិតខ្លាំង ដូច្នេះក្រុមការងារ Team Lakay ដែលមានជីវភាពប្រសើរក៏បានចូលរួមចែករំលែកក្នុងគម្រោងនេះ។ នេះជាការផ្ដួចផ្ដើមដ៏ល្អសម្រាប់គម្រោង Mobile Tulong»។

Folayang ក៏បានសម្ដែងសមានចិត្តដល់ជនរួមជាតិដែលជួបការលំបាក ហើយវាជាការចែករំលែកដ៏សំខាន់ក្នុងទង្វើល្អនេះក្រៅពីឡើងប្រកួតនៅលើសង្វៀន។ អតីតម្ចាស់ខ្សែក្រវាត់ពិភពលោកបានរៀបរាប់ដូច្នេះ ៖«COVID-19 បានរាលដាលជុំវិញពិភពលោក។ គោលបំណងរបស់យើងគឺជួយ កសាងទំនុកចិត្ត បន់ស្រន់ និង យកឈ្នះជំងឺនេះជាមួយគ្នា។ ការជួយគ្នា គឺយើងនៅជាមួយគ្នា។ យើងសូមអរគុណដល់គ្រឿងបរិភោគសម្រាប់ជួយក្នុងឱកាសដ៏លំបាកនេះចំពោះចាស់ៗ និង អ្នកក្រនៅតំបន់ Benguet »។

មិនថានៅពិភពលោក ប្រទេសហ្វីលីពីនក៏បានរកឃើញករណីកើនឡើង COVID-19 ជាបន្តបន្ទាប់ដែរ។ យ៉ាងណាក្ដីលោក Sangiao ទទូចឲ្យមានការជួយគ្នា ផ្ដោតលើភាពវិជ្ជមាន និង ជួយជ្រោមជ្រែងគ្នា។ លោកគូបញ្ជាក់បែបនេះ ៖«យើងត្រូវតែខ្លាំងក្លាក្នុងនាមមនុស្សជាតិ យើងរក្សាជំនឿ និង គិតវិជ្ជមាន។ វាគឺជាការប្រកួតប្រជែងនឹងបញ្ហា»។

លោកសង្កត់ធ្ងន់ទៀតថា ៖«សូមមេត្តាថែរក្សាខ្លួន រក្សាសុខភាពឲ្យល្អ និង ជួយគ្នាទៅវិញទៅមកក្នុងកាលៈទេសៈនេះ។ សូមឲ្យព្រះជាម្ចាស់មើលថែ និងនាំផ្លូវឲ្យសុខសប្បាយទាំងអស់គ្នា»៕