COVID-19
អន្តរជាតិ
COVID-19៖ អេស្ប៉ាញបន្តដាក់ប្រទេសក្នុងស្ថានភាពអាសន្នដល់ថ្ងៃទី២៣ ឧសភា
លោក ប៉េត្រូ សាន់ឆេស នាយករដ្ឋមន្ត្រីអេស៉្បាញ-រូបភាពAFP
×![]()
សភាអេស្ប៉ាញ នៅថ្ងៃទី៦ ខែឧសភា បានបោះឆ្នោតសម្រេចបន្តដាក់ប្រទេសក្នុងស្ថានភាពអាសន្នរយៈពេល២សប្តាហ៍ ទៀតដោយអនុញ្ញាតឲ្យអាជ្ញាធរបន្តអនុវត្តវិធានការរឹតបន្តឹងក្នុងរយៈពេលបិទប្រទេស។
រដ្ឋាភិបាលអេស្ប៉ាញ បានសម្រេចបិទប្រទេសអស់រយៈពេលជិត៨សប្តាហ៍ ក្នុងបំណងទប់ស្កាត់ការឆ្លងជំងឺCOVID-19។ អេស្ប៉ាញជាប្រទេសដែលទទួលរងផលប៉ះពាល់ខ្លាំងដោយសារជំងឺCOVID-19 ដោយមានអ្នកឆ្លងចំនួនជាង២សែន២ម៉ឺននាក់ និងស្លាប់ចំនួន២ម៉ឺន៥ពាន់នាក់។
«ការមិនខ្វល់ពីគ្រោះថ្នាក់ បណ្តាលពីជំងឺឆ្លង និងការបញ្ចប់ស្ថានភាពប្រទេសក្នុងភាពអាសន្នរហ័សពេក គឺជារឿងខុសទាំងស្រុង និងជាកំហុសដែលមិនអាចអត់អោនឲ្យបាន» នេះជាការព្រមាន របស់លោក ប៉េត្រូ សាន់ឆេស នាយករដ្ឋមន្ត្រីអេស្ប៉ាញ នៅថ្ងៃទី៥ ឧសភា មុនការបោះឆ្នោតសភា។ លោកសង្កត់ធ្ងន់ថា ការរឹតត្បិតសេរីភាពក្នុងការធ្វើដំណើរ និងការជួបជុំ មានគោលដៅសង្គ្រោះជីវិតប្រជាជន។
បើទោះបីជាមានការជំទាស់ពីបក្សស្តាំនិយមក៏ដោយ រដ្ឋាភិបាលអេស្ប៉ាញអាចរកបានសម្លេងគ្រប់គ្រាន់ក្នុងការបោះបន្តដាក់ប្រទេសក្នុងភាពអាសន្ននេះ ដោយមានសម្លេង១៧៨គាំទ្រ ៧៥ជំទាស់ និង៩៧អនុប្បវាទ។
ការដាក់ប្រទេសឲ្យស្ថិតក្នុងស្ថានភាពអាសន្ន ត្រូវបានប្រកាសដំបូងនៅថ្ងៃទី១៤ ខែមីនា ផ្តល់អំណាចឲ្យរដ្ឋាភិបាលបង្ខំប្រជាជន ៤៧លាននាក់ឲ្យនៅក្នុងផ្ទះ។ ការបោះឆ្នោតថ្ងៃទី៦ ខែឧសភា ជាការបោះឆ្នោតលើកទី៤ហើយដែលរដ្ឋាភិបាលបន្តដាក់ប្រទេសស្ថិតក្នុងភាពអាសន្ន ដោយវិធានការររឹតត្បិតនឹងបន្តរហូតដល់ថ្ងៃទី២៣ ឧសភា ខណៈអេស្ប៉ាញក៏កំពុងស្ថិតក្នុងដំណាក់កាលដំបូងក្នុងការចេញពីការបិទប្រទេស។
អេស្ប៉ាញ ទើបតែបន្ធូរបន្ថយការរឹតបន្តឹងខ្លះៗ ដូចជាអនុញ្ញាតឲ្យកុមារចេញលេងក្រៅផ្ទះ និងឲ្យមនុស្សធំចេញក្រៅផ្ទះធ្វើលំហាត់ប្រាណ។ ចំណែកឯ អាជីវកម្មមួយចំនួនអាចដំណើរបាន ដរាបណាមានការណាត់ទុកជាមួយភ្ងៀវ។
នៅថ្ងៃទី៦ ខែឧសភា ចំនួនអ្នកស្លាប់នៅអេស្ប៉ាញមានចំនួន២៤៤នាក់ ដែលជាការកើនឡើងបន្តិច បន្ទាប់ពីចំនួនអ្នកស្លាប់កាលពី៣ថ្ងៃមុនមានតិចជាង២០០នាក់។
គួរបញ្ជាក់ផងដែថា កាលពីសប្តាហ៍មុន រដ្ឋាភិបាលអេស្ប៉ាញបានចេញផែនការ សម្រាប់បញ្ចប់ពីការបិទប្រទេសដែលមាន៤ដំណាក់កាល ហើយដែលនឹងត្រូវបញ្ចប់នៅចុងខែមិថុនា។ ពេលនេះអេស្ប៉ាញកំពុងស្ថិតក្នុងដំណាក់កាលដំបូងនៃការបញ្ចប់ការបិទប្រទេសនេះ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
