ជាតិ
ក្រុមអ្នកវិទ្យាសាស្ត្រខ្មែរ និងអាមេរិក ប្រើឧបករណ៍ពិសេសវាស់ស្ទង់ទឹកដើម្បីសិក្សាពីឥទ្ធិពលនៃទំនប់វារីអគ្គិសនីទឹកសេសាន២
រូបភាពអ្នកវិទ្យាសាស្ត្រជនជាតិខ្មែរ និងអ្នកវិទ្យាសាស្ត្រមកពីសហរដ្ឋអាមេរិក ស្ថិតនៅលើទូកកំពុងធ្វើសកម្មភាពសិក្សាស្រាវជ្រាវមួយ នៅក្នុងទន្លេមេគង្គ។ រូបភាព៖ ឈុត ឈាណា
×![]()
រូបភាពខាងលើគឺជាសកម្មភាពមួយចំនួន របស់ក្រុមការងារគម្រោង អច្ឆរិយភាពនៃទន្លេមេគង្គ នៅលើទូក តាមដងទន្លេមេគង្គក្នុងរាជធានីភ្នំពេញ និងរូបនៅខាងក្រោមនៅតាមដងទន្លេសេសានក្នុងខេត្តរតនគិរី។ ក្រុមការងារយើងកំពុងរៀបចំតម្លើងឧបករណ៍ពិសេសមួយ ដែលមានពណ៌ទឹកក្រូចដួចបានបង្ហាញក្នុងរូបភាព វាមានឈ្មោះថា Acoustic Doppler Current Profiler (ADCP)។ បន្ទាប់មក ក្រុមយើងនឹងដាក់បណ្តែតឧបករណ៍នេះទៅក្នុងទឹក រួចអូសកាត់ទទឹងទន្លេ ពីច្រាំងម្ខាងទៅច្រាំងម្ខាងទៀតនៃទន្លេ។ ការណ៍ធ្វើបែបនេះ គឺដើម្បីវាស់ស្ទង់ល្បឿនទឹកទន្លេស្របនឹងខ្សែទឹក ថាតើទឹកទន្លេហូរលឿនប៉ុណ្ណា ហើយវាមានជម្រៅទឹកប៉ុណ្ណាដែរ។ លទ្ធផលដែលបានមកពីការវាស់ស្ទង់នេះ អាចត្រូវបានប្រើក្នុងការជួយគណនាបរិមាណទឹកទន្លេដែលហូរចាក់មក ដើម្បីសិក្សាពីឥទ្ធិពលនៃទំនប់វារិអគ្គិសនីទឹកសេសាន២។
គោលដៅមួយទៀតរបស់យើងគឺ ធ្វើការវាស់ស្ទង់គុណភាពទឹកនៅក្នុងអាងស្តុកទឹក រួមទាំងភាគល្អិត និងភក់ល្បាប់ ដែលមានសារៈសំខាន់ដែលបានរួមចំណែកផ្ដល់សារធាតុចិញ្ចឹមដល់ត្រី ក្នុងទន្លេមេគង្គ ក៏ដូចជាសីតុណ្ហភាព អុកស៊ីសែន និងឧស្ម័នកាបូនឌីអុកស៊ីត ផងដែរ។
ក្នុងការសិក្សាស្រាវជ្រាវនេះ ត្រូវបានចូលរួមដោយក្រុមអ្នកវិទ្យាសាស្ត្រពីរក្រុម ក្រុមអ្នកវិទ្យាសាស្ត្រជនជាតិខ្មែរ និងក្រុមអ្នកវិទ្យាសាស្ត្រមកពីសហរដ្ឋអាមេរិក។ សូមទស្សនាវីដេអូរបស់យើង ដើម្បីស្វែងយល់បន្ថែមអំពីសកម្មភាពនៃការសិក្សាស្រាវជ្រាវនេះ!
រូបភាពអ្នកវិទ្យាសាស្ត្រជនជាតិខ្មែរ និងអ្នកវិទ្យាសាស្ត្រមកពីសហរដ្ឋអាមេរិក ស្ថិតនៅលើទូកកំពុងធ្វើសកម្មភាពសិក្សាស្រាវជ្រាវមួយ នៅក្នុងទន្លេសេសាន។ រូបភាព៖ ឈុត ឈាណា
© រក្សាសិទ្ធិដោយ thmeythmey.com
