COVID-19
អន្តរជាតិ
COVID-19៖ សេអ៊ូលបិទរង្គសាល និងក្លិបកម្សាន្តទាំងអស់ ព្រោះបារម្ភខ្លាំងចំពោះរលកទីពីរ
×![]()
ដោយ: រួបរួម
អាជ្ញាធរក្រុងសេអ៊ូលនៃប្រទេសកូរ៉េខាងត្បូង បានបញ្ជាឲ្យបិទក្លិបកម្សាន្ត និងរង្គសាលទាំងអស់ ដោយព្រួយបារម្ភពីការឆ្លង COVID-19 ដ៏គំហុកសារជាថ្មីម្តងទៀត ខណៈលោកប្រធានាធិបតី មូន ជេអ៊ីន បានអំពាវនាវប្រជាពលរដ្ឋបន្តប្រុងប្រយុទ្ធ។ នេះបើតាមការផ្សាយរបស់ AFP។
-
-
កូរ៉េខាងត្បូង ត្រូវបានចាត់ទុកជាប្រទេសគំរូមួយនៃការប្រយុទ្ធប្រឆាំង COVID-19 ដែលបានទប់ស្កាត់ការរាលដាលទាន់ពេលវេលា។ ប៉ុន្តែជាយ៉ាងណាក៏ដោយ ភាពភ័យខ្លាចបានកើតឡើងសារជាថ្មី ក្រោយរកឃើញករណីឆ្លងជាចង្កោមថ្មីមួយទៀតចេញពីតំបន់កម្សាន្តពេលរាត្រីនៃក្រុង Itaewon។
ករណីជាង៥០ បានជាប់ពាក់ព័ន្ធនឹងបុរស២៩ឆ្នាំម្នាក់ ដែលមានលទ្ធផលតេស្តវិជ្ជមាន ក្រោយចំណាយពេលដើរតាមក្លិបកម្សាន្ត និងរង្គសាលចំនួន៥ នៅក្រុង Itaewon កាលពីសប្តាហ៍មុន។
«ការធ្វើធ្វេសប្រហែស អាចនាំឲ្យមានការផ្ទុះឡើងនៃការឆ្លងឡើងវិញ»។ នេះជាការក្រើនរំលឹករបស់លោក Park Won-soon អភិបាលក្រុងសេអ៊ូល ដោយមិនបញ្ជាក់ពីកាលបរិច្ឆេទដែលត្រូវបើកឲ្យក្លិបកម្សាន្ត និងរង្គសាលដំណើរឡើងវិញនោះឡើយ។
ការរកឃើញតេស្តឃើញ៣៤ករណីបន្ថែមទៀតនៅថ្ងៃអាទិត្យនេះ នាំឲ្យកូរ៉េខាងត្បូង មានអ្នកឆ្លងសរុបដល់១០ ៨៧៤នាក់ ក្នុងនោះស្លាប់២៥៦នាក់ និងសះស្បើយ ៩ ៦១០នាក់៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
