COVID-19
អន្តរជាតិ
សមាជិកព្រឹទ្ធសភាអាមេរិក ស្នើសេចក្តីព្រាងច្បាប់ដាក់ទណ្ឌកម្មចិនរឿងCOVID-19
ព្រឹទ្ធសមាជិកLindsey Graham។រូបភាពAFP
×![]()
សមាជិកព្រឹទ្ធសភាអាមេរិក នៅថ្ងៃទី១២ ខែឧសភា បានដាក់ស្នើសេចក្តីព្រាងច្បាប់ ដែលនឹងអនុញ្ញាតឲ្យប្រធានាធិបតីដាក់ទណ្ឌកម្មប្រឆាំងចិន ក្នុងករណីដែលចិនមិនបង្ហាញគណនេយ្យភាពចំពោះព្រឹត្តិការណ៍ដែលបណ្តាលឲ្យផ្ទុះជំងឺ COVID-19។
សេចក្តីព្រាងច្បាប់នេះ ត្រូវបានដាក់ស្នើដោយសមាជិកព្រឹទ្ធសភា Lindsey Graham មកពីបក្សសាធារណរដ្ឋដែលជាសម្ព័ន្ធមិត្តជិតស្និទ្ធនឹងលោក ដូណាល់ ត្រាំ ។ តាមទីភ្នាក់ងារសារព័ត៌មាន Reuters លោក Graham លើកឡើង ប្រសិនបើគ្មានការបោកប្រាស់ពីចិនទេនោះ ម្ល៉ោះជំងឺ COVID-19 ក៏មិនរាលដាលដល់ទឹកដីអាមេរិកដែរ ដោយពេលនេះវាបានសម្លាប់ប្រជាជនអាមេរិកជាង៨ម៉ឺននាក់ហើយ។
លោក Graham បានអះអាងថា ចិនមិនបានអនុញ្ញាតឲ្យអ្នកស៊ើបអង្កេតទៅសិក្សាពីការ ផ្ទុះនៃជំងឺនេះឡើយ ហើយលោកបានបន្ថែមក្នុងសេចក្តីថ្លែងការថា ខ្ញុំជឿជាក់ថាចិននឹងមិនព្រមសហការឲ្យបានហ្មត់ចត់ទេ ដរាបណាចិនតម្រូវឲ្យធ្វើ។
លោក Graham បានអះអាងថា ចិនមិនបានអនុញ្ញាតឲ្យអ្នកស៊ើបអង្កេតទៅសិក្សាពីការ ផ្ទុះនៃជំងឺនេះឡើយ ហើយលោកបានបន្ថែមក្នុងសេចក្តីថ្លែងការថា ខ្ញុំជឿជាក់ថាចិននឹងមិនព្រមសហការឲ្យបានហ្មត់ចត់ទេ ដរាបណាចិនតម្រូវឲ្យធ្វើ។
សេចក្តីព្រាងច្បាប់ដែលមានឈ្មោះ ច្បាប់គណនេយ្យភាព COVID-19 (COVID-19 Accountability Act) នេះនឹងតម្រូវឲ្យប្រធានាធិបតីអាមេរិក ធ្វើសេចក្តីបញ្ជាក់ទៅកាន់សភាអាមេរិកក្នុងរយៈពេល៦០ថ្ងៃ ដែលចិនបានផ្តល់គណនេយ្យភាពគ្រប់គ្រាន់ និងពេញលេញ ចំពោះការស៊ើបអង្កេតទាក់ទងនឹង COVID-19 ។ ការស៊ើបអង្កេតនេះទៀតសោត ត្រូវដឹកនាំដោយសហរដ្ឋអាមេរិក សម្ព័ន្ធមិត្តរបស់ខ្លួន ឫទីភ្នាក់ងារចំណុះរបស់អង្គការសហប្រជាជាតិ ដូចជាអង្គការសុខភាពពិភពលោក (WHO) ជាដើម។
សេចក្តីព្រៀងច្បាប់ខាងលើនេះទទួលបានការគាំទ្រពីសមាជិកព្រឹទ្ធសភាមកពីគណបក្សសាធារណរដ្ឋចំនួន៨រូបទៀត។ បន្ថែមពីនេះ សេចក្តីព្រាងច្បាប់នេះ ក៏តម្រូវផងដែរឲ្យមានការបញ្ជាក់ថា ចិនបានបិទផ្សារសើមទាំងអស់ ដែលមានលទ្ធភាពបង្កគ្រោះថ្នាក់ដល់មនុស្ស និងដោះលែងអ្នកតស៊ូប្រជាធិបតេយ្យនិយមដែលបានចាប់ខ្លួននៅហុងកុង ក្រោយពេលមានការផ្ទុះជំងឺឆ្លង។
ចំពោះទណ្ឌកម្មវិញ សេចក្តីព្រាងច្បាប់នេះ នឹងអនុញ្ញាតឲ្យប្រធានាធិបតីដាក់ទណ្ឌកម្មជាច្រើនដូចជា បង្កកទ្រព្យសម្បត្តិ ហាមឃាត់ការធ្វើដំណើរ និងដកហូតទិដ្ឋាការ ការរឹតត្បិតកម្ចីដែលផ្តល់ដោយគ្រឹះស្ថានហិរញ្ញវត្ថុអាមេរិកទៅកាន់ក្រុមហ៊ុនពាណិជ្ជកម្មចិន និងការហាមមិនឲ្យចុះឈ្មោះក្រុមហ៊ុនចិនក្នុងផ្សារហ៊ុនអាមេរិក។ គួរបញ្ជាក់ផងដែរថា ក្នុងរយៈពេលចុងក្រោយនេះលោកប្រធានាធិបតី ត្រាំ និងអ្នកគាំទ្រលោកមកពីបក្សសាធារណរដ្ឋបានបើកការវាយប្រហារទៅលើចិនជាញឹកញយទាំងទងនឹងប្រភពនៃជំងឺ COVID-19 ៕
© រក្សាសិទ្ធិដោយ thmeythmey.com
