លោក តែម ម៉ឺន ព្រមាន​ណែនាំ​ស្ថានីយទូរទស្សន៍ និង​កីឡាករ ដែល​វាយ​មិន​អស់ពី​សមត្ថភាព​
COVID-19
កីឡាជាតិ
ជាតិ
លោក តែម ម៉ឺន ព្រមាន​ណែនាំ​ស្ថានីយទូរទស្សន៍ និង​កីឡាករ ដែល​វាយ​មិន​អស់ពី​សមត្ថភាព​
13, May 2020 , 10:39 pm        
រូបភាព
ប្រធាន​សហព័ន្ធ​កីឡាប្រដាល់​គុន​ខ្មែរ ព្រមាន​ណែនាំ​ស្ថានីយទូរទស្សន៍ ដែល​រៀបចំ​ការប្រកួត​មិន​សមរម្យ និង​កីឡាករ​វាយ​មិន​អស់ពី​សមត្ថភាព​។ ការព្រមាន​នេះ ធ្វើឡើង​ក្រោយ​មាន​អ្នក​ស្នេហា​វិស័យ​កីឡាប្រដាល់​មួយចំនួន បាន​រិះគន់​ពាក់ព័ន្ធ​បញ្ហា​នេះ​។ តែ​យ៉ាងណា សហព័ន្ធ​ស្នើ​ឲ្យ​មានការ​យោគយល់​ផងដែរ​ចំពោះ​បញ្ហា​នេះ​។
ប្រធាន​សហព័ន្ធ​កីឡាប្រដាល់​គុន​ខ្មែរ ព្រមាន​ណែនាំ​ស្ថានីយទូរទស្សន៍ ដែល​រៀបចំ​ការប្រកួត​មិន​សមរម្យ និង​កីឡាករ​វាយ​មិន​អស់ពី​សមត្ថភាព​។ ការព្រមាន​នេះ ធ្វើឡើង​ក្រោយ​មាន​អ្នក​ស្នេហា​វិស័យ​កីឡាប្រដាល់​មួយចំនួន បាន​រិះគន់​ពាក់ព័ន្ធ​បញ្ហា​នេះ​។ តែ​យ៉ាងណា សហព័ន្ធ​ស្នើ​ឲ្យ​មានការ​យោគយល់​ផងដែរ​ចំពោះ​បញ្ហា​នេះ​។
ប្រធាន​សហព័ន្ធ​កីឡាប្រដាល់​គុន​ខ្មែរ ព្រមាន​ណែនាំ​ស្ថានីយទូរទស្សន៍ ដែល​រៀបចំ​ការប្រកួត​មិន​សមរម្យ និង​កីឡាករ​វាយ​មិន​អស់ពី​សមត្ថភាព​។ ការព្រមាន​នេះ ធ្វើឡើង​ក្រោយ​មាន​អ្នក​ស្នេហា​វិស័យ​កីឡាប្រដាល់​មួយចំនួន បាន​រិះគន់​ពាក់ព័ន្ធ​បញ្ហា​នេះ​។ តែ​យ៉ាងណា សហព័ន្ធ​ស្នើ​ឲ្យ​មានការ​យោគយល់​ផងដែរ​ចំពោះ​បញ្ហា​នេះ​។

 
​ក្រោយ​មានមតិ​មួយចំនួន​បាន​រិះគន់​ពាក់ព័ន្ធ​ការ​វាយ​មិន​អស់​សមត្ថភាព​របស់​កីឡាករ​ក្នុង​កម្មវិធី​ប្រដាល់​របស់​ស្ថានីយទូរទស្សន៍​មួយចំនួន លោក តែម ម៉ឺន ប្រធាន​សហព័ន្ធ​កីឡាប្រដាល់​គុន​ខ្មែរ​បាន​ចេញមក​អះអាងថា លោក​នឹង​ចាត់វិធានការ​ពាក់ព័ន្ធ​បញ្ហា​នេះ​។ ប្រធាន​សហព័ន្ធ​រូបនេះ អាច​នឹង​ហៅ​អ្នកគ្រប់គ្រង​កម្មវិធី​ប្រដាល់​តាម​ស្ថានីយទូរទស្សន៍ រួមជាមួយ​កីឡាករ ដែល​វាយ​មិន​អស់ពី​សមត្ថភាព ដើម្បី​ណែនាំ​។ 
 
​លោក តែម ម៉ឺន បានបង្ហាញ​ជំហរ​គាំទ្រ​ចំពោះ​ការរិះគន់​របស់​មហាជន តែ លោក ក៏​ស្នើ​ឲ្យ​មានការ​យោគយល់​ពី​មហាជន​ផងដែរ​លើ​បញ្ហា​នេះ​។ ដ្បិត​បច្ចុប្បន្ន​ការរៀបចំ​កម្មវិធី​ប្រដាល់​តាម​ស្ថានីយទូរទស្សន៍​ទាំងអស់ ស្ថិតក្រោម​ការ​រឹតត្បិត​នៅឡើយ​។ ពោលគឺ​រាល់​ការប្រកួត​នីមួយៗ ពុំ​អនុញ្ញាត​ឲ្យ​មាន​ការចូល​ទស្សនា​ផ្ទាល់​នោះទេ ដោយសារ​បារម្ភ​ពី​ការរីក​រាលដាល​នៃ​ជំងឺ​កូ​វីដ​-១៩​។​
 
«​អ្វីដែល​ជាការ​រិះគន់ យើង​ត្រូវតែ​ស្តាប់​គេ បើ​មិន​ស័ក្តិសម​កុំ​ធ្វើ តែបើ​ស័ក្តិសម​ចាំ​ធ្វើ​។ យើង​ត្រូវមាន​ការយោគយល់​ក្នុង​កាលៈទេសៈ​នេះ តែបើ​មាន​ផ្នែក​ណាមួយ​រួមគ្នា​ធ្វើ​មិន​សម គឺ​យើង​ត្រូវតែមាន​ការនិយាយ​គ្នា ហើយ​បើ​មិន​ស័ក្តិសម​យើង​នៅតែ​បន្តធ្វើ​គេ​រិះគន់​មិន​ខុស​ទេ ខ្ញុំ​នឹងមាន​ការណែនាំ​ត្រង់ចំណុច​នឹង​»​។ នេះ​ជាការ​បញ្ជាក់​របស់លោក តែម ម៉ឺន​។ 
 
​ការព្រមាន​ចាត់វិធានការ​ណែនាំ​ក​របស់លោក តែម ម៉ឺន ធ្វើឡើង​ក្រោយ លោក បារម្ភ​ពី​ការធ្លាក់ចុះ​ប្រជាប្រិយភាព​របស់​ប្រដាល់​គុន​ខ្មែរ​។ ម្យ៉ាងទៀត លោក ខ្លាច​ជះឥទ្ធិពល​មិនល្អ​ដល់​ដំណើរការ​អភិវឌ្ឍន៍​ធនធាន​កីឡាករ​លើ​វិស័យនេះ ខណៈដែល​កម្ពុជា​កំពុង​ត្រៀមខ្លួន​ឆ្ពោះទៅ​ធ្វើជា​ម្ចាស់ផ្ទះ​ការប្រកួត​កីឡា​ស៊ី​ហ្គេម​លើក​ទី​៣២​ឆ្នាំ​២០២៣៕
 
 

Tag:
 ប្រដាល់​គុន​ខ្មែរ​
  តែម ម៉ឺន
© រក្សាសិទ្ធិដោយ thmeythmey.com