COVID-19
អន្តរជាតិ
ជប៉ុន បិទការដើរឡើងភ្នំFuji ដើម្បីទប់ស្កាត់ COVID-19
× ភ្នំដ៏ល្បីឈ្មោះជប៉ុន Fuji នឹងបិទនៅក្នុងរដូវក្តៅខាងមុខនេះ ដើម្បីទប់ស្កាត់ការរាតត្បាតនៃជំងឺរលាកសួត ដែលបង្កដោយកូរ៉ូណាវីរុស (COVID-19)។ នេះបើតាមការបញ្ជាក់របស់មន្ត្រីខេត្ត Shizuoka នាថ្ងៃទី១៨ ខែឧសភា។
ralate
Fuji គឺជាភ្នំដ៏ល្បីល្បាញមួយ ដែលបានទាក់ទាញអ្នកឡើងភ្នំ ប្រមាណជា ២៣៦០០០នាក់ នៅឆ្នាំ២០១៩។ នេះបើតាមតួលេខរបស់វេបសាយផ្លូវការ Mount Fuji។ ដោយខុសពីឆ្នាំមុនៗ នាថ្ងៃទី១៨ ខែឧសភា មន្ត្រីប្រចាំខេត្ត Shizuoka បានបញ្ជាក់ប្រាប់ទីភ្នាក់ងារព័ត៌មាន AFP ថា ផ្លូវឡើងភ្នំ Fuji ចំនួន ៣ឬ៤ទីតាំង នឹងបិទទាំងអស់ចាប់ពីថ្ងៃទី១០ ខែកក្កដា ដល់ថ្ងៃទី១០ កញ្ញា ដោយសារការបារម្ភពីករណីឆ្លង COVID-19 ទៅលើភ្ញៀវទេសចរ។ ក្នុងអំឡុងពេលនេះ វាគឺជារយៈពេលតែមួយគត់សម្រាប់អ្នកចង់ឡើងភ្នំ Fuji ប្រទេសជប៉ុន។
នេះ គឺជាលើកទីមួយហើយ ដែលអាជ្ញាធរជប៉ុនបិទទីតាំងសម្បត្តិវប្បធម៌ពិភពលោករបស់អង្គការ UNESCO បើគិតចាប់តាំងពីឆ្នាំ ១៩៦០មក។
គិតមកត្រឹមថ្ងៃទី១៧ ខែឧសភា ជប៉ុនមានករណីឆ្លងCOVID-19 សរុបចំនួន ១៦២៨៥ករណី អ្នកស្លាប់ចំនួន ៧៤៤នាក់ និងអ្នកជាសះស្បើយ ១១១៥៣នាក់។ បើតាមវេបសាយ Worldometer អ្នកជំងឺសម្រាកព្យាបាលនៅក្នុងមន្ទីរពេទ្យមានចំនួន ៤៣៨៨នាក់។
សូមបញ្ជាក់ថា កន្លងមក រដ្ឋាភិបាលជប៉ុន បានលើកចោលស្ថានភាពអាសន្ននៅក្នុងខេត្តក្រុងចំនួន ៣៩ បន្ទាប់ពីស្ថានភាព COVID-19នៅក្នុងតំបន់ទាំងនេះ មានភាពធូរស្រាល។ លើកលែងតែទីក្រុងតូក្យូ និងតំបន់ចំនួន ៧ផ្សេងទៀត នៅតែរក្សាស្ថានភាពអាសន្នដដែល ព្រោះករណីឆ្លងCOVID-19 នៅតែមានកម្រិតខ្ពស់៕
© រក្សាសិទ្ធិដោយ thmeythmey.com