អត្ថបទពាណិជ្ជកម្ម
ក្រុមហ៊ុន TADA ប្រកាសទទួលប្រាក់វិនិយោគទុនជាយុទ្ធសាស្ត្របន្ថែម ពីធនាគារ Shinhan របស់ប្រទេសកូរ៉េខាងត្បូង
×![]()
ដោយ: ថ្មីៗ
ប្រទេសសិង្ហបុរី ថ្ងៃទី២១ ខែឧសភា ឆ្នាំ២០២០៖ ក្រុមហ៊ុន MVLLABS ភីធីអិលធីឌី (“MVL”) ដែលជាក្រុមហ៊ុន នៅពីក្រោយក្រុមហ៊ុន TADA -សេវាកម្មកក់ការធ្វើដំណើរមិនកាត់កម្រៃជើងសារដំបូងបង្អស់ នៅអាស៊ីអាគ្នេយ៍ ផ្អែកលើបច្ចេកវិទ្យា Blockchain- បានប្រកាសថ្ងៃនេះ ការទទួលប្រាក់វិនិយោគទុនបន្ត ពីការវិនិយោគ Series A លើកមុន ពីធនាគារពាណិជ្ជកម្ម Shinhan ដែលជាធនាគារមានទុនច្រើនជាងគេមួយនៅប្រទេសកូរ៉េខាងត្បូង។ ក្រុមហ៊ុន Samkee Automotive ដែលជាក្រុមហ៊ុនឯកទេសខាងធ្វើពុម្ព គ្រឿងម៉ាស៊ីនលំដាប់ថ្នាក់អន្តរជាតិមួយ និងក្រុមហ៊ុន iloom ដែលជាម៉ាក់គ្រឿងសង្ហារឹមក្នុងផ្ទះដ៏ល្បីល្បាញមួយ នៅប្រទេសកូរ៉េខាងត្បូង ក៏បានចូលរួមក្នុងការវិនិយោគទុនលើកនេះផងដែរ។ ការវិនិយោគទុនលើកនេះ នាំឲ្យ MVL ទទួលប្រាក់វិនិយោគសរុបជិត ១០លានដុល្លារ បើគិតតាំងពីការវិនិយោគ Series A លើកមុន។
ហិរញ្ញប្បទានពីការវិនិយោគទុននេះ នឹងត្រូវបានប្រើ ដើម្បីបន្តពង្រីកទីផ្សារបច្ចុប្បន្នរបស់ MVL ក៏ដូចជាការអភិវឌ្ឍប្រព័ន្ធអេកូចល័ត ដែលបង្កើតទ្បើងនៅលើបច្ចេកវិទ្បា Blockchain របស់ MVL។ ការវិនិយោគនេះ នឹងធ្វើឲ្យ MVL អាចមានលទ្ធភាពបង្កើនទុន ពីការពង្រីកទីផ្សាររបស់កម្មវិធី TADA ដែលជាផលិតផលរបស់ MVL។ ក្រុមហ៊ុនសង្ឃឹមថា ទាំងអ្នកបើកបរ និងអ្នកជិះអាចចូលរួមចំណែក ក្នុងការធ្វើដំណើរនាថ្ងៃអនាគត ប្រកបដោយនិរន្តរភាព។ តាមការវិនិយោគទុននេះ ក្រុមហ៊ុនក៏អាចអភិវឌ្ឍសមត្ថភាពរបស់ខ្លួន ដើម្បីនាំមកនូវផលិតផល និងសេវាកម្ម ដែលមានភាពច្នៃប្រឌិត លើបច្ចេកវិទ្យា Blockchain របស់ MVL។
លោក Kay Woo នាយកប្រតិបត្តិរបស់ MVL មានប្រសាសន៍ថា៖«ជាមួយការវិនិយោគទុននេះ យើងនឹងអាចបន្តបេសកម្មរបស់យើង ក្នុងការបង្កើតប្រព័ន្ធអេកូចល័តមួយ ប្រកបដោយនិរន្តរភាព និងភាពប្រសើរជាងមុន។ ថ្មីៗនេះដែរ យើងក៏បានបើកដំណើរការ នូវសេវាកម្មដឹកជញ្ជូន TADA នៅក្នុងប្រទេសកម្ពុជា ដើម្បីជួយសម្រួលដល់អាជីវកម្ម និងអ្នកបើកបររបស់យើង ដែលបានទទួលរងផលប៉ះពាល់ ពីការវាយលុកនៃជំងឺកូវីដ-១៩។ នេះជាអ្វីដែលយើងចង់បង្ហាញថា យើងអាចប្រើបច្ចេកវិទ្យារបស់យើង ជាកម្លាំងវិជ្ជមានមួយបាន។ យើងសូមថ្លែងអំណរគុណ ដល់អ្នកវិនិយោគទុនរបស់យើង ដែលមានភាពជឿជាក់ទៅលើចក្ខុវិស័យ នៃប្រព័ន្ធអេកូចល័តដែលប្រសើរ មាននិរន្តរភាព និងមិនលំអៀងរបស់យើង»។
អ្នកនាំពាក្យរបស់ធនាគារ Shinhan ក៏បានបញ្ជាក់ដែរថា៖«ប្រព័ន្ធចល័តលើបច្ចេកវិទ្យា Blockchain របស់ MVL មានការរីកចម្រើនយ៉ាងខ្លាំង សម្រាប់អ្នកប្រើប្រាស់ ក្នុងរយៈពេល៣ឆ្នាំកន្លងមកនេះ។ យើងរំពឹងថា នឹងបង្កើតនូវផលិតផលរួមគ្នាឲ្យកាន់តែប្រសើរ ជាមួយសេវាកម្មហិរញ្ញវត្ថុរបស់ធនាគារ Shinhan ដូចជាកាបូបលុយអេឡិចត្រូនិករបស់យើង ដើម្បីផ្តល់អត្ថប្រយោជន៍ឈ្នះ-ឈ្នះ ដល់ធនាគារ Shinhan និងក្រុមហ៊ុន MVL»។
សម្រាប់ព័ត៌មានលម្អិតពី MVL សូមចូលទៅកាន់៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
