ជាតិ
បទសម្ភាសន៍
សុខភាព
ការឡើងប្រជ្រុយ, អាចម៍រុយដុះ, ផ្ទៃមុខត្រូវកម្តៅថ្ងៃ ប្រឈមនឹងកើតមហារីកស្បែក (ភាគ២)
×![]()
ភ្នំពេញ៖ ការឡើងអាចម៍រុយដុះ, ឡើងប្រជ្រុយ, ស្បែកមានសភាពក្រហមក្រមៅ និងតំបន់ងាយត្រូវកម្ដៅថ្ងៃដូចជា ផ្ទៃមុខ និងករ ជាសញ្ញាមួយដែលប្រឈមនឹងកើតជំងឺមហារីកស្បែក ជាពិសសេសការត្រូវកម្ដៅថ្ងៃផ្ទាល់ ដោយមិនមានរបាំងការពារ។ ជំងឺមហារីកស្បែកមាន៤ដំណាក់កាល ហើយនៅដំណាក់កាលដំបូង គឺកើតឡើងតែនៅលើស្បែក ឬក្នុងស្រទាប់ស្បែកប៉ុណ្ណោះ។ ប៉ុន្តែ បើសិនជាទុកយូរមិនព្យាបាលទាន់ពេល វានឹងអាចរីកសាយភាយទៅកាន់សរីរាង្គផ្សេងៗទៀត។ 
ដើម្បីជ្រាបច្បាស់ សូមអញ្ជើញលោក-អ្នកនាងទស្សនាបទសម្ភាសរវាងកញ្ញា អ៊ុត រស្មី អ្នកសារព័ត៌មានថ្មីៗ និងលោកវេជ្ជបណ្ឌិត ចាន់ វិចិត្រ នាយករងមន្ទីរពេទ្យមិត្តភាពខ្មែរ-សូវៀត និងជាប្រធានសមាគមគ្រូពេទ្យសើស្បែកកម្ពុជា ដូចតទៅ៖
បើតាមលោកវេជ្ជបណ្ឌិត ចាន់ វិចិត្រ ឯកទេសសើស្បែក និងឡាស៊ែ ជំងឺសើស្បែកអាចព្យាបាលជានៅដំណាក់កាលដំបូង ឬទើបកើតឡើងភ្លាមៗ។ ប្រសិនបើ ជំងឺនេះរីកសាយភាយទៅសរីរាង្គផ្សេងៗហើយនោះ មិនអាចព្យាបាលជានោះទេ។ លោកវេជ្ជបណ្ឌិតបានពន្យល់ដូច្នេះថា៖«នៅពេលដែលយើងទុកយូរ វារាលដាលទៅជាដំបៅ ហើយដំណាក់កាលដំបៅព្យាបាលមិនជា វានឹងអាចសាយភាយទៅរកសរីរាង្គផ្សេងៗទៀត។ អីចឹងបញ្ហាគ្រោះថ្នាក់មិនមែនតែលើស្បែកទេ។ ស្បែកអាចព្យាបាលវះកាត់ចេញ ឬបាញ់ឡាស៊ែចេញបាន ប៉ុន្តែដល់ ដំណាក់កាលធ្ងន់ធ្ងរ គឺគ្រូពេទ្យត្រូវព្យាបាល ទៅតាមការសាយភាយរបស់ជំងឺ។ តែការដែលល្អ ត្រូវដឹងតាំងពីដំណាក់កាលដំបូង គឺអាចព្យាបាលជា»៕
Tag:
មហារីកស្បែក
សុខភាព
© រក្សាសិទ្ធិដោយ thmeythmey.com
