CDC បាន​បញ្ជាក់ថា សណ្ឋាគារ​ផ្កាយ​៥​នេះ មាន​ចំនួន​៧០០​បន្ទប់ និង​បង្កើត​ឱ្យ​ការងារ​ដល់​ប្រជាពលរដ្ឋ​បាន​រហូត​ជាង​៨០០​នាក់​។ ជាមួយគ្នានេះ CDC ក៏បាន​អនុម័ត​ឱ្យ​ក្រុមហ៊ុន​ពីរ​ទៀត ដែលមាន​តម្លៃ​វិនិយោគ ជិត​៥២​លាន​ដុល្លារ ដែល​អាចបង្កើត​ឱ្យ​ការងារ​ដល់​ពលរដ្ឋ​បាន​ជាង​៣០០​កន្លែង​ផងដែរ​។ 

 

​ក្រុមហ៊ុន​ទាំងពីរ​នោះ មាន​ក្រុមហ៊ុន RISEN ENERGY (CAMBODIA) BATTAMBANG CO., LTD មាន​ទុនវិនិយោគ​៥០,៩​លាន​ដុល្លារ ដែល​គ្រោង​បង្កើត​ស្ថានីយ​ផលិត​អគ្គិសនី​ដើរ​ដោយ​ថាមពលព្រះអាទិត្យ នៅ​ភូមិ​សូ​ភី ឃុំ​អន្លង់​រុន ស្រុក​ថ្មគោល ខេត្តបាត់ដំបង​។ រីឯ​ក្រុមហ៊ុន​មួយទៀត ឈ្មោះ​PROSPECT ENERGY (CAMBODIA) CO., LTD គម្រោង​បង្កើត​រោងចក្រ​ផលិត និង​ផ្គុំ​ដំឡើង​បន្ទះ​សូ​ឡា នៅ​ភូមិ​ព្រៃ​ពង្រ ឃុំ​រកា​កោះ ស្រុក​គងពិសី ខេត្តកំពង់ស្ពឺ​។ ក្រុមហ៊ុន​មាន​ទុនវិនិយោគ​ជិត​៨​លាន​ដុល្លារ​។  នេះ​បើតាម​CDC៕

​