ជាតិ
នយោបាយជាតិ
×![]()
ដោយ: រួបរួម
សម្តេច ហេង សំរិន ប្រធានរដ្ឋសភា និងជាប្រធានកិត្តិយសគណបក្សប្រជាជនកម្ពុជា ប្រារព្ធខួបកំណើតគម្រប់៨៧ឆ្នាំ ឈានចូល៨៨ឆ្នាំ នៅថ្ងៃទី២៥ ខែឧសភា ឆ្នាំ២០២១ នេះ។ តាមព្រះរាជសារជូនពរ ព្រះករុណាព្រះមហាក្សត្រ សម្តេចព្រះបរមនាថនរោត្តម សីហមុនី បានចាត់ទុកសម្តេច ហេង សំរិន ជាថ្នាក់ដឹកនាំដ៏ឆ្នើមដែលបានខិតខំអស់ពីកម្លាំងកាយចិត្តបំពេញភារកិច្ចបម្រើជាតិមាតុភូមិ ។
សម្តេច ហេង សំរិន កើតនៅថ្ងៃទី២៥ ខែឧសភា ឆ្នាំ១៩៣៤ នៅនៅក្នុងភូមិអន្លង់ក្រេះ ឃុំកក់ ស្រុកពញាក្រែក ខេត្តកំពង់ចាម។ សម្តេចមានភរិយាឈ្មោះ សៅ ទី និងមានកូន៤នាក់។
យោងតាមឯកសារស្រាវជ្រាវរបស់ លោក គាំម កុសល និងសាស្ត្រចារ្យ ដៀប សុផល ឥស្សរជនកំពូលរូបនេះ បានសិក្សានៅសាលាពុទ្ធិកបឋមសិក្សា ខេត្តកំពង់ចាមនាអំឡុងឆ្នាំ១៩៥៤ និងធ្លាប់រៀនវគ្គនយោបាយជាន់ខ្ពស់នៅប្រទេសវៀតណាម។
នៅឆ្នាំ១៩៦៩ សម្តេច ហេង សំរិន មានតួនាទីជាប្រធានកងអនុសេនាតូច ចលនាប្រដាប់អាវុធ (ផ្នែក៦) តំបន់២០ ភូមិភាគ បូព៌ា (២០៣) ហើយជាបន្តបន្ទាប់សម្តេចបានក្លាយជាប្រធានរណសិរ្សសាមគ្គីសង្គ្រោះជាតិកម្ពុជានាថ្ងៃទី២ ខែធ្នូ ឆ្នាំ១៩៧៨ និងជាប្រធានក្រុមប្រឹក្សាប្រជាជនបដិវត្តន៍កម្ពុជា ក្នុងឆ្នាំ១៩៧៩ ។
នៅឆ្នាំ១៩៨១ សម្តេចជាអគ្គលេខាធិការមជ្ឈិមបក្សប្រជាជនកម្ពុជានិងជាប្រធានក្រុមប្រឹក្សារដ្ឋនៃសាធារណរដ្ឋប្រជាមានិតកម្ពុជា (ក្រោយមកជារដ្ឋកម្ពុជា) ហើយចាប់ពីឆ្នាំ១៩៩១ សម្តេចជាប្រធានកិត្តិយសគណបក្សប្រជាជនកម្ពុជា។
ពីឆ្នាំ១៩៩៣ ដល់បច្ចុប្បន្ន សម្តេចក្លាយជាអ្នកតំណាងរាស្ត្រ ហើយកាន់កាប់តំណែងជាប្រធានរដ្ឋសភាជាតិចាប់តាំងពីឆ្នាំ២០០៦ មក។ សម្តេចបានទទួលគោរម្យងារជា «សម្ដេចអគ្គមហាពញាចក្រី» ពីព្រះករុណា ព្រះមហាក្សត្រ សម្ដេចព្រះបរមនាថ នរោត្ដម សីហមុនី កាលពីខែតុលា ឆ្នាំ២០០៧ ។
ក្រៅពីករុណាព្រះមហាក្សត្រ ថ្នាក់ដឹកនាំជាន់ខ្ពស់នានាក៏បានផ្ញើសារជូនពរសម្តេច ហេង សំរិន ជាបន្តបន្ទាប់ផងដែរ។ «យើងខ្ញុំទាំងអស់គ្នាតែងតែនឹកឃើញ និងចងចាំជានិច្ច ប្រកបដោយការគោរពដឹងគុណយ៉ាងស្មោះអស់ពីដួងចិត្តនូវឆន្ទៈ និងសកម្មភាពសេ្នហាជាតិ និងប្រជាជនដ៏មោះមុតរបស់សម្តេចអគ្គមហាពញាចក្រី»។ នេះជាសម្រង់នៃសារជូនពរពីសំណាក់សម្តេចនាយករដ្ឋមន្ត្រី ហ៊ុន សែន និងជាប្រធានគណបក្សប្រជាជនកម្ពុជា។
សម្តេច ហេង សំរិន និងសម្តេច ហ៊ុន សែន នាអំឡុងពេលប្រកួតបាល់ទាត់មិត្តភាពរវាងមេដឹកនាំជាន់ខ្ពស់កម្ពុជានិងក្រុមមេដឹកនាំអាវក្រហមថៃ នៅពហុកីឡាដ្ឋានជាតិអូឡាំពិកកាលពីឆ្នាំ២០១១
សម្តេច សាយ ឈុំ ប្រធានព្រឹទ្ធសភា បានកត់សម្គាល់ថា សម្តេច ហេង សំរិន សម្រេចបាននូវជោគជ័យដ៏ត្រចះត្រចង់ក្នុងនាមជាអ្នកដឹកនាំស្ថាប័នរដ្ឋសភា ដែលជាស្ថាប័ននីតិប្បញ្ញត្តិជាតិ ដែលធ្វើឲ្យកម្ពុជាក្លាយជាប្រទេសនីតិរដ្ឋ និងមានការអភិវឌ្ឍលើគ្រប់វិស័យ។
សម្តេច ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានគូសបញ្ជាក់ផងដែរថា វីរភាពដឹកនាំរបស់សម្តេច ហេង សំរិន រួមចំណែកធានាយ៉ាងរឹងមាំនូវសន្តិភាព និងអធិបតេយ្យភាពជាតិនៅគ្រប់កាលៈទេសៈ៕
អត្ថបទទាក់ទង
សម្តេច ហេង សំរិន កើតនៅថ្ងៃទី២៥ ខែឧសភា ឆ្នាំ១៩៣៤ នៅនៅក្នុងភូមិអន្លង់ក្រេះ ឃុំកក់ ស្រុកពញាក្រែក ខេត្តកំពង់ចាម។ សម្តេចមានភរិយាឈ្មោះ សៅ ទី និងមានកូន៤នាក់។
យោងតាមឯកសារស្រាវជ្រាវរបស់ លោក គាំម កុសល និងសាស្ត្រចារ្យ ដៀប សុផល ឥស្សរជនកំពូលរូបនេះ បានសិក្សានៅសាលាពុទ្ធិកបឋមសិក្សា ខេត្តកំពង់ចាមនាអំឡុងឆ្នាំ១៩៥៤ និងធ្លាប់រៀនវគ្គនយោបាយជាន់ខ្ពស់នៅប្រទេសវៀតណាម។
នៅឆ្នាំ១៩៦៩ សម្តេច ហេង សំរិន មានតួនាទីជាប្រធានកងអនុសេនាតូច ចលនាប្រដាប់អាវុធ (ផ្នែក៦) តំបន់២០ ភូមិភាគ បូព៌ា (២០៣) ហើយជាបន្តបន្ទាប់សម្តេចបានក្លាយជាប្រធានរណសិរ្សសាមគ្គីសង្គ្រោះជាតិកម្ពុជានាថ្ងៃទី២ ខែធ្នូ ឆ្នាំ១៩៧៨ និងជាប្រធានក្រុមប្រឹក្សាប្រជាជនបដិវត្តន៍កម្ពុជា ក្នុងឆ្នាំ១៩៧៩ ។
នៅឆ្នាំ១៩៨១ សម្តេចជាអគ្គលេខាធិការមជ្ឈិមបក្សប្រជាជនកម្ពុជានិងជាប្រធានក្រុមប្រឹក្សារដ្ឋនៃសាធារណរដ្ឋប្រជាមានិតកម្ពុជា (ក្រោយមកជារដ្ឋកម្ពុជា) ហើយចាប់ពីឆ្នាំ១៩៩១ សម្តេចជាប្រធានកិត្តិយសគណបក្សប្រជាជនកម្ពុជា។
ពីឆ្នាំ១៩៩៣ ដល់បច្ចុប្បន្ន សម្តេចក្លាយជាអ្នកតំណាងរាស្ត្រ ហើយកាន់កាប់តំណែងជាប្រធានរដ្ឋសភាជាតិចាប់តាំងពីឆ្នាំ២០០៦ មក។ សម្តេចបានទទួលគោរម្យងារជា «សម្ដេចអគ្គមហាពញាចក្រី» ពីព្រះករុណា ព្រះមហាក្សត្រ សម្ដេចព្រះបរមនាថ នរោត្ដម សីហមុនី កាលពីខែតុលា ឆ្នាំ២០០៧ ។
ក្រៅពីករុណាព្រះមហាក្សត្រ ថ្នាក់ដឹកនាំជាន់ខ្ពស់នានាក៏បានផ្ញើសារជូនពរសម្តេច ហេង សំរិន ជាបន្តបន្ទាប់ផងដែរ។ «យើងខ្ញុំទាំងអស់គ្នាតែងតែនឹកឃើញ និងចងចាំជានិច្ច ប្រកបដោយការគោរពដឹងគុណយ៉ាងស្មោះអស់ពីដួងចិត្តនូវឆន្ទៈ និងសកម្មភាពសេ្នហាជាតិ និងប្រជាជនដ៏មោះមុតរបស់សម្តេចអគ្គមហាពញាចក្រី»។ នេះជាសម្រង់នៃសារជូនពរពីសំណាក់សម្តេចនាយករដ្ឋមន្ត្រី ហ៊ុន សែន និងជាប្រធានគណបក្សប្រជាជនកម្ពុជា។
សម្តេច ហេង សំរិន និងសម្តេច ហ៊ុន សែន នាអំឡុងពេលប្រកួតបាល់ទាត់មិត្តភាពរវាងមេដឹកនាំជាន់ខ្ពស់កម្ពុជានិងក្រុមមេដឹកនាំអាវក្រហមថៃ នៅពហុកីឡាដ្ឋានជាតិអូឡាំពិកកាលពីឆ្នាំ២០១១
សម្តេច សាយ ឈុំ ប្រធានព្រឹទ្ធសភា បានកត់សម្គាល់ថា សម្តេច ហេង សំរិន សម្រេចបាននូវជោគជ័យដ៏ត្រចះត្រចង់ក្នុងនាមជាអ្នកដឹកនាំស្ថាប័នរដ្ឋសភា ដែលជាស្ថាប័ននីតិប្បញ្ញត្តិជាតិ ដែលធ្វើឲ្យកម្ពុជាក្លាយជាប្រទេសនីតិរដ្ឋ និងមានការអភិវឌ្ឍលើគ្រប់វិស័យ។
សម្តេច ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានគូសបញ្ជាក់ផងដែរថា វីរភាពដឹកនាំរបស់សម្តេច ហេង សំរិន រួមចំណែកធានាយ៉ាងរឹងមាំនូវសន្តិភាព និងអធិបតេយ្យភាពជាតិនៅគ្រប់កាលៈទេសៈ៕
Tag:
សម្តេច ហេង សំរិន
© រក្សាសិទ្ធិដោយ thmeythmey.com
