Sam-A Gaiyanghadao ដែលគ្រងខ្សែក្រវាត់ ONE World Champion រហូតដល់ពីរត្រូវបានគេដាក់ក្រសែភ្នែកមិនស្ទើរទេក្នុងការឡើងមកការពារខ្សែក្រវាត់របស់ខ្លួននាថ្ងៃមុខ។ Sam-A គឺជាកីឡាករចំណាត់ថ្នាក់កំពូលពីកម្មវិធី ONE Super Series Muay Thai និង kickboxing ក្នុងទម្ងន់ strawweight បន្ទាប់ពី ONE Championship ចេញចំណាត់ថ្នាក់ផ្លូវការលើកដំបូងនាពេលថ្មីៗនេះ។
វីរបុរស Sam-A ដែលគ្រងខ្សែក្រវាត់ ONE Strawweight Kickboxing World Title កាលខែ ធ្នូ ឆ្នាំមុន និង ឈ្នះខ្សែក្រវាត់ ONE Strawweight Muay Thai World Title កាលខែ កុម្ភៈ នាដើមឆ្នាំនេះ ត្រូវបានគេទទួលស្គាល់ជាស្ដេចប្រដាល់ម្នាក់ក្នុងប្រភេទទម្ងន់ខាងលើ។ នាពេលបច្ចុប្បន្ននេះកីឡាករថៃដែលហ្វឹកហាត់នៅសិង្ហបុរី មិនទាន់ដាក់គោលដៅឡើងការពារខ្សែក្រវាត់ជាមួយកីឡាកររូបណានោះទេ ប៉ុន្តែ Josh Tonna ឬ គេស្គាល់ថា “Timebomb” ត្រូវបានគេជឿថាជាកីឡាករសក្ដិសមឡើងមកដណ្ដើមខ្សែក្រវាត់មុនគេពេលសង្វៀនដំណើរការឡើងវិញ។
Tonna គឺជាកីឡាករហ្វឹកហាត់នៅក្លិប MuayU នាក្រុង Canberra នៃ ប្រទេសអូស្ត្រាលី ហើយរូបគេបានធ្វើព្យុះភ្លៀងយ៉ាងខ្លាំងក្លាដោយផ្ដួលម្ចាស់ខ្សែក្រវាត់ Muay Thai World Championច្រើនសម័យកាល Andy “The Punisher” Howson ដោយប្រើក្បាច់អុកជង្គង់ចំក្បាលនៅក្នុងកម្មវិធី ONE: WARRIOR’S CODE។