ស្ត្រីអាចពិនិត្យ និងស្ទាបសុដន់រកដុំសាច់មហារីកដោយខ្លួនឯងបាន! (ភាគ៣)

ជាតិ

បទសម្ភាសន៍

ស្ត្រីអាចពិនិត្យ និងស្ទាបសុដន់រកដុំសាច់មហារីកដោយខ្លួនឯងបាន! (ភាគ៣)

27, May 2020 , 8:19 pm

រូបភាព

ដោយ: អ៊ុត រស្មី (Uth Raksmey)

ភ្នំពេញ៖ ជំងឺមហារីសុដន់ កើតឡើងដោយសារការបម្រែបម្រួលអម៉ូនកើនឡើងក្នុងខ្លួនរបស់ស្ត្រី ជាពិសេសនៅក្រពេញសុដន់។ បើតាមវេជ្ជបណ្ឌិត គីវ ពុធនីកា ជំនាញសម្ភព និងរោគស្ត្រី ស្ត្រីអាចពិនិត្យរកដុំមហារីកសុដន់ដោយខ្លួនឯងបាន ដោយការស្ទាបសុដន់ ហើយអាចធ្វើឡើងនៅទី២ ឬទី៣ បន្ទាប់ពីអស់រដូវ ដោយសារនៅចន្លោះពេលនោះសុដន់មានសភាពទន់ងាយស្រួលក្នុងការរកដុំសាច់មហារីក។

ដើម្បីជ្រាបច្បាស់សូមអញ្ជើញ លោក-អ្នកនាងទស្សនាបទសម្ភាសរវាងកញ្ញា អ៊ុត រស្មី អ្នកសារព័ត៌មានថ្មីៗ និងកញ្ញាវេជ្ជបណ្ឌិត គីវ ពុធនីកា ជំនាញសម្ភព និងរោគស្ត្រី នៃមន្ទីរពហុព្យាបាលសម្ភពសោភាមានជ័យ ដូចទៅ៖

វេជ្ជបណ្ឌិតជំនាញសម្ភពនិងរោគស្ត្រី គីវ ពុធនីកា បានបង្ហាញអំពីវិធីពិនិត្យសុដន់រកដុំសាច់មហារីកដូច្នេះថា៖«ដើម្បីរកដុំសាច់ដោយខ្លួនឯង ស្ត្រីអាចរកទីតាំងសម្រាប់ខ្លូន ដោយឆ្លុះកញ្ចក់ ហើយធ្វើការពិនិត្យ តើទំហំសុដន់ខុសគ្នាឬទេ? មួយទៀតយើងអាចលើកដៃរបស់យើងទៅម្ខាង បើសិន ក្នុងករណីយើងលើកដៃខាងឆ្វេង អីចឹងយើងយកម្រាមដៃកណ្ដាលនៃដៃខាងស្ដាំ យកមកស្ទាបសុដន់ខាងឆ្វេងពីលើទៅក្រោម ពីឆ្វេងទៅស្ដាំ»។

វេជ្ជបណ្ឌិតជំនាញសម្ភពនិងរោគស្ត្រី រូបនេះ បន្ថែមទៀតថា៖«និយាយរួមយើងត្រូវស្ទាបឱ្យសព្វនៅជុំវិញសុដន់របស់យើង ហើយរំកិលម្ដងបន្តិចៗឱ្យគ្រប់សព្វ។ ប្រសិនបើ ក្នុងករណីស្ទាបទៅឃើញដុំ យើងគួរមកជួបគ្រូពេទ្យ។ មួយទៀត បើគាត់ឃើញសុដន់មានដុំក្រហមនៅផ្នែកណាមួយ ហើយមានការឈឺចុកចាប់ គាត់ក៏ត្រូវមកជួបគ្រូពេទ្យដែរ»។

វេជ្ជបណ្ឌិត ពុធនីកា នៃមន្ទីរពហុព្យាបាលសម្ភពសោភាមានជ័យ បានបន្ថែមថា ប្រសិនបើ ស្ត្រីពិនិត្យសុដន់មិនឃើញមានភាពមិនប្រក្រតីណាមួយទេ ស្ត្រីត្រូវពិនិត្យសុដន់ដោយឃើញឯង យ៉ាងហាចណាស់ឱ្យបាន៣ទៅ៤ដងក្នុងមួយឆ្នាំ៕