បទ ត្រីពិធព័ន្ធ
កុំទាន់ហ៊ាន តែហ៊ាន ហ៊ានប្រមាថ ច្បាស់ខូចខាត យើងខាត ខាតជាថ្មី
វីរុសស្ងាត់ បានស្ងាត់ ស្ងាត់ពេលខ្លី
រលកថ្មី ឆ្លងថ្មី ថ្មីឆ្លងត។
មន្ត្រីប្រាប់ ហាមប្រាប់ ប្រាប់រាល់ថ្ងៃ កុំលែងដៃ លាងដៃ ដៃស្អាតល្អ
កណ្តាសក្អក បើក្អក ក្អកក្តៅក វិធីល្អ ផ្លូវល្អ ល្អខ្ទប់មាត់។
ក្រែងរោគឆ្លង ដាលឆ្លង ឆ្លងអ្នកក្រៅ បើគ្រុនក្តៅ ខ្លួនក្តៅ ក្តៅទុកភ្លាត់
ទាក់ទងពេទ្យ ទៅពេទ្យ ពេទ្យផ្ទៀងផ្ទាត់ សេវារដ្ឋ ពេទ្យរដ្ឋ រដ្ឋត្រៀមស្រេច។
កុំជួបជុំ បើជុំ ជុំឲ្យចាំ គ្រូពេទ្យផ្តាំ លោកផ្តាំ ផ្តាំកុំត្រាច់
ចរចេញក្រៅ ទៅក្រៅ ក្រៅហាមផ្តាច់ ត្រៀមមុនស្រេច ត្រៀមស្រេច ស្រេចបង្ការ។
អាល់កុលម៉ាស់ មានម៉ាស់ ម៉ាស់ការពារ ដាស់តឿនគ្នា ប្រាប់គ្នា គ្នាចាំថា
កុំឲ្យភ្លេច បើភ្លេច ភ្លេចកុនការ កូរ៉ូណា នេះណា ណានៅជិត។
រលកពីរ ទីពីរ ពីរជុំថ្មី មិនអាចហី បើហី ហីគ្រោះពិត
ប្រយ័ត្នទៀត រួមទៀត ទៀតទៅមិត្ត កុំអាលគិត ឈប់គិត គិតប្រហែស៕