យុវជន ជឿន ចននី ចំណាយពេល៧ឆ្នាំ ស្រាវជ្រាវផលិតយន្តហោះស្នោសម្រាប់គប់លេង

ជាតិ

សង្គមជាតិ

២៥ខេត្ត/រាជធានី

យុវជន ជឿន ចននី ចំណាយពេល៧ឆ្នាំ ស្រាវជ្រាវផលិតយន្តហោះស្នោសម្រាប់គប់លេង

31, May 2020 , 3:59 pm

រូបភាព

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ លោក ជឿន ចននី បានចំណាយពេល ៧ឆ្នាំ ដើម្បីស្រាវជ្រាវផលិតយន្តហោះស្នោសម្រាប់គប់លេង លក់នៅលើទីផ្សារ។ បើតាមលោក ចននី ការចាប់ផ្ដើមផលិតយន្តហោះដំបូង មិនទាន់ល្អ ដែលធ្វើឲ្យលោកចំណាយពេលច្រើន ទម្រាំផលិតបានយន្តហោះមួយប្រភេទនេះ អាចហោះបានចម្ងាយ៤០ម៉ែត្រ។

មានវ័យ២៩ឆ្នាំ លោក ជឿន ចននី មានចិត្តស្រឡាញ់អាជីពជាអ្នកបើកយន្តហោះតាំងពីកុមារភាព ប៉ុន្តែដោយសារកត្តាជីវភាព និងជាកូនកំព្រា មិនអាចឲ្យលោកក្លាយជាអ្នកបើកយន្តហោះបានឡើយ។ ដោយក្ដីស្រឡាញ់ អ្នកខេត្តកំពង់ចាមរូបនេះ បានចិញ្ចឹមចិត្តដែលស្រឡាញ់យន្តហោះ រហូតផលិតបានជាយន្តហោះច្រើនប្រភេទ។

ដើម្បីជ្រាបច្បាស់ សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey ជាមួយលោក ជឿន ចននី ដូចតទៅ៖

បច្ចុប្បន្ន លោក ចននី បានផលិតយន្តហោះស្នោសម្រាប់គប់លេង លក់នៅលើទីផ្សារ ដែលមានតម្លៃ ៥ដុល្លារក្នុងមួយគ្រឿង ជាប្រភេទយន្តហោះ Airbus A350។ បើតាមលោក ចននី ការផលិតយន្តហោះស្នោលក់ក្នុងតម្លៃ៥ដុល្លារនេះ គឺដើម្បីឲ្យក្មេងៗបានលេង និងបណ្ដុះគំនិតស្រឡាញ់បច្ចេកវិទ្យា។

ដើម្បីផលិតយន្តហោះនេះ លោក ចននី ត្រូវគណនាឲ្យត្រូវក្បួន ទាំងគណនាកម្លាំង ទម្ងន់សរុប ផ្ទៃគណនាស្លាប ការរចនា និងបច្ចេកទេស។ លោក ចននី បន្តថា ទៅថ្ងៃអនាគត លោកមានគំនិតបង្កើតជាយន្តហោះសម្រាប់ជិះ ដែលអាចដឹកភ្ញៀវទេសចរបាន៕